[poem font="Andalus,5,white,normal,normal" bkcolor="transparent" bkimage="http://algreeb.com/psd/pic/2264575-lg.jpg" border="none,4,gray" type=0 line=0 align=center use=ex num="0,black"]
سلام ياغالي نساني وذكرته = ذكراه مرت كاللهب وسط صدري
أعتب عليك ياللي محبك خذلته = عتبي عليك إشلون بس هان قدري
مريت في عمري فرح ماعرفته = كنت أجهل الضحكه من أيام صغري
وظهرت كوكب في سماي وعشقته = بدري اختفيت واظلم الكون بدري
ملاكي سميتك وبالقلب شلته = وملاكي عذبني وظهر بعض امري
الله عليك..إشلون قلبي ذبحته = والنبض يهتف باسمك وانت تدري
صافحت كف اللي فؤاده سلبته = مشتاق اظنك وانت ناوي بغدري
سليت سكينك... وحبي قتلته = احتاج استوعب وش اللي بي يجري
قلب يحبك كيف بيدك عصرته = وفجرت شريانه وغدى الدم حبري
كل نقطه من دمي رغم مافعلته= تنزف وهي تكتب (يامحبوب عمري)
وكل اللي جامنك ترى ماحسبته = يا كثر زلاتك ... ويا طول صبري
بس آخر الغلطات شي ماقدرته = قمت أتحسف..إيه..واصفق بعشري
حسافه ياحب بحما الروح شلته = ضميته بيديني.... وحفر بيده قبري[/poem]
رد مع اقتباس
المفضلات