السلام عليكم ورحمة الله

مشكوووره خيتوو توأم الفرح على هالطرح ..
انا يمكن ما اقدر اناقشج في هالموضوعين ولا أأيد أو أعارض ..

بس راح أشارككم ..
عن القضية الأولى ..
>> للمعلوميه بس قلت ما اقدر اناقشج فيها لأن انا مو بالسعودية وصار لي أكثر من سنة اسوق <<
فاهي فعلاً لها ايجابيات وسلبيات .. بس انا اشوف ايجابياتها أكثر
1. لي متى بتعتمد في كل شي على غيرها!! يعني ما شاء الله ما أكثر طلبات البنات مو دايماً ممكن الاعتماد على أحد
(اللي ما عندها أخ أكبر .. أبوها مشغول دايماً !!) << تعتمد عالسواق ؟؟؟ وهذا الأدمر بنظري .. لأن برايي مستحيل اثق بسواق
2. اذا عن سالفة المغازل مثل ما قالوا أخواني الأعضاء .. فالمغازل بكل مكاان الحين وما تفرق ان كانت اهي اللي تسوق أو غيرها ..
(اللي ما يعرف ربه .. يسوي كل شي)
3. وعن انها ممكن تخترب أو تنحرف أسرع .. هم مو قاعده هذي >> (هذا شي راجع للبنت نفسها .. تربيتها، دينها، أخلاقها، شلون تعرف تصون نفسها من الانحراف .....)


وعن القضية الثانية ..
>> ومثل ما قلت لج من البداية .. فانا هم في جامعة مختلطة (كل جامعاتنا مختلطة)<<
اختي انتوا تناقشون الاختلاط .. بأي طريقة ؟؟ عن شنو تبون تتناقشون ؟؟
عن آثار الاختلاط !!
اذا بتقولون عن آثاره بالجامعات بس .. فما راح يفرق عن الاختلاط بمكان ثاني
اختي انا اشوف هالشي يمكن له وااايد سلبيات ..
بس تعرفين اشوف نقطة بعد تغير بالموضوع ..
قلة الاختلاط اللي عندكم وان كل شي ممنوع اهو اللي قاعد يزيد اللي صاير
المغازل << من ناس ما تعرف ربها ولا تخاف على سمعة أهلها طبعاً .. بس أحس ان هذا الشي يزيد من سالفة المغازل والتحجج
انا ما اقولج قاعده هذي .. لان عندنه وااااااااااااايد بعد
بس بالأول والأخير اللي تبي تحافظ على نفسها لو كانت وسط مليون وااحد .. تعرف شلون
احنا مو قاصرين .. واظن اللي ما تبي الشي ما يصير غصب عنها ..


^^^ عالعموم هذا رايي لا أكثر :)

ومشكوووره خيتوو ..
يسلموووو