رائحه الشاي والدله

[عاشقة الرضا]

انا اود ان اقول لكم عن شي حدث لي مادري ويش اسميها سموها انتون
انا وحده عاديه ماني ملتزمه مرة مرة لكن احب التدين واحب ان اكون على نهج الائمه
ولكن كاي عبد له اغلاطه وغلبه الشيطان علي بعض الاحيان والله العظيم لكن احب اهل البيت حب فضيع لدرجة ان امنيتي في حياتي اني ازور الامام الحسين كنت دايم ادعي بعد كل صلاة ان ازوره وصيت وحده يوم عرفه تدعي لي
والحمد لله وفقت لزيارته وزرت ايران والمدينه وسوريا والحج ماخليت مكان والحين ميته على الروحه ابي اروح مكان مقدس طاهر اتعلق بالله فيه متل مكه او المدينه او يران الي قلبي طاير ومتلهف لمشهد والعراق الي معذبتني ابي اروح لكربلاء
والحين باقول الي صار لي
اني عندي دله واستخدمتها امي في عاشور اتسوي فيها دارسين وشاي واني من داخل مبسوطه اني عطيت وساعدت بشي للامام الحسين
ورجعتها امي بعد العشرة لي وخليتها كدا يوم ماستخدمتها وبعدين لما استخدمتها اول شي غسلتها زين ولاحضت انها ماتصب قلت ياعلي اختربت دلتي وتالي قلت خلني احط الشاي يمكن تصب على الله ولما حطيت الشاي ال وهي تصب احسن من اول وبعدين اقول ماحلاها هالدله استخدمت في عزاء الحسين وافكر في نفسي بس وفكرت اني اشتري لحق ناس دله بيقرو عشرة محرم في بيتهم وافكر في كل دا واني قبل ماشرب الشاي وبعدين ماحطيت لي اول استكانه الا واشم رائحه عطرة متل ريحه المراقد المشرفه رائحه الاضرحه واقول من وين هالريحه وادور وتالي اشمها في الشاي وصليت على محمد وماني مصدقه وناديت على ولدي عمره 7سنوات قلت له تعال اشتم وش ريحه الشاي قال اه ريحه الحرم يعني رائحه الاضرحه لانه راح ايران ويعرف يميز الريحه
واستغربت وماني مصدقه وناديت على خواتي من بيت اهلي وخليتهم يشمو الرائحه وقالو صدق ريحه بسيطه بس اول مااشتميتها اني كانت قويه وبعدين شوي شوي وراحت الريحه وقلت لزوجي الصبح وحسيت انه ماصدق واكتئبت وماني عارفه اقول احس بعض من الناس تضحك عليي وما تصدقني ومرة تانيه سويت شاي بعد كم ليله في نفس الدله وكان زوجي قاعد معنا وطلعت الريحه والله حتى اولادي اشتموها وقالو ريحه الضريح ريحه الحرم وبعدين اشتم ومااشتم شي زوجي بس انا والله اشتمين ريحه حليو متل ريحه المراقد الحمد لله وبعدين قررت اشتري دله لناس بيسوو عشرة تانيه واشتريت لهم والحمد لله ادعو لي بزيارة المراقد وخصوصا ايران مشهد وشكرا

[شذى الزهراء]

اللهم صل على محمد وال محمد وعجل فرجهم والعن الشاك بهم...

اختي عليج بالف عاافيه على اللي حصل لج هذي اسمها كرامه من اهل البيت عليهم السلام خصوصا من سيد الشهداء عليه السلام..

مستحيل خيه احد بيكذب شي صار من قبل ال البيت عليهم السلام ..

الله يرزقج زيارة اهل البيت جميعااا وموفقه لعمل كل خيير..

نـســألج الدعاء ..

دمتي بخـير.

[هاوي همس]

اللهم صل على محمد وآل محمد

أختي أهل البيت هم بحرمن الكرم والضيافة
فأبو الشهداء عليه السلام حب يكرمك بهذه الكرامة لتمسكك وعشقك لزيارته
فجعل هذه الرائحة في الشاي

الله يوفقك لزيارته وزيارة أولاده

تقبلي مروري

عاشقة متيمة