يواسيني وانا الميت وحالي يجبر الدمعات

[امــــ شمعة ـل]

يواسيني وانا الميت وحالي يجبر الدمعات
تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكني عجزت القى ال يصحيني

فداك القلب يايمه ومهما قلت من كلمات
صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني

اختكم
شمعة امل

[My tears]

هي .. أبيات قصيدة كتبها شاب عمل حادث سيارة و والدته كانت معاه ..

الوالدة توفت و هو اصابته كانت خفيفة .. و هذي الأبيات قالها للي يواسونه ..
**

كـم منـا يعيـش فـي هـذا العالـم الصغيـر بقلـب ميـت ..

رغـم أنـه يأكـل و يتنفـس و يعيـش لكنـه مكسـورٌ مـن الداخـل ..

القصيـدة رائعـة ومعبـرة تنضـح بالمشاعــر الجياشـة ..

والأحاسيـس المرهفـة التـي يتفطـر لهـا القلـب ألمـــاً وحزنـا لمـا جـرى ..

كلمـات تبكـي القلـوب قبـل أن تبكـي الأعيـن ..

شكـراً لكِ اختي أمــ شمعة ــل .. على هذا الاختيار الرائع والموفق أن شاء الله ..

واتمنى منكِ أختي الغاليه .. أضافة كلمة منقول .. ولكِ الشكر ..

تقبلي تحياتي .. أختك My tears ..

[أمير العاشقين]

أجل انها ابيات لشخص عمل حادث ولكن اخية شمعة امل تدرين اني القصيدة عاجبتني واجد والله

وكل يوم اقراها في الجهاز تدري حت الدموع تسقط من عيناي

واحلى شي فيها

نقص قدري بعد موتك وغابت نشوة اللذات
وصار الهم عكازي اباكيه ويباكيني

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات
تعالي غيري هالقول واطيعك باقي سنيني

واترك عادة التدخين وانفذ ما تبي بسكات
واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
ـــــــــــــــــــــــ

انا اقراها لدرجة اني حفظتها عن ظهر قلب

مشكورة اخيه شمعة أمل

عساكي على القوة يارب


اخاكي
أمير العاشقين

[امــــ شمعة ـل]

مشكوره اخني My tears
على الرد الجميل الرائع
تحياتي
شمعة امل

[امــــ شمعة ـل]

اخي امير العاشقين
شكرا على مرورك وتنوير صفحتي
تحياتي
شمعة امل