أختي الغالية My tears

ألف شكر لك على طرح الموضوع

وللأسف هو من الواقع المرير .. ومثل ما قالت بنوته توته

بالمدرسه نشوف بنات شكثرهم الا بكل وقاحه يقولون احنا ما نصلي

معانا بنت بالصف قالت هالكلام لمعلمة التربية الاسلامية ..لما سالتها المعلمة طيب ليش ما بتصلي؟؟

تقول أمي ما تقول لي صلي .. فردت عليها المعلمة بس انتي الحين بنت بالغة وتعرفين الصح من الخطأ

يعني الله بيحاسب أمك على عدم تعليمك ولكن انتي بنت كبرتي ودخلتي المدرسه وعرفتي ان واجب عليك تصلي

يعني بعد انتي راح يحاسبك رب العالمين .. وقامت المعلمة تقنع فيها وبعدها بنهاية الحصه سألتها الحين بتصلي لو لا؟؟

قالت لا اذا كبرت بصلي .. قالت لها المعلمة تضمني عمرك؟؟ قالت لا بس ما بصلي الا اذا كبرت مثل امي

بالرغم ان مدرستنا ما شاء الله عليها تعرف تقنع الواحد وعندها اسلوب حلوو .. واحنا نحمد ربنا انها كانت على مذهبنا

لانها بصراحة فادتنا وااجد بالرغم المقرر على المذهب السني لكن هي تشرح لنا كل شي على المذهبين

على اساس الا من المذهب السني يعرفوا الا عندهم والا من المذهب الشيعي يعرفوا الا عندهم .. طبعاً جزاها عند رب العالمين

بس بعد رغم كل هذا مو الكل اقتنع وعدل اخطاءه يتأثرون وقت كلامها بس تطلع يرجعوا على ماكانوا عليه

لان مثل ما قلتي اذا القلب مات ما ينفع الكلام .. نسأل الله الهدايه لنا وللجميع

ألف ألف شكر لك اخيه على المشاركة القيمة

الله يعطيك ألف صحة وعافية يارب

ما ننحرم من عبير عطرك

دمتــم بحفظ الباري

وعذراً ع الاطاله

تحياتي
دمعه حزن