شلون تقهرون أخوانكم يالبنات..

[سر الوجود]

السلام عليكم ورحمة الله وبركاتــه

عندي دروس خطيرة لا طوفكم يا بنات .. شوفوا اللي مقهورة, واللي تبي تنتقم , واللي تبي ترفع ضغط أخوها تتبع

هالخطوات والله يقويكم......

*** عند التلفزيون ***

لا صارت فيه مباراة , والأخ متحمس أقطعي هالحماس وشلون؟!
أنا أقولك ..

شوفي إذا صار مبقق عويناته وماهو يم أحد يعني لو تجيبين صاروخ تفجرينه قدامه مالتفت لك أعرفي أنه منسجم ,

هني بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف وأوقفي عند التلفزيون وأمسحي الشاشه ولا تعطينه فرصه يشوف زين ,

لا قال: أبعدي. قولي ماني فاضيتلك بنظف وأمسح ، وبعدين روحي جيبي المخمة وخمي المكان اللي هو فيه وحاولي من لحظه للحظه تخمين قدام التلفزيون وغطي عليه.. ولا يهمك أحد..

وإذا قال: أبعدي لاأصقعك على وجهك بالكاس قولي معصي بيجون ضيوف . . العبي عليه حتى لو مو جايكم أحد , وإلا سوي نفسك قاعدة وتذكرتي إن الكيك بالفرن احترق ناقزي لين توصلين للفيش وامصعيه برجولك ولا تلتفتين وراكِ..


*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس وبكل برود قوليله نبي نطلع نتمشى ..


*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني , انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك



عادي .. عادي ولا صرتي بزر وش فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ اللبس: لازم تلبسين ترنك خخخخخخخخخ علشان يسهل الركض


2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

3/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..



على فكرة انا مالي خص اذا صار لكم شئ

هههههههههههههههههههههههههههههههههههههههه

منقول
تحياتي أختكم0000000000000000
سر الوجود

[بحر الشوق]

هههههههههههههههههه زين انا مش بنت
علشان اكيد مثلهم واروح النار على وجهي
تسلمين اختي موضوع واجد حلو وظريف
الله يعطيش العافية على الجديد
اشوف الشكوة جابت نتيجة ;)

تحياتي
بحر الشوق

[سر الوجود]

هههههههههه

دائما الشكوه تجيب نتيجه

لا ونتيجه مضمونه بعد خصوصا لما تكون الشكوه من بنت ههههههههه

تسلم اخوي على مرورك اللطيف

تحياتي

[المستجير]

ههههههههههههههههههههههههههههههههههههههههههههههههه
بصراحه حركات منكم يالبنات ياويل اختى اذا تسوى فينى مثل ها الحركات كان بوريها كيف تسوى حركات

تسلم يدينك على النصائح الطيبه لى تخلينى افكر كيف اتخلص من اختى قبل ماتسوى مثل هذى الحركات

[سهم الناصرة]

هههههههه
ما اقول الا حسبي الله عليك يا بليس
وش ناوية علينا خيتو يجينا الضغط وحنا بعدنا ما شفنا الدنيا
بس راح اخليها مواقف حقيقية على الصبايا الي عندنا خخخخخخ سويتي خير في خواتي
على العموم حلوة منك خيتو سر الوجود
اخاكم في الله سهيم

[سر الوجود]

( المستجير)

حتى لو خذيت أحتياطك يالمستجير مابيكون فيه فايده لان البنت اذا دقت في راسها تعاند يعني بتعاند ولافي شي بيوقف ضدها ( اسألني اني خبره) ههههههههههههه

( سهم الناصره)

لاتخاف مابيجيب ضغظ بس يمكن تفلت اعصابك
بس صدقني تمام هالمواقف لانك مره وحده بتغير جو البيت المعتاده ههههههههههه

تسلموا اخواني على مروركم الكريم وردودكم الحلوه

[(شمعتك أنا)]

|81| هههههههههههههههههههه حلو يالحلوه اسوي هالحركات اني بس لاتنسي هم مزحهم ثقيل مرة على طول

بايدهم مايتفاهموا... تسلمي يالحلوه على هالموضوع موفقه دايما وشكرا على النصايح ...

[بنوتة توتة]

ولي لو اسوي كذا كان اموت في نفس اليوم

اخوي وهم يمشي يضرب وشلون لو اسوي فيه كذا ويلي ولي كان اتكسر اني ضربه ماستحمله واخاف اتهاوش معه
واذا جاء لي قال لي قومي قامت واني مؤدبة |310| |310| |310| |310|


اويلي على التماسيح يخووووووفوووون

[سر الوجود]

(شمعتك أنا)

هم لو مزحهم ثقيل احنا البنات نخلي الاجواء حلوه بمزحنا المرح

واذا بغيتي نصايح بعد ترى عادي احنا على الاستعداد للتوصيل مجانا هههههههههه

( بنوته توته)

ههههههههه شكلك متعقده من الأولاد

الله يعينك على اخوانك

مساكين مره وحده عاد تماااااسيح انتبهي عاد لاياكلونك

تسموا خواتي على مروركم وردودكم الحلوه
الله لايحرمنا من طلتكم الحلوه

[حنون الليل]

لاتشيشين البنات على اخوانهم ترى بيروحو فيها طبعا جربتها من اختي واجد
هههههههههههههههههههههههه مشكوره

[سر الوجود]

لايكون اختك راحت فيها ياحنون

بس مااظن لانك حنون ( اسم على مسمى)

وخليك تحاول تأذي اختك بتشوف شغلك

اني ماارضى على البنات لانهم ناعمات ورقيقات

احنا نسوي هالشي نبي نفرحكم ونغير الروتين الي تعيشونه هههههههه

تسلم اخوي على مرورك الكريم وتعقيبك

تحياتي لكم دائماً..

[عنقود المحبة]

مشكورة اختي سر الوجود على الموضوع صحيح انه مابينفعني
مااقدر اجربها لو اجربها اموووووووووووووووووت
واني مااشتهي احط حنا واخوتي لايشاهدوا كورة ...
بلشة لو اني اكبر وحدة فيهم كان اضربهم ضرب ولايتجرأوا يضربوني
مسكينة اني وحيدة بين اربع اخوة
حتى الاثنين صغار ولاافتك منهم

[عنقود المحبة]

مشكورة اختي سر الوجود على الموضوع صحيح انه مابينفعني
مااقدر اجربها لو اجربها اموووووووووووووووووت
واني مااشتهي احط حنا واخوتي لايشاهدوا كورة ...
بلشة لو اني اكبر وحدة فيهم كان اضربهم ضرب ولايتجرأوا يضربوني
مسكينة اني وحيدة بين اربع اخوة
حتى الاثنين صغار ولاافتك منهم
باااااااااااااااااااااي

[سر الوجود]

الحمد لله منتي اكبر وحده فيهم بعدين المساكين يروحوا فيها


بس تقدري تجربيها عليهم حتى لو انتي اصغر وحده


وخصوصا انتي وحيده العائله ( اكيد دلوعه) فما بيتجرأوا ويضربوكي

سويها وعلميني بالنتائج

تسلمي غناتي على مرورك وتعقيبك الحلو

تحياتي