اخترت لكم مجموعة من الابوذيات اعجبتني :


انا الحزت الصبر والصبر حزني
والف وسفة اعلى سيف الظلم حزني
البحر لابيض لون يلفيه حزني
يصير اسود بلون الليل مية





حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنان إعطف عليه



حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسع مية




أقسم بالركن والحجر والبيت
لغير أهل الكسا ماچان لبيت
وذوبن شوق في حبكم هل البيت
وأموت على الولاية الحيدريه





أنشدك من چنت أرضع بمهدي
ونادي طالت الغيبة يا مهدي
وضاع الفكر ضليته وماهدي
متى تظهر يا بن حامي الحمية

مــــنـــقــــولــ ـ ـ ـ ـ
كل أملي أن تنال على استحسانكم