ودي اموت اليوم

[Sweet Magic]

السلام عليكم ورحمة الله وبركاته

قصيده اعجبتني فاحببت ان تشاركوني قراءتها

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي ماتْ وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

[ صحيح مُسلم لكن : الهَم كافر
كل ما بغيت أضحك يهددني حزني ]

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّه وحشني !!

( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!

للشاعر : أحمد الصانع

أتمنى تنال اعجابكم

[alzahrani33]

رااائعه

يعطيك العافيه

دمت بووود ..

[Sweet Magic]

{..................alzahrani33

الرائع تواجدك

لا حرمنا الله من ردودك .................}

[بسمه الم]

اختيار جميل

وهادا من الدوق الرفيع

[فراشة الزهور123]

مشكووووووووووور جدا رااااااااااائعة وبكل صراحة كتيير حلوة يسلمو هالايديييييين يارب..
يسلموووووو........

[وحيدة عالمي]

تسلمي على الموضوع
بصراحه اني قريته في روايه من فترة
وضيق خلقي
لهذي الدرجه الانسان بيقدر انه يتحمل شوفة الناس بعد موته ومن زاره ومن ما افتكر فيه
طيب لو كان هو يعز ناس معينين وبدل ما يبكوه ضحكو عليه او افتكو منه
مع انه ميت على ترابهم
ويش بيكون شعوره ياترى بيتمنى انه يكون في هذا الموقف