با أسولف وشوفوا سالفتي ...

[واحد فاضي]

أم جسوم :-جايتنش يا محفوظة السلامه أمبى أخطب لولدي بنيه مزيونه من بناتش
وقفت أم السعف وهيه تطالع في أم جسوم
ولا في بوزها ولا كلمه بس تطالع في أم جسوم وهيه فاقه بوزها ...........
أم جسوم :- خير يا وخيتي ، عسا ما غلطنا
إسم الله الرحمن الرحيم عليش وعلى عمرش

وقامت أم جسوم بتغرف من الحب قلاص ماي

الا أم السعف تصرخ عليها :- قعدي في محلش قعدي

وقعدت أم جسوم في محلها غصب عليها من الخوف اللي صادها
أم السعف :- وين يتروحي وين ، تمبي تنحاشي هاااه
أم جسوم :- لا ويش أنحاش ، أني باأغرف لش قلاص ماي يبرد على روحش
أم السعف :-أني ما أشرب الا من بغلتي
ورفعت بغله جمبها وقامت تشرب
والماي يتصبب من بوزها ويبلل ملفعها وعباتها
وشوي الا هيه تكح
كح كح كح كح كح كح
أم جسوم :- عليش بالعافيه ،هني هني
أم السعف :-هني على عمري ان شاء الله ويبعد الحساد عني
أم جسوم :-هني على قلبش
أم السعف :-أخاف مهي من قلبش بس
أم جسوم :-لاويش مي من قلبي
وقعدت أم السعف تطالع في أم جسوم وهيه ساكته
وقام العرق يتصبب من أم جسوم من الخوف
أم السعف :- الحين قولي لي منهوه اللي حادنش علينا وويش تمبي منا ولاويش جايه ؟؟
أم جسوم :-قلت لش أني ، أمبى أخطب لولدي بنية حليوه من بناتش
أم السعف :-ومنهيه اللي قايله الش ان عندي بنات للعرس
أم جسوم :-أني رحت لوحده من ربعنا وسألتها أمبى أخطب لولدي ودلتني عليش
أم السعف :-منهيه هذي وويش قالت لش
أم جسوم :-هذي إسمها شروفه بت حجي محمد وقالت لي ما الش الا أم السعف عندها بنيات حليوين

وما شافت أم جسوم الا أم السعف قايمه بطولها وهيه تصارخ

أم السعف :- سعف الا يسعف عمرش ولا تقومي منه أني أم السعف أني ، جعلش وياها الصمرقع
ودود البطن ما تفكوا منه
أم جسوم :-علا ويش يا وخيتي ، أني لا أعرفش ولا أعرف إسمش بعد لاويش الدعاوي
أم السعف :-لاويش الدعاوي هااااه ، بعد في وسطة بيتي وتسميني أم السعف .......
أم جسوم :-أجل ويش إسمش انتين حجيه
أم السعف :-حجت عليش البقر الا حجت عليش
أم جسوم :-انا لله وإنا اليه راجعون ، الله يغربلش يا شرفه ما طيحتيني الا في قشرا
أم السعف :-أني قشرا بعد ، جعل بدنش يتقشر ان شاء الله

وما إستحملت أم جسوم السبيبه وقامت
تصارخ على أم السعف ، وهذي تدعي وهذي تسب
أم جسوم :-أني جعل بدني يتقسر ، أجعلش اليباس
ان شاء الله
أم السعف :-بعد وتتجري عليي .......وقامت تنادي
على بناتها.....
وجوا البنات وحده ورى الفانية
ومن شافتهم أم جسوم طار باقي عقلها
ما شافت قدامها الا فحول مو بنات
اللي في إيدها ملاس واللي في إيدها خشبه واللي في إيدها منجل واللي في إيدها حبال
أم جسوم :-اسم الله الرحمن الرحيم
أم السعف :- هاه بعد ويش بتقولي
أم جسوم :-ما با أقول الا حسبي الله ونعم الوكيل عليش يا شروفه وعلى شورتش ، أجل أني أطيح في هالورطه
أم السعف :-أجل أني أم السعف هاااااه ، ويش تمبيهم يحشوش حش الحين ولا بتتأدبي وتشيلي روحش ولا نشوف رقعة وجهش في هالفريق أبداً
أم جسوم :-الا با أنقلع وما بتشوفي رقعة وجهي أبد

وقامت أم جسوم وتحركو البنات مع قومتها
وأمرتهم أمهم انهم يرجعوا لشغلهم
لكن أم جسوم ما تروح وهيه مكسورة الخاطر أبد
وهيه قايمه شالت وياها البغله
ومرت عدال الحب
وشوي الا الحب على الأرض ومايه مندفق على حصير أم السعف
وتوها أم السعف بتصرخ على بناتها الا البغله فوق راسها
وأم جسوم بشلانها تراكض لامن وصلت للباب
وفتحت الباب وطلعت

وتوها بتحط رجولها الا نص الفريق واقفين على الباب
ومن شافتهم الا هيه تصارخ عليهم :- روحوا لا تطلع ليكم الجنية روحوا
وتفرهدوا الفريق وأم جسوم تراكض وهيه ما تشوف اللي وراها .

فنتين من بنات أم السعف وراها
وهيه تركض من محل لمحل وهم وراها
ووصلت لفريقهم وهم وراها ماهم مخليينها
ودخلت ف يزرنوق اللي يوصل لبيتهم وخافت تروح للبيت على طول تالي يندلوا البيت قالت مالي الا بيت شروفه
أروح له وأبلشها
وهب وصلت لبيت شروفه وفتحت بابهم ودخلت وصكت الباب وركبت الصدح وعبرت من الجسر بينهم وبين جيرانهم من الدار الفوقيه ودخلت على الجيران وهم قاعدين توهم بيركبوا غداهم
الا أم جسوم مفلات الخبابوة تمر عليهم وهيه تصارخ
ومن خلعتهم اتنفرت المواعين وصارت حالتهم حاله
وبس دقيقه الا أم جسوم طالع من الباب الوراني وتروح لبيتهم وتسكر الباب و....
تعب تعب تعب تعب الماي من الحب مالههم عب

من الخلعه منصور قعد من نومته وقام يزوحف لامن طلع وشاف أمه قاعده وعيونها بارزه من راسها

منصورووه :- قواش الله يماه ، ويش فيش
كأنه السعلو لاحقنش
أم جسوم :-أي سعلو يا منصور ، لو السعلو كان أهون عليي شوي
منصورووه :-سلامتش يماه سلامتش ما تشوفي شر
أم جسوم :-الشر ما يجيك يا وليدي
منصورووه :-الا أقول أماه
أم جسوم :-خير ويش تمبى
منصورووه :-متى بتروحي تخطبي لي
أم جسوم :-خطبوا لك الجنانوه ، ماظلت خطبه

منصورووه :-ويش فيه أما ه مصخنه توش تقولي
لي بتخطبي ليي
أم جسوم :- بعدين أقول لك بعدين
وشوي الا باب أم جسوم يدق
وما تشوفوا أم جسوم الا تتنافض مفلات لطوير
أم جسوم :-شوف منصورووه اذا فيه أحد يسال عني قول له أمي مريضه
منصورووه :-لاويش يماه
أم جسوم :-قول له انته أول شي وقول ليهم بعد أمي مي قادره تحرك روحها من البارحه زين يا ولدي
منصورووه :-بس قول لي لاويش
أم جسوم :-قول ليهم انته كده ، اذا تمبى تبقى لك أم في هالدنيا زين
منصورووه :-ما يهمش أماه كل شي ولا أمي

وراح منصورووه يفتح الباب وهوه يصارخ
زين زين شويه قلعتوا الباب الله يقلع اياديكم ان شاء الله
ومن فتح الباب الا قدامه أبو سلمان
وبنيتين ومرته شروفه
منصورووه :-خير خير يا حجي ويش تمبى
أبو سلمان :-ويش أمبى ، شوف هالخطار اللي
جايين ويش يمبوا
وسألهم منصورووه :- خير ويش تمبوا
بت أم السعف :- نمبى أمك
منصورووه :- أمي مريضه وما تقدر تتحرك
من البارحه نايمه
أبو سلمان :-من البارحه نايمه شااااااه واللي دشت بيتنا منهيه جنيه يعني
منصورووه :-ما أدري منهيه يا حجي
أبو سلمان :-أقول خلها تطلع للناس أحسن ليها
منصورووه :-أقول لك أمي مريضه تقول ليي
خلها تطلع للناس
أبو سلمان :-أنا مالي شغل ، اذا ما طلعت الحين بيطلعوها غصب عنها ترى
منصورووه :-وانتون ويش تمبوا في أمي
بت أم السعف :- نمبى نأدبها اللي ما تستحي، تضب أمنا وتنحاش عمبالها الدنيا مهدوده يعني
منصورووه :-تضرب امكم من وينه وهيه من البارحه نايمه في البيت
أبو سلمان :-أقول لك خلها تطلع
منصورووه :-تمباها تطلع لاويش انته بعد ، تأدب أحسن الك يا حجي ياللي ما تستحي تمبى ويش تطالع
أبو سلمان :-مالي شغل أنا
منصورووه :-دام مالك شغل انقلع من قدام بيتنا وروح
أبو سلمان :- هاااااه ويش تقول تأدب يا صبي
منصورووه :- أنا رجال مو صبي ويالله انقلعوا من قدام باب بيتنا يالله
وصفق الباب في وجههم ودخل وهوه يفكر في اللي صاير
منصورووه :- ويش هالبليه اللي طاحت علينا ما أدري من وينه ، لاويش يا أماه تسوي كده ما أدري ، بس هذي أمي ولازم أحامي عنها
وجته فكره جهنمية وقرر ينفذها على طول
وراح أخذ السطل وعباه من الخمايم وركب فوق الصدح
وهب على روسهم من فوق
وتفرهدوا من قدام بابهم وهو يلعنوا ويسبوا في منصورووه وأمه ، ونزل منصورووه لأمه
منصوروووه :- ما عليش أماه خليش في البيت ولا تطلعي داكوه فرهدتهم ، رميت عليهم الخمايم من فوق الصدح
أم جسوم :-وراحوا يا ولدي
منصوروووه :-ولا بقى منهم أحد ، وهذا اللي ما يستحي رجل شروفه جاي وياه بنتين يمباش تطلعي خليته بيزه ما يسوى
أم جسوم :-كفوا عليك يا ولدي ، سبع وما ينخاف عليك
منصوروووه :- الحين أنا با أروح للحجي عباس أكيد تأخرت عليه
أم جسوم :-أي حجي عباس اليوم طلعه من هالبيت ما فيه
-----------
( ونخليهم الحين يتكلموا ويا بعض ونروح لـــكظام وزكاي ليمتد)
كظام :-سمعتي يا وخيتي اللي صاير
زكاي:-أيه سمعت عن قليلة الحيا أم جسوم
كظام :-يقول لش فقعت راس المره يمنجل وطلعت دمامينها كررررررررررررررررر
زكاي:- ما ينشره عليها هذي المره
كرررررررررررر
كظام :- لا ويقول لش المره قاعده ومضيفه أم جسوم وما قصرت وياها بعد كرررررررررر
زكاي:-أي والله ما تنعطى وجه هالأم جسوم كررررررررر
كظام :- يقولوا ما شافت المره أم جسوم الا وهيه واقفه وماخذه المنجل من العريش وضاربتنها على راسها من غير شي ولا شيات
زكاي:- ما تستحي في بيت المره وتسوي فيها كده
كظام :-وهذاكيه المره في سبيتار ومو عارفين يوقفوا الدم من راسها
زكاي:- لا ويقول لش يوم يشيولها ودوا وياها طشت دم طالع من راسها كررررررر كرررررررررر كرررررر
كظام :- داكم يمبوا يعودوه في راسها الدخاتر ماهم عرافين
زكاي:- ويش بعد يعودوه ، ماليهم الا أبر يدقوها كل شوي يترسوا براه ويضربوها شان بس الدم يعود
كظام :- الله يعينها والله ، داكم نسوان فريقهم ماخذين ليها عصير طماط
زكاي:- ان شاء الله يفيد ويعود دمها في بدنها
كظام :-ان شاء الله ما تموت وتبتلش أم جسوم بدمها بس
زكاي:- ان شاء الله ما تموت الخير والبركة في الدخاتر
وكررررررررررر
قال
كرررررررررررررر
وكملوا قعدتهم
----------
ونعود الحين لأم جسوم ويا منصورووه
أم جسوم :-الحين يا ولدي ويش أسوي ويش أفعل
منصورووه :-انتين اللي جبتيه لروحش وأنا ما ليي خص
أم جسوم :-الحين يا طايح السنجه أني مو
رايحه أخطب لك له
منصورووه :-عاد تخطبي لي تضربي المره فوق راسها
أم جسوم :-أجل تسبني وتطردني وتمباني أسكت
منصورووه :- هذا اللي قلناه ، ودام سويتي اللي
سويتيه تحملي
وشوي الا الباب يندق

طق طق طق

منهو اللي يدق الباب ؟؟؟؟

نعرف في الحلقه الجايه

حتى ذلك الوقت
عساكم في صحة وعافيه

فمان الله

[نور الهدى]

هههههههههههههههههههههه


مسكينه هالام جسوم

لو بتعتدل وياهم ما تعتدل كل يسوون فيها جذيه مسكينه

بس منصوره وامه مهما سووو فيهم ما ينشاخ عليهم

اباليس

يسلمو ابو زين على الحلقة

والله يعطيك الف عافية

حلقة كلها اكشن , تناطط من صدح الى بيوت الناس

الظاهر ام جسوم تلعب جمباز من ورانا واحنا ما ندري

[مياس]

بسم الله الرحمن الرحيم
هههههههههههههههههههههههههههههههههههههههههه
ياعلييييييييييييييييييييييييييي
وين ما تطقها عوجا ها الأم جسوم
لا و أم السعف تخوووفها بعد جايبه بناتها تفكر بتقدر عليها
هذي ام جسوم والأجر على الله تخوف ما تخاف
أما زكاي وكظام ضحكت عليهم لين قلت بس
عجل طشت دم بيعودوه في راسها
ههههههههههههههههههه
ويلي عليكم
الحمد لله على عودة السوالف مره ثانيه خيووو الفاضي
وزين ماسويتوا في المنتدى لانسخ بعد اليوم
رحم الله والديك ويسلمووو إيديك

[للدموع إحساس]

مافي مجال للكلام .. ماني قادرة بموت من الضحك ..
هههه هههه هههه هههه هههه هههه هههه هههه هههه هههه
هههه هههه هههه هههه هههه هههه هههه هههه هههه
هههه هههه هههه هههه هههه ههه هههه هههه
هههه هههه هههه هههه هههه هههه هههه
هههه هههه هههه هههه هههه هههه
هههه هههه هههه هههه هههه
هههه هههه هههه هههه
هههه هههه هههه
هههه هههه
هههه

ياعلي جخه جخه اليوم الحلقة ..
ماني قادرة أسكت ..
المشكلة أنها حست ان أم السعف مي أي وحدة ..
هههه هههه هههه هههه هههه بس ما تقدر ..
كسرت خاطري شوي .. بس كلما أبغى أسكت ما أقدر ..
كلما أتخيلها تراكض من زرنوق لزرنوق ..
ما أقدر غصبا عني أضحك ..
هههه هههه هههه هههه هههه هههه هههه هههه
ياعلي .. بعد صارت رامبو .. تنطط من صطح لـ الثاني ياعلي ..
مو طبيعيه أم جسووووم ..
هههه هههه هههه هههه هههه هههه هههه هههه هههه هههه هههه
هههه هههه هههه هههه هههه هههه هههه هههه هههه هههه هههه
لكن منصوروه .. يعرف ينقذ أمه في المواقف الصعبة ..
هههه هههه ياعلي بعد راح رمي عليهم الخمايم .. كل شي ولا أمه .. < لا خوش ولد ..
ملحق خوش ولد .. رد شال إيده من الموضوع .. هههه هههه هههه
يسلم بعمره أحسن ليه ..
و هدوله ك . ز ليييييمتد ..
ولا يتأدبو عن الخراط ...
يفجعو ويشو منجل وما ادري ويشو .. من وين يجيبو الشلخ .. المشكلة يشلخو ويصدقو شلاخهم ..
لا بعد المرة شالوها ويا طشت دم والدكاترة يبغو يرجعوه ليها ماهم عارفين ..
هههه هههه هههه هههه هههه هههه هههه هههه هههه هههه هههه
ما ادري من وين يجيبو الخراط .. لكن خراطهم حليو ..
لأن ما يتصدق ..
أبو زيييييييييييييييييييين ..
تسلم عن جد ..
ربي يعطيك ألف ألف ألف عاااافيه ..
بجد جخه اليوم .. وناااااسة ..
بوركت جهودك الجبارة خيووو ..
خجلا أقدم بين يديك شكري ..
شكرا من الأعمااااااق .. ازفها بـ أصدق ،منياتي لك بالموفقيه الدااائمة ..
لا عدمناااااااااااك ..
تحياااااااااااااااااتي ..
للدموع إحساس ..

[واحد فاضي]

خيتي نور الهدى مرحبتين

هههههههههههههههههههههه
عساها الضحكه دوم
مسكينه هالام جسوم
لو بتعتدل وياهم ما تعتدل كل يسوون فيها جذيه مسكينه
متعوده على الشحططه ههههه
بس منصوره وامه مهما سووو فيهم ما ينشاخ عليهم
اباليس
يعرفوا كيفه يتفرسخوا من المشاكل بسرعه هههههه
يسلمو ابو زين على الحلقة
والله يعطيك الف عافية
الله يسلمش ويعافيش خيتي
حلقة كلها اكشن , تناطط من صدح الى بيوت الناس
الظاهر ام جسوم تلعب جمباز من ورانا واحنا ما ندري

هذي أم جسوم والأجر على الله
أهم شي تطلع من المشكله
ولا تعيش الا بالمشاكل


تقبلي خالص التحيات على التواجد الرائع

فمان الله

[واحد فاضي]

أهلين يخيتي مياس ومرحبتين

بسم الله الرحمن الرحيم
بسم الله الرحمن الرحيم

هههههههههههههههههههههههههههههههههههههههههه
ياعلييييييييييييييييييييييييييي
وين ما تطقها عوجا ها الأم جسوم
ما يفيد وياها حتى السحر بعد هههههههه
لا و أم السعف تخوووفها بعد جايبه بناتها تفكر بتقدر عليها
هذي ام جسوم والأجر على الله تخوف ما تخاف
أي والله أم جسوم والأجر على الله
ما أحد يتعيلف وياها ويطلع سالم أبد
أما زكاي وكظام ضحكت عليهم لين قلت بس
عجل طشت دم بيعودوه في راسها
ههههههههههههههههههه
ويلي عليكم
هذي قعدة القدو وما تسوي هههههههه
شلاخ في شلاخ
ما يعيشوا بدون شلاخ .........على بساطتهم هههههههه

الحمد لله على عودة السوالف مره ثانيه خيووو الفاضي
ان شاء الله على طول لامن نخلص السالفه
وياكم على خير
وزين ماسويتوا في المنتدى لانسخ بعد اليوم

يالله نشيخ وياهم
جليلين الحيا هههههههههه
رحم الله والديك ويسلمووو إيديك

رحم الله والديش

تقبلي خالص تحياتي

فمان الله

[واحد فاضي]

خيتي للدموع إحساس يا مرحبتين

مافي مجال للكلام .. ماني قادرة بموت من الضحك ..
هههه هههه هههه هههه هههه هههه
هههه هههه هههه هههه هههه
هههه هههه هههه هههه
هههه هههه هههه
هههه هههه
هههه
عساها الضحكه دووووووووم ياااااااااااارب
وتسعد أيامكم يا رب
ياعلي جخه جخه اليوم الحلقة ..
ماني قادرة أسكت ..
الجخه تواجدكم وحضوركم الكريم
المشكلة أنها حست ان أم السعف مي أي وحدة ..
إي والله ..أم السعف هذي بليه
يمبى ليها تحتاط على عمرها أم جسوم
هههه هههه هههه هههه هههه بس ما تقدر ..
كسرت خاطري شوي .. بس كلما أبغى أسكت ما أقدر ..
كلما أتخيلها تراكض من زرنوق لزرنوق ..
ما أقدر غصبا عني أضحك ..
هههه هههه هههه هههه هههه هههه هههه هههه
عساها الضحكه دووووم ان شاء الله
ياعلي .. بعد صارت رامبو .. تنطط من صطح لـ الثاني ياعلي ..
مو طبيعيه أم جسووووم ..
هههه هههه هههه هههه
هههه هههه هههه هههه
الخوف وما يسوي يا خيتي يخلي الواحد يطير مو يناطط ههههههههههه
لكن منصوروه .. يعرف ينقذ أمه في المواقف الصعبة ..
هههه هههه ياعلي بعد راح رمي عليهم الخمايم .. كل شي ولا أمه .. < لا خوش ولد ..
هذي شركه بينهم أم جسوم ومنصورووه ليمتد هههههههه
ملحق خوش ولد .. رد شال إيده من الموضوع .. هههه هههه هههه
يسلم بعمره أحسن ليه ..
هههههههههه
ما يقدر على سوايا أمه ههههههه
و هدوله ك . ز ليييييمتد ..
ولا يتأدبو عن الخراط ...
يفجعو ويشو منجل وما ادري ويشو .. من وين يجيبو الشلخ .. المشكلة يشلخو ويصدقو شلاخهم ..
هذا دور وكالة الانباء ليميتد
لازم الشلخ وقعدة القدو بالشلخ أكيييييد
لا بعد المرة شالوها ويا طشت دم والدكاترة يبغو يرجعوه ليها ماهم عارفين ..
هههه هههه هههه هههه هههه هههه هههه هههه هههه هههه هههه
ما ادري من وين يجيبو الخراط .. لكن خراطهم حليو ..
لأن ما يتصدق ..
على شلاخهم بس رهيبين عندهم خيال رهيييييييييييييب ههههههههه
أبو زيييييييييييييييييييين ..
تسلم عن جد ..
ربي يعطيك ألف ألف ألف عاااافيه ..
الله يسلمش ويعافيش خيتي
بجد جخه اليوم .. وناااااسة ..
بوركت جهودك الجبارة خيووو ..
الجخة تواجدك وحضورك خيتي
خجلا أقدم بين يديك شكري ..
شكرا من الأعمااااااق .. ازفها بـ أصدق ،منياتي لك بالموفقيه الدااائمة ..

لا عدمناااااااااااك ..
تحياااااااااااااااااتي ..

للدموع إحساس ..

لك خالص تحياتي وتمنياتي بالموفقية دائماً

والله يوفقش ان شاء الله

فمان الله

[واحد فاضي]

أم جسوم :-أجل تسبني وتطردني وتمباني أسكت
منصورووه :- هذا اللي قلناه ، ودام سويتي اللي
سويتيه تحملي
وشوي الا الباب يندق
طق طق طق
طق طق طق طق طق

وجمد منصوروووه وأم جسوم

واللي يدق الباب مواصل في الدق

طق طق طق

وشوي الا صوت يعرفوه

هذا صوت حجي عباس
حجي عباس :- أفتحوا الباب ، منصوروووه أفتح الباب
منصورووه :- زين زين يا حجي دانا با أجي
يالله أماه دشي الحجره

وراح منصوروووه وفتح الباب ولقى الحجي عباس
منصورووه :- حياك الله حجي عباس
حجي عباس :- الله يحييك يا شيخ منصور

منصورووه :- تفضل دش يا حجي
حجي عباس :- فضلك الله ، يالله يا لله
منصورووه :- يالله يالله ، تستروا يا حريم
حجي عباس :-( أيه من زودهم يعني ما فيه الا أمك )
منصورووه :- ويش تقول يا حجي
حجي عباس :-لا لا ما فيه شي
منصورووه :- تفضل يا حجي تفضل هنه في الحوي تفضل
حجي عباس :-يالله يالله
وجلس الحجي عباس على الكرفايه اللي في الحوي ودخل منصورووه لأمه
منصورووه :- أما الحجي عباس في الحوي ، رحم الله والديش سوي لينا شاي
أم جسوم :- جعلك شيه ان شاء الله ، كيفه با أطلع وانت مقعدنه في الحوي
منصورووه :- نسيت ويش أسوي
أم جسوم :-يالله قول له با أطلع بسرعه يالله
وطلع للحجي وقال له
منصورووه :- تستر يا حجي أمي بتطلع
حجي عباس :-ويشوووه أتستر
منصورووه :- ما أدري ويش يسووا المهم أمي
بتطلع بتروح المطبخ
حجي عباس :-يالله يالله أجل با أروح الحفيز والحقني انته
منصورووه :- لا غير أمي بتروح المطبخ ولاويش نروح
حجي عباس :- يالله براحتك يا شيخ منصور
ودار الحجي عباس جهة الطوف وعبرت أم جسوم ومست بالخير على الحجي عباس ورد عليها وعود دار وجهه لمنصورووه
منصورووه :- حيا الله الحجي ، تو ما نور البيت يا حجي
حجي عباس :- الله يسلمك يا منصور ، ويش با أقول لك
ويش هالعفسه اللي صايره في الفريق ، يقولوا بنات أم السعف جايين لأمك
منصورووه :- ويش نسوي يتبلوا علينا يا حجي ، أمي من الصبح نايمه في البيت وهم يقولوا ضربت أمهم
حجي عباس :-منصورووه لا تكذب عليي ، أعرفكم انت وأمك
- وكانت أم جسوم في المطبخ تتصوخ
لحجيهم وهي ساكته -
منصورووه :- لا عاد يا حجي ، أقول لك أمي نايمه من أمس في البيت ما تشوفني مريض ولا رحت لك الحفيز
حجي عباس :-يالله بنصدقك يا منصوروووه بس قلبي ناقزني انك تغبي عني شي
ويوم استوى الشاي قامت أم جسوم ونادت على منصورووه وأخذ الشاي ووداه للحجي وصب له استكانه وصب لروحه استكانه فانيه
منصورووه :- تقهوى يا حجي
حجي عباس :- زاد فضلك يا شيخ منصور
منصورووه :- ويش فيك يا حجي طايح فيي شيخ منصور وشيخ منصور
حجي عباس :-أيه شيخ بعد ويش ، يوم الا أنا وارف من عند ما أدري منهوه فلوس بتصير انت شيخ
وما شاف الحجي عباس الا منصوروه متدحلب علىالأرض وهوه يضحك
حجي عباس :- بسم الله الرحمن الرحيم ، ويش فيك يا منصوروووه
منصورووه :- ما فيي شي يا حجي ، بس أكيد أبو سعيد الخوصه جى الك وقال لك يمبى يتسلف
حجي عباس :-أيه جى ليي وقال يمبى يتسلف قلت له بعد تمبى تتسلف قال ليي ويش فيها عطنا من الخير اللي عندك وتالي خبرني عن سالفتك
منصورووه :- بس ويش رايك يا حجي ، عودت فلوسك وخليته يجي لك مزبوووط
حجي عباس :-في هذي أشهد لك ، بس أنا مستغرب من وين طلعت هالفكره وراسك .........
منصورووه :- ويش فيه راسي ما فيه شي
حجي عباس :-لا لا ما فيه شي أبد
المهم زي ما بلشتني بهالورفه فكني منها
منصورووه :- وحلاوتها
حجي عباس :- انا لله وانا اليه راجعون
منصورووه :- أمبى حلاوتين هالمره
حجي عباس :-بعد أشوف طمعت
- ولمعت عيون أم جسوم من سمعت سيرة البيزات -
منصورووه :- خلاص أجل يا حجي بعد شوي با أروح الك الحفيز
حجي عباس :-يالله أجل أنا أترخص
وطلع الحجي عباس من البيت
وطلعت أم جسوم من المطبخ
أم جسوم:- ويش يمبى منك الحجي عباس
منصورووه :- كنش ما سمعتي يعني
أم جسوم:-ويش سمعت يا النحيس
منصورووه :- ما شي ما شي ، يمبى مني اللي سمعتي

وطلع منصوروووه وفي راسه شغله

وقعدت أم جسوم في البيت ماهيه عارفه ويش تسوي
تفكر وتفكر وتفكر
وقررت تسوي حاجه بس متردده

بس إحنا بنروح للحجي عباس في الحفيز شان نعرف ويش بيسوي ويا منصوروووه

منصورووه راح لأبو سعيد الخوصه ودق عليه الباب
أبو سعيد :- من من يدق الباب ، شوي شوي لا ينقلعه في إيدك الباب
منصوروووه:- افتح يا حجي افتح لا أحد يشوفني
أبو سعيد :-هذا انت يا لمشبوب
منصوروووه:-ايه أنا افتح بسرعه يا حجي
وفتح الباب ودخل منصورووه بسرعه
أبو سعيد :-ويش تمبى بعد
منصوروووه:-أفا يا حجي أفا وأن اللي امبى الك الخير
أبو سعيد :-تمبى ليي الخير ، الا لعبت عليي
منصوروووه:-لا ويش انت اللي استعجلت
على رزقك يا حجي
أبو سعيد :-كيفه يعني استعجلت فهمني يا فهيم
منصوروووه:- يعني ما صار للسالفه وقت تمبى تلهف من عند الحجي عباس فلوس ، حارس شوي
أبو سعيد :-ما قدرت أصبر ، طول الليل أفكر في البيزات اللي با أخذهم من هالمخرف حجي عباس
منصوروووه:-لازم الطبخه تستوي عشان تاخذ فلوس من عنده له
أبو سعيد :- لا متى يعني با أحارس
منصوروووه:- تحارس يا أبو سعيد لامن يجيك الخبر من عندي ولا تطب حفيز الحجي أبداً
أبو سعيد :-حاضر بأمرك يا شيخ منصور
منصوروووه:- انا لله وانا اليه راجعون ، ويش فيكم على سالفة شيخ منصور
أبو سعيد :-شااااااه منهو سماك بعد شيخ منصور
منصوروووه:-ما أحد ما أحد
أبو سعيد :-شوف الحين وخذ من عندي العلم ، اذا خلص الشهر وما جبت ليي خبر تراني ما با أقدر أصبر
منصوروووه:-أقول لك يا حجي خلي الطبخه تستوي تقول ما بتصبر تراك انته الخسران
أبو سعيد :-لا لا لا ، كل شي ولا الخساره
منصوروووه:-أيه خلك كده وخذ من عندي العلم أنا
أبو سعيد :-آمر يا ...شيخ منصور
منصوروووه:- يالله فمان الله ، با أروح للحجي لا يحارسني
أبو سعيد :-هني على قلبك القعده ويا الحجي عباس
منصوروووه:- ويش الفايده ، لا نطول العنب ولا نشتم ريحته بعد
أبو سعيد :-يالله روح للحجي روح
وطلع منصوروه من عند أبو سعيد وراح للحجي عباس
الحفيز

منصوروووه:- السلام عليكم حجي
الحجي عباس :-عليكم السلام
منصوروووه:- خلاص يا حجي هذا أبو سعيد وفكيناك منه
الحجي عباس :-كفوا يا منصور كفوا والله
منصوروووه:-والحين نمبى حلاوتنا
الحجي عباس :- خذ هاك هذي خمس ربيات
منصوروووه:-بس خمس ربيات ، هذا أبو سعيد اللي يلزق في الواحد ولا يقدر يفك منه
الحجي عباس :-ويش تمبى بعد زيادة بيزات بعد
منصوروووه:-خلاص خلاص ، أمبى شي فاني
الحجي عباس :-خير آمر يا شيخ منصور
منصوروووه:- هذي وحده اسمها أم السعف متبليه على أمي نمبى نفتك منها الحين
الحجي عباس :-ما يهمك خلي أم السعف عليي
منصوروووه:-رحم الله والديك يا حجي ، أيه أمي داكيه لابده في البيت مهي قادره تطلع ولا تشوف مرازيقها
الحجي عباس :-ما يهمك يا شيخ منصور ، أم السعف عندي دواها
منصوروووه:-وكيفه يا حجي
الحجي عباس :- أم السعف متأجره بيتي في الفريق الشمالي واذا سوت حاسه فاسه با أقول ليها تطلع من البيت
منصوروووه:- أهم شي يا حجي تخلي بناتها ما يطبوا الفريق عفسونا عفاس
الحجي عباس :-يعني أحين إعترفت باللي سوته أمك هاااااه
منصوروووه:-ويش أسوي يا حجي هذي أمي
الحجي عباس :-يالله قوم انته خم الحفيز ولا تطلع منه لامن أجي الك زين

وراح الحجي عباس وقام منصوروووه ينظف الحفيز ويرتب المكان
وشوي الا داش عليه واحد لابس نظاره فيه لحية
الرجال :- السلام عليكم
منصورووه :-عليكم السلام آمر يا حجي
الرجال :- هذا مكتب الحجي عباس
منصورووه :-أيه آمر
الرجال :-هاك اعطه هالمكتوب
منصورووه :-ان شاء الله يا حجي
وطلع الرجال من الحفيز وراح في طريقه

وبعد شوي الا الحجي عباس جاي من بعيد واستقبله منصورووه
حجي عباس:- السلام عليكم
منصورووه :-عليكم السلام
حجي عباس:-ويش فيك كأن في بوزك حجي
منصورووه :-أيه ، هذا قبل يمكن عشر دقايق جى واحد فيه لحيه ولابس كشمه وعطاني هالمكتوب
وعطاه المكتوب وفتحه الحجي عباس وقام يقرأ ويقرأ
وكل شوي يحرك غترته

وطالع في المكتوب ويطالع في منصوروووه

لاويش ؟؟؟


نشوف بعدين


فمان الله

[نور الهدى]

ليكون طلعت صدق ورفه الى الحجي عباس

وفال منصوروه عليه صدق

ام جذية كشخه

منصوره هو المستفيد


يمكن شحطت بأفكاري بعيد

خلنا ننتظر ونشوف ويش في المكتوب

الله يعيطك الف عافية خيي

وبنتظار دواهي منصوروه وامه النسرة

[للدموع إحساس]

مسااااء الورد والياسمين ..
^
^
^
شكله صدق بتطلع له ورفه ..
كاااان عدددددل .. منصوروه يشلخ وتتحقق الشخله ..
منصوروه متدحلب على الأرض من الضحك ..
ياعلي .. خلاني أشفي أتدحلب من الضحك ..
هههه هههه هههه هههه هههه هههه هههه هههه هههه
صدق للضحك عند منصوروه طعم خاااااص ..
لأنه يضحك ويحس بـ الأنتصار .. هههه هههه هههه
إلا صدق .. منصوروه غريييييييييييبه .. أختاااار أن حلاوته تكون فكاك أمه من ام السعف .. ساعات يصير خوووش ولد ..
وإلا الخووووف له دور .. بعد ما يندرا عنه ..
بس ساااااعااااات .. خخخخخخخخخخخ ..
يصير مو خوش شي كلش ..
لكن لايق عليه .. الشيخ منصور ..
هههه هههه هههه هههه هههه هههه .. لكن الحجي عبااااس ..
طيب وعلى نيااااته .. مسكين .. ما يخاااالف ..
يدري أن منصوروه يشلخ .. بس المهم عنده أن فلوسه رجعت ..
هههه هههه هههه هههه هههه هههه هههه هههه هههه
دنيااااااااا ..
خيووو أبو زييييين ..
ربي يعطيك ألف ألف عاااااافيه ..
بإنتظار نعرف .. لاويش .. يطالع المكتوب ويطالع منصوروه ..
أشك أن شلخة منصوروه تحققت ..
حتى ذالك الوقت ..
كن برعاية الله .. أين ما كنت ..
تحياااااااااااتي ..
للدموع إحساس ..

[دمعة الاحزان]

هههههههههههههههههههههههههههههههههه
ياعلي بطني مو قادرة منه
هههه ههههه
زين اني غبت هالفترة عشان ارجع واخذ طاقه
بس جد ونسني وناسني هم مجيدوة الله يغربله ويطيح
بالبحر وهو راجع مصر<<تعلمت الدعاوي من ام جسمان

ههههههههه
صايرة دراكولاء من صدح لصدح زي الخفافيش عباه طايرة زي الجنحان ووجه يناطط وكله خوف
كل هذا كوم وليمتد ههه ههههههه
كوم ثاني ويش يعني ياخذوا ابره ويعبوها ويرجعوها راسها
ويش هالدختر خوش دختر ينفع بصراحه اذا الدم بيرجعوة كذا من الطشت الى الراس مرة وحده
ولو ادري ان فيه طشت دمان كان تسلفت منها لابوي شوي يمكن يطيب
ويصير زي ام السعف والليف وبناتها
بس عفيه عليها زي ماشروف بلتها راحت تبليها بس مسكينه رجعوا لها بناتها اللي كانهم فحول
ولا منصور خوش ولد يعرف كيف يخلص امه المرة الاولى الخمام مدري كيف جات في باله هالفكرة
والثانيه حجي عباس زين مايسوي ولا ام السعف والليف مابتفكهم من اسمها يخوف

وشنو هالمكتوب اللي جابه ابو كمشه ليكون ورثه من جد
صدق من قال تامل شي ويجيك بالنهايه<<من قاله محد قاله غيرك

تسلم اخوي وعساك على العافيه
وان شاء الله الله يونسك ويريحك زي ماريحتنا
ويعطيك طولة العمر والسعاده وزيارة علي واولاده<<دخلت بدعاوي وطلعت بدعاوي بس ايش حلاتها الاخيرة

[دمعة الاحزان]

سلام خيوة ابو زين
شحوالك شخبارك
شمسوي مع الدنيا
انا من زمان مادخلت الناصرة قلت طافتني السوالف وخاصه الحين اختبارتي قلت الله يعين بعدين على القرائه
بس الحين نتغذى واسئل امي وابوي انتوا شتسوا في هالهواء والغبار من اول هذي العشه تطير
وبدوا يحكوا ويسولفوا
وذكرتك وذكرت سوالفك قلت بسلم وبطلع بس اشوف حتى سالفه مافيه بعد غيابي
ويلا اخليك واشوفك بخير والله يعطيك العافيه
موفق خيوة

[واحد فاضي]

ليكون طلعت صدق ورفه الى الحجي عباس
وفال منصوروه عليه صدق
ام جذية كشخه
منصوره هو المستفيد
يمكن شحطت بأفكاري بعيد
خلنا ننتظر ونشوف ويش في المكتوب
الله يعيطك الف عافية خيي

وبنتظار دواهي منصوروه وامه النسرة

خيتي نور الهدى مراحب

لا لا خيتي الشي أعظم من هذا

بنشوف بعد شوي اللي في المكتوب

خالص تحياتي للتواجد الكريم

فمان الله

[واحد فاضي]

خيتي للدموع إحساس مرحبتين

مسااااء الورد والياسمين ..

^
مساء الورد ...أهلا ومرحبا
شكله صدق بتطلع له ورفه ..
كاااان عدددددل .. منصوروه يشلخ وتتحقق الشخله ..
السالفه غير مررررره خيتي وما أحد يتوقعها
منصوروه متدحلب على الأرض من الضحك ..
ياعلي .. خلاني أشفي أتدحلب من الضحك ..
هههه هههه هههه هههه هههه هههه هههه هههه هههه
صدق للضحك عند منصوروه طعم خاااااص ..
لأنه يضحك ويحس بـ الأنتصار .. هههه هههه هههه
ههههههههه ذكرتيني لول الناس على طبيعتهم
إذا الواحد ضحك تطلع من قلب وما تشوفي الا أنواع التدحلب في الأرض ولا على الرصيف هههههههههه
إلا صدق .. منصوروه غريييييييييييبه .. أختاااار أن حلاوته تكون فكاك أمه من ام السعف .. ساعات يصير خوووش ولد ..
هههههه يخاف على أمه بعد ويش
وهذي أم جسوم الغاليه هههه
وإلا الخووووف له دور .. بعد ما يندرا عنه ..
بس ساااااعااااات .. خخخخخخخخخخخ ..
يصير مو خوش شي كلش ..
الخوف يقطع اليوف وخيتي
وهوه بعد يمبى يفتك من الحنه على راسه هههههه
لكن لايق عليه .. الشيخ منصور ..
مزبووووووووط الشيخ منصور مو هين
هههه هههه هههه هههه هههه هههه .. لكن الحجي عبااااس ..
طيب وعلى نيااااته .. مسكين .. ما يخاااالف ..
يدري أن منصوروه يشلخ .. بس المهم عنده أن فلوسه رجعت ..
هههه هههه هههه هههه هههه هههه هههه هههه هههه
دنيااااااااا ..
الفلوس أهم من كل شي عند الحجي عباس .....الطيب
خيووو أبو زييييين ..
ربي يعطيك ألف ألف عاااااافيه ..
بإنتظار نعرف .. لاويش .. يطالع المكتوب ويطالع منصوروه ..
أشك أن شلخة منصوروه تحققت ..
اليوم نعرف ان شاء الله
حتى ذالك الوقت ..
كن برعاية الله .. أين ما كنت ..
تحياااااااااااتي ..

للدموع إحساس ..

لك خالص التحيات وجميل الأمنيات خيتي
مع تمنياتي لك بالنجاح والتوفيق في هذه الإختبارات إن شاء الله
ويارب يسهل عليش في كل إختبار إن شاء الله

فمان الله

[واحد فاضي]

خيتي دمعة الأحزان مراحب

ههههههههههههههه

ياعلي بطني مو قادرة منه
هههه ههههه
ينطيش العافيه خيتي
زين اني غبت هالفترة عشان ارجع واخذ طاقه
بس جد ونسني وناسني هم مجيدوة الله يغربله ويطيح
بالبحر وهو راجع مصر<<تعلمت الدعاوي من ام جسمان
أم جسوم دعاويها ماركه مسجله هههههههه

ههههههههه
صايرة دراكولاء من صدح لصدح زي الخفافيش عباه طايرة زي الجنحان ووجه يناطط وكله خوف
الخوف يقطع اليوف يا وخيتي
كل هذا كوم وليمتد ههه ههههههه
كوم ثاني ويش يعني ياخذوا ابره ويعبوها ويرجعوها راسها
ويش هالدختر خوش دختر ينفع بصراحه اذا الدم بيرجعوة كذا من الطشت الى الراس مرة وحده
هذولا ما يفوت عليهم شي ك.ز ليميتد هههههههه
ولو ادري ان فيه طشت دمان كان تسلفت منها لابوي شوي يمكن يطيب
ويصير زي ام السعف والليف وبناتها
الله يعطيه الصحة والعافيه ويقومه بالسلامة ياااااااااااااااارب
بس عفيه عليها زي ماشروف بلتها راحت تبليها بس مسكينه رجعوا لها بناتها اللي كانهم فحول
لازم الشر يعود لأهله ههههههه
ولا منصور خوش ولد يعرف كيف يخلص امه المرة الاولى الخمام مدري كيف جات في باله هالفكرة
هذا منصوروه أبو التفاكير ههههههههه
والثانيه حجي عباس زين مايسوي ولا ام السعف والليف مابتفكهم من اسمها يخوف
هيه بس أسمها كأنه مال جنانوه هههههههه

وشنو هالمكتوب اللي جابه ابو كمشه ليكون ورثه من جد
صدق من قال تامل شي ويجيك بالنهايه<<من قاله محد قاله غيرك
اليوم ان شاء الله نعرف قصة هالمكتوب
تسلم اخوي وعساك على العافيه
وان شاء الله الله يونسك ويريحك زي ماريحتنا

ويعطيك طولة العمر والسعاده وزيارة علي واولاده<<دخلت بدعاوي وطلعت بدعاوي بس ايش حلاتها الاخيرة

خووووووووش دعاوي .......لا تقربي من أم جسوم تالي تقلبهم
لدعاوي مو شي ههههه

تقبلي خالص التحيات وجميل الأمنيات بالموفقية والسداد

فمان الله