>> رجعنا
اقتباس المشاركة الأصلية كتبت بواسطة للدموع إحساس مشاهدة المشاركة
وراحت للحواي
أم جسوم :- قواك الله حجي
الحواي :- الله يقويش حجيه ، آمري تدللي
بعد .. تدللي .. مو هييييين .. هع هع
أيه أخلاق هالحواي ما يعرف يكلم من هههههه
أم جسوم :-ولدي بطنه ما أدري ويش فيها ، يا كل كفير ولا يشبع
الحواي :- ما يشبع أبداً يعني ويش ياكل
أم جسوم :-اليوم ما اله مشكاب كامل عيش
وسمك ولا شبع
الحواي :-أيييييييييه ، هذا يا محفوظة السلامه ولدش أجل في بطنه دود
يادافع البلا .. دود مره وحده ..
أيه بعد أجل ويش في بطنه ....ياكل ولا يشبع ما فيه الا الدود ياكل وياه
أم جسوم :-إسم الله الرحمن الرحيم
الحواي :- أيه ، وهذا ما ينفعوياه الا (بزر الدود)
أم جسوم :-يا الله اذا ما فيه الا هوه جيبه
وشو بزر الدود ..؟! < عودت تسأل .. والأخير يعني .. خلاص بهون ..أخر مرة ..
ما فيه مشكله خيتي ....بزر الدود هوه دواء
بس أقول لش ...إسئلي اذا ما عليش مكلافه وحده مبيره في السن
أستحي أكتب المعنى هنا ..
الحواي :- فيه بعد غيره
أم جسوم :-عطنا غيره ، أخاف يتلعوز من بزر الدود هذا
الحواي :- ما يهمش إخذي هالغرشه وخليه يشرب بس ترست كمشه
أم جسوم :- هذا ما بيرضى يشرب يا حجي عنيد وراسه يابس ، وهذا ويش هوه هذا الا دهن غير
الحواي :- هذا يا حجيه زيت خروع ، وخلاص أجل الله يعينش ، سوي له عيش وسمك وخليه ياكل منه ، ولا تحطي اله دهنه وبس يسألش عن الدهنه عطيه في فنيال من هالزيت
أم جسوم :-خوش فكره رحم الله والديك يا حجي
غريييييييييييبه أم جسوووووم تقول كلمه عدله ..
مو منها ...من اللي في ولدها مسيكينه
الحواي :-الله يرحم والديش حجيه ، هاش هذي الغرشه بربيه وفلاف آنات
أم جسوم :- ربيه وفلاف آنات ، شااااااااه تتكلم هالغرشه
الحواي :-ما تمبيها خليها
أم جسوم :-ما با أعطيك الا ربيه بس
ياعلي كل شي تحسه غالي أم جسوووم ..
هذا لوهيه هنه الحين ويش بتقول على هالأسعار
الحواي :- يالله جيبي ربيه وآنه وحده
أم جسوم :-أقول لك ما فيه الا ربيه
الحواي :-يالله بلا عوار راس جيبي اللي بتجيبيه
دويتي راسه .. ما تسوى عليه هاالبيعه ..
على آنه تسوي مشكله ههههههه
وعطته ربيه وراحت البيت على طول
وسوت عيش أبيض وياه كم سمكه
وحارست منصورووه لامن يجي
وبس أذن المغرب الا منصوروه جاي يركض
ودخل البيت وزلّج المزلاج وعلى طول راح للحب وغرف اله كاس ماي وقربعه تقربع ، ووراه الفاني والفالف
لعنة الله على يزيد وربعه ..
لعنة الله عليه وعلى ربعه
الا أمه تصارخ عليه :- ويش فيك تعب الماي عب ، شوي شوي ما هو طاير الماي
منصوروووه :- ويش فيش أماه بدل ما تقولي لعن الله يزيد
أم جسوم :- الله يلعنه لعان ، بس أني خايفه على سلامتك يا ولدي ، منهوه ليي غيرك أني
منصوروووه :- الله يسلمش أماه الله يسلمش
خخخخخخخخخ .. شكله أستحى ..
وصار ويهه أحمر بعد ههههههه
أم جسوم :- يا الله قوم أقعد على السفره يا غناتي
بعد ياااااغناتها ..!!
طلعت الامومة والحنّية
منصوروه :- ويش فيه العشاء اليوم
أم جسوم :- عيش وسمك
منصوروه :- انا لله وانا اليه راجعون ...بيوته
أم جسوم :- لا مو بيوته ، أني مسويتنه الك
أقرع ومتشيرط .. أكل وأنت ساكت ..
ما يقدر ما يعيب ويتشيرط هالمنصوروووه
منصوروه :-يالله يا أما جانا أبو عدوين ولا نجحنا وما هقوتي ننجح
وحطت أم جسوم -حسب الخطة - العيش ولا فيه قطرة دهنه
ويم بدأ منصوروه ياكل شاف العيش كأنه صجم
منصورووه :- هداويش أماه ما عندنا دهنه أبداً
أم جسوم :- فيه يا عناتي فيه
وصبت له شوي في فنجال
وودته لمنصورووه
وقام صبه الفنجال كله على جهته من الصحن
فيه العااااافيه ..
لو يعرف انه دوا ما شربه أبداً
أكل أول لقمه
أكل الفانيه
أكل الفالفه >>>>>>هب ........
على طول - حاشاكم - الأدب
هههه هههه هههه هههه هههه هههه هههه هههه
يقولوا ان الغبار اللي جانا قبل اسبوع مسوى منصورووه
وركيضه للأدب هههههههههه
ركيييييييييييييييييييض ..........
وآآآآآآآآآآه يا آآآآآآآآآآآه
الله يعينك ..
أهم شي الدوا وصل للبطن هههههههه
ونقول ليكم إحنا شكله منصورووه بيطول
بس إحنا ان شاء الله ما نطول عليكم

أن شاااااء الله .. وأحنا في الأنتظاااااار ..
فمان الله
في حفظ الله ..
أبو زييييييييييين ..
يعطيك ربي ألف عااااافيه ..
نحن بإنتظار البقية ..
بفارغ الصبر ..
حتى ذالك الوقت ..
كن بأمان الله أين ما كنت ..
تحيااااااااااااااااااتي ..

للدموع إحساس ..


رحم الله والديش خيتي للتواجد الكريم

وان شاء الله إحنا ما نطول ياااااااارب

في رعاية الباري عز وجل

فمان الله