اخواني مارائيكم في هذهي الابيات

[امــــ شمعة ـل]

انا والليل والعبرة وجرح وخاطر ٍمكسور

ونفس من هجير البعد والحرمان مقهورة
وقلب ظامي لشوفك ولايروى ظماه بحور

وعين تحتري لحظة غياب الطيف وحظوره
ونار تنطفي مره ومره تشتعل وتثور

واقول النار مقدورة وهي ما هيب مقدورة
حسبت الليل بغيابك يمرن الليال دهور

وكني شايل بقلبي ليال الوقت وشهوره
تصبرت وتقدرت وبنيت من الخيال قصور

إلين ان الجفا شد الركايب وانتهى دوره
تحريتك على درب القصيد من ثلاث شهور

وحشا ما مات لك غصن يشف الماي بجذوره
تخيرت الغرام وجيت لا راضي ولا مجبور

وجيتي تسبقين خطاك مرضيه ومجبوره
وانا ما كان لي رغبه أبين واكشف المستور

ولكن الجمال أكبر من الخفاق وشعوره
جمال وود وعيون ودلال وكبرياء شعور

وفتنة تخذل عيون النهار وينطفي نوره
ولك في خافقي صوره تلاشت بين ضي ونور

وأخاف اسكت من الفرحة وتنطق باسمك الصورة
عرفتك وانتهت رحلة قساوة دربي المهجور

والا يا جملة أيام الجفا والصد مشكورة
خذتني للجفا عزه واخذني للعناد غرور

واخاف اكون بعنادى حبيب ومات بغروره
وإذا كانت مسافات الخيانة للغرام قبور

وش اللي يجبر العاشق يخون ويحفر قبوره؟
وش اللي يجبر الشاعر يدور للشعر جمهور؟

مدام انتي محبينه وعشاقه وجمهوره


للشاعر حامد زيد..........

[المستجير]

ولكن الجمال أكبر من الخفاق وشعوره
جمال وود وعيون ودلال وكبرياء شعور

وفتنة تخذل عيون النهار وينطفي نوره
ولك في خافقي صوره تلاشت بين ضي ونور


بصراحه مشاركه حلوه
وتسلم يدينك على النقل
وصح السان الشاعر بصراحه احساس مرهف

[My tears]

أختي الكريمة .. أمل شمعة ..

أبيـات رائعـة .. لشاعـر حامد زيد ..

أحسنت خيه على الاختيـار المتميـز .. والنقل الرائع ..

أتمنى أن تُجربي قلمك ;)..

اشكـرك من الاعمـاق .. وننتظر أبداع قلمك ..


تقبلي تحياتي .. اختك My tears ..

[شمعه تحترق]

[grade="FFA500 800080 FFA500 800080 FFA500"]يعطيكي العافيه خيه على هالنقل

احسنتي الاختيار وابدعتي في التذوق[/grade]

[grade="FFA500 800080 FFA500 800080 FFA500"] شمعه[/grade]

[امــــ شمعة ـل]

مشكور اخي المستجير على مرورك وتعقيبك
وتمنى للك التوفيق

[امــــ شمعة ـل]

مشكوره خيووووووو My tears
على مرورك الجميل والرائع
وتمنى من الله ان يوفقنا على بلوغمرادنا
تحياتي

[امــــ شمعة ـل]

مشكوره خيو شمعة تحترق على تلطفكي ومروركي بموضوعي
على ان نلتقي بموضوع جديد وشكرا
تحياتي