الله يعطيك العافية ابو زين على الطرح

الرئيس ما وصل للرئاسة الا بعد محاولات وصبر واجتهاد منه ويمكن تصل للتضحيات بعد

فما أن يصل حتى يبدأ بالتفكير في المرحلة الجاية وعيونه تصير على منصب اكبر

فشلون يحقق هذا الشي ويرتفع الى مرتبه اعلى ؟؟؟

بأثبات وجوده وانه قد المسئولية المعطاه له , فتشوف كل واحد واسلوبه , منهم لديه سياسة واسلوب في كسب الموظفين ودفعهم الى اعطاء كل ما عندهم بطريقة ما تخلي الموظف يتأفف او يتضايق منها وما فيها ظلم لاحد

والبعض الثاني يحاول يشبث في الكرسي الي وصل له حتى لو كان على حساب الموظفين وان كانو من نفس منطقته ويمكن يكون اقسى عليهم من غيرهم بحكم انهم من نفس منطقته ويقسو اكثر عشان ما تنحسب عليه نقطه ضده من قبل المترصدين له

والبعض كأنه مزهوق من يوصل للرئاسة كأن محد وصل لها غيره , ويتعجرف ويتكبر على الكل وبالخصوص الي من نفس منطقته , يبغي ينفش ريشه اشوي

فأحيانا تكون نقمه ( اذا كان مزهوق وهمه مصلحته وبس )

واحيانا تكون نعمه اذا كان عارف ربه وان بقاء الحال من المحال فيعامل الكل دون استثناء اذا كانو من منطقته او منطقة غير
في النهاية كل شخص بأخلاقه

فذو الاخلاق العالية مرغوب ومحبوب

وذو الاخلاق المتدنية الله يعين الناس عليه