ما شافت أم جسوم الا ولدها ما خذ الريدو وطالع به ........
وقامت تصارخ عليه أم جسوم .......تعاااااااااااااااااااااااال يالنحيس تعااااااااااااااااااااال
وهوه داق الطبلون هههههه
وهيه تصارخ عليه :- تعااااااااااااااال لا تطلع الرسته
لا يصدموك
وهوه مو جايب ليها خبر وطااااااااااااير
وين راح وين دلف بالريدو هالنحيس ...هذي أم جسوم تسولف ويا نفسها ......وطلعت بعد هيه
ولدها ....( ترى إسمه مو جسوم ) إسمه منصور
بس كانو كلّه يسموها أم جاسم ..علشان كده
صارت أم جسوم
منصور راح للسوق وقام يفتر من مكان لمكان لامن وصل للقهوه وما شافوه الا مطفي البشتخته مالت القهوه وراكب على كرسي ويقول ليهم ....
منصور:- شوفوا يا تعطوني شاي وتسووا ليي قدو ولا با أشغل ليكم صواية إيران وبا أخليكم تمرضوا وتطيحوا بصفره
قاموا يضحكوا اللي في القهوه وقام له حجي عبدالله .....
حجي عبدالله :- منصورووووه ....منصورووووه وصمخ إنزل أحسن لك إنزل
منصور :- ما نا نازل يعني ما نا نازل ، هااااه خفتوا من الصوايه هااااااه
حجي عبدالله :- ترى إذا ما نزلت ما بينزلك الا قلم هالقدو يلعب في ظهرك لعب
منصور:- با أنزل خلاص بس أمبى بيالة شاي
حجي عبدالله :- انزل وبنعطيك بياله شاي
ونادى على ( الصبي ) وقال له يصب له بيالة شاي
منصور:- رحم الله والديك حجي ، وخلاص ما نا مشغل الصوايه خلاص ،وهذانا با أشيل الاحجار من الريدو
وخلصت مشلكلة منصوروووه في القهوه
.........
وبدت مشكلة أمّه في الفريق
طلعت أم جسوم ورى ولدها وقامت تداور من محل لمحل ومن حفيز لحفيز تسأل عن ولدها واللي يطردها واللي يقول ليها زين ضاع علشان نفتك منه وهيه المسيكينه تداور لامن دار راسها ، وودت على طريق بيتهم ومرّت على القهوه وشافت ولدها قاعد وفي إيده بيالة شاي
وما سمعوا اللي في القهوه الا صرخة أم جسوم
منصوروووووووووووووووووووووه يالخبل ،أني داير راسي عليك وانته قاعد في القهوه
منصور :- ويش فيش ويش فيش ، أنا الحين صرت رجال وقاعد ويا هالرجال في القهوه ، وأشرب شاي
أم جسوم :- شَرَبوك ان شاء الله الجنانوه الا شربوك قم قمقم عصبك
منصور:- أقول روحي أقول لا الحين أجيب لش حمارة القايله
أم جسوم :- أقول لك قوم ، عساها حمارة اللي تعنفص عليك
منصور:- ما نا قايم روحي انتين روحي
أم جسوم :- حجي عبدالله رحم الله والديك قول له يقوم
حجي عبدالله :- يا أم جسوم خليه الحين وتيسري انتين وأنا با أجيبه الش لباب البيت ، يالله تيسري
وراحت أم جسوم وراح منصور ويا الحجي عبدالله ومروا على بسطات السمك على سيف البحر وأخذ الحجي ودام لبيتهم وعطى منصور قفه فيها شوية سمك ،ووداه بيتهم
أم جسوم :- هاااه جيت يالخبل
منصور:- حجي عبدالله عطاني سمك
أم جسوم :- روح ودّه هناك وخذ هذي سكين وحرفسه علشان نطبخ اليوم منّه
منصور:- حرفسيه انتين ، أنا مشغول
أم جسوم :- جعلك شاغول ، مشغول ويش عنك
منصور:-أنا با أروح لحجي عباس ، يقول بيشغلني عنده وبيعطيني كل إسبوع روبيه
أم جسوم :- جزاه الله خير ، عاد شوف تسبح وتخنن عشان تصير زقرت ، مو تروح بشلانك الشغل
منصور:- هههههه أتخنن ، شااااااااااه با أصير مدير
أم جسوم :-أقول لا تراددني أقول ، هذا وأني أمك تراددني ويش بتسوي وياه بعدين
منصور:-ما عليش أماه ، با أصير أستاد بسرعه
أم جسوم :- أقول حتى اذا حجت البقر على قرونها ما بتصير
منصور:- انزين عجل ما نا رايح الشغل خلاص
أم جسوم :- زين انته اشتغلت عشان تهون
منصور:- هههههه با أشتغل دانا له
أم جسوم :- زين يالله قوم ، روح لشغلك اللي ما أدري من وين طلع لك وخلني أحرفس الشمك ولاتتأخر وخذ هاك هذي فلاف آنات جيب لينا بهم شوية هولندا
منصور:- انزين أماه ههههه
وطلع ولد أم جسوم .....؟؟؟
رد مع اقتباس
.. هو والأقدار مسلسلاتي المفضله في المرتبه الأولى لو اشوفه عشرين مره بس الأقدار الحلقات الأوليه ايام مرعوب من كبرو ويع ؛؛<< قصة حياتش
مممممم حنا نقول بلهجتنا يسفط السمش .. انتون يحرفس السمك..
المشاركة الأصلية كتبت بواسطة للدموع إحساس
ههه
بجد هنا بموووت ضحك لكن بجد يظلووون ع طيبتهم 
توني قاعده وافادي فيها فطوور.وبدهن شويات زينااات ..ايبااااااااا... بس افا ماعرف اسويها عدله صراحه بعفس الدنيا 
والنفس زين لك شهيتني عليها.. 
شكلي بسوي لي مهلبيه عن العين والنفس
المفضلات