وراح لحجي عباس في الحفيز ،
ومن دخل استقبله الحجي عباس وهوه مبتسم لاويش ؟؟؟؟؟
منصورووه :- السلام عليكم حجي
حجي عباس :-عليكم السلام منصور
منصورووه :-الله يدم الضحكه حجي عباس
حجي عباس :-الله يسلمك ، تعال يا وليدي تعال
منصورووه :- خير حجي آمر
حجي عباس :- تعال اقعد أمباك في شغله
منصورووه :-تامر أمر حجي
حجي عباس :- شوف أنا وعدتك اذا أبو سعيد الخوصه جاب لفلوس با أعطيك خمس ربيات له
منصورووه :- أيه ووعد الحر دين
حجي عباس :- الحين أنا با أخليهم عشرين ربيه بس أمباك في شغله فانيه
منصورووه :- قول يا حجي آمر
حجي عباس :- بس مو الحين با أقول لك ، حارس شويه وتالي با أتحجى وياك ، الحين خلك انته في الحفيز
وبعد شوي بيجي لك واحد لا تخليه يطلع من الحفيز زين
منصورووه :- ان شاء الله حجي ، بس قول ليي ويش إسمه وويش بوهته وكيفه با أعرفه
حجي عباس :- لا الا بتعرفه من حجيه ، ما تركب عنده كلمه على الفانيه
منصورووه :- تآمر وتدلل حجي
حجي عباس :-يالله الحين أنا با أروح مشيوير وبا أرجع زين ، دير بالك
وراح الحجي عباس وقعد منصوروووه يفكر وبطنه يخلط يخلط
وهوه يفكر ويش فيه حجي عباس
ويش يمبى من هالرجال
وووووووووو
وقام عيط على المهدلي وطلب له استكانة شاي
وبعد وياها سكولا
وهوه قاعد يحارس الطلب ماله الا دخل رجال عليه بشت وخوش شغل ...حلاه وزين ....وكشخه
- الس الس السلام ع ع ع لي ي ي كم
منصوروه :- ( كتم الضحكه ) :- عليكم الس السلام
- وي وي وي وين الحجي عب عب عب عباس
منصوروه :- را ح شوي عنده شغله وبيرجع بعد شوي ، آمر وتدلل
- لا لا لا لا با با با با أعود ب ب ب بعد ش ش ش و و ي
منصوروه :- وين رايح يالحبيب إستريح حلفت عليك ما تروح إستريح
- لا لا لا ...عنـ عنـ عندي شغل وبا أ أ أ رجع ش ش ش وي
منصوروه :- حلفنا عليك يالحبيب .....وقام وعيط على المهدلي مره فانيه وطلب نامليت
- لا تكلف ع ع ع ع على ر ر ر ر و و و وحك
منصوروه :- الحساب يوم الحساب يا حجي
- ههههههه هه ه ه هههه ههههه
وشوي الا المهدلي جاب الطلبات
وقام منصورووه يشرب شوي من السكولا وشوي من الشاي
واللي جاه في الدكان مستغرب منه
وهوه يشرب في النامليت
وشوي الا منصوروه فاق بوزه قدام الرجال
لا حيا ومستحى ....عاااااااااااااااااااااااااااااااااااااااااه
منصوروه :- اسمح لينا يا حجي ما عرفناك
- أنا أنا أنا أنا
منصوروه :- انته نهوه ، يا الله قولها
- أنا أنا إس س س سمي ....ابو ابو ابو محمود
منصوروه :- حياك الله يا أبو محمود ، وانته ويش عندك ويا الحجي عباس
أبو أبو محمود :- وان ان ان نته من من من هوه
منصوروه :- أنا يا حجي دراع الحجي اليمين
أبو أبو محمود :- يعن يعن يعني شر شر شر شريك ك ك كه
منصوروه :- أزيد من هالشي بشويه
أبو أبو محمود :- ح ح ح ح ياك الله
منصوروه :- الحين ويش بتقول ليي ويش عندك ويا الحجي عباس ولا
أبو أبو محمود :- و و و ولا و و و ويش
منصوروه :- ما شي بس أمبى أعرف له ، أنا من قال ليي حجي عباس انته بتجي وأنا بطني حالته حاله
أبو أبو محمود :- ي ي يعني حجي ع عب عب عباس هو هو هوه اللي قا قا قال لك ت ت ت حارسني
منصوروه :- أيه يا أبو ابو محمود ، ما قلت لك أنا دراع الحجي اليمين
أبو أبو محمود :- آهاااااااااا يع يع يعني ز ز زين أجل
منصوروه :-ويش هوه اللي زين
أبو أبو محمود :- أنا ا ا ا الح ح ح حين با با با أروح وتا تا تالي با با أعود
منصوروه :-وينه بتروح يا غناتي وينه بتروح ، انته بتروح من هنه وأنا بتروح روحي ، با أخسر العشرين ربيه اللي قال ليي الحجي بيعطيني وياهم اذا خليتك تقعد
أبو أبو محمود :- هو هو هوه قا قا قال لك ها ها هالشي
منصوروه :- ايه وعدني بيعطيني عشرين ربيه اذا خليتك تحارس ولا تطلع من الحفيز
أبو أبو محمود :- أنا أنا أنا با أع أع أعطيك ف ف ف فلافين رب رب ربيه اذا خل خل خليتني أرو و و ح
منصوروه :- وينهيه ....مو بس تروح الا أدليك على الطيق بعد ، بس بشرط
أبو أبو محمود :- ويش هووووه
منصوروه :- لا انته جيت ولا طبيت
أبو أبو محمود :- خ خ خ خلاص تم
وعطى أبو أبو محمود منصوروه فلافين ربيه وطلع من الحفيز
وطلع وراه منصوروه حق يتطمن إنه ما فيه أحد شاف أبو محمود وهوه طالع
وعود الحفيز وقام يكمل السكولا ويا الشاي ويا النامليت
وهوه يفكر ويش بيقول للحجي عباس ؟؟؟؟؟
------
-- إحنا الحين بنعود الى أم جسوم في البيت
قاعده تفكر وتفكر وتفكر
ويش تسوي بعد الفضيحه اللي صارت ويا أبو سلمان
بس ما همها الفضيحه كفر ما همها كيفه بتطلع الى زكاي وكظام وكيفه بتشرب قدو وياهم
وشوي الا تسمع .....
تتن ....تتن ....يالتتن
حاااااااااار يالتتن .....حليو يالتتن
وقامت وطلعت ليها قروش وطلعت
أم جسوووم :- قواك الله حجي ، تعال هنيه تعال
راعي التتن :-الله يقويش
أم جسوووم :- عندك قداوه
راعي التتن :- أجل ويش عندي ، ويش شايفتني أبيع سمك
أم جسوووم :-زين زين خلااااص ، عندك قدو بصري
راعي التتن :- أيه بفمان آنات
أم جسوووم :- واااااااااال بفمان آنات غاااااالي
راعي التتن :- لا ويش غالي ، هذا بصري مو مال خراط
أم جسوووم :- أيه بصري بس ما يستاهل فمان آنات
راعي التتن :- تمبي أهلا وسهلا ، ما تمبي بعد أهلا وسهلا
خلينا نتسبب أحسن لينا
أم جسوووم :- يالله يا حجي ما عندي الا سبع آنات
راعي التتن :- قلنا فمان يعني فمان
أم جسوووم :- حشى مو قدو هذا
راعي التتن :-ويش الحين تمبى ولا ما تمبي ، لا يكون مفكره ما عندي الا انتين ....يا الله فمان الله
أم جسوووم :-تعال وين بتروح
راعي التتن :-يا الله بسرعه ورايي فلافة فرقان غيركم
أم جسوووم :- ويش بتعطيني وياه تتن حار بعد
راعي التتن :-لا والله الا فلحنا بهالبيعه ، قدو وياه تتن بفمان آنات ...ما يصير
أم جسوووم :- ويش هالبخل ، ما طلبنا شي إحنا نمبى راس تتن نجربه بس
راعي التتن :- كيلو التتن بآنتين وفلف تمبي
أم جسوووم :- لا أجل عكني نص كيلو بس
راعي التتن :- يصير حسابش تسع آنات يالله بنطيح لش شوية قروش
أم جسوووم :-ما قصرت ، طيحت نص البيعه
راعي التتن :-أوهووووووه ، وآخرتها وياش
أم جسوووم :-خلاااااص ما قلنا شي
راعي التتن :- يالله با أشوف لفلوس أول شي
وراوته لفلوس وقام جاب ليها القدو وياه التتن
وعطته لفلوس
وراح عنها وقعدت هيه ويا قدوها تنقعه وتندي التتن
بس نسيت شي ........ما اشترت ليها فحم
وهيه نااااسيه هالشي
بعد ما نقعت القدو شوي ما تحملت تحارس يوم كامل على القدو قامت شالته وندت الراس
بس تذكرت ما شرت ليها الفحم
وما باقي عليها الا لصياح
وقامت تحوم وتحوم وتحوم
شافت ليها قطعة خشب وقامت حرقتها لامن ذابت
واستوى ليها شوية جمر
وما صدقت خبر
حطته على الراس
وقامت تمزمز
وهيه تفسفس في الحب
كررررررررررررر
كررررررررررررررر
كرررررررررررررررر
كرررررررررررررر
تقربع في القدو
وشوي الا راسها يدور يدور يدور يدور
وطرااااااااااااااااااااااااااااااخ
ويش صار ؟؟؟؟؟
نشوفكم قريباً
فمان الله
رد مع اقتباس
المفضلات