:s بسم الله الرحمن الرحيم
السلام عليكم خواتي واخواني
كلنا نعرف ان الزواج قسمة ونصيب ،بس فيه نقطة مادري اذا أحد
تطرق لها من قبل والا... العادات والتقاليد بعضها ماتغيرت وبعضها صابها
تغير سطحي او عميق المهم في مواقف كثيرة صارت الى بنات في سن
الزواج طبعا ويش اللي صار ؟احنا عرفنا كيف طرق خطبة البنت من أهلها
طبعا من عائلة الى عائلة تختلف ... والكل أكيد عارف طرق الخطوبة..
.
بس النقطة المهمة اللي أتكلم عنها هي:إن بعض الناس الله يهديهم
يكونوا طالبين انهم يخطبوا الى شاب من اولادهم فتصير محادثات الحريم
والرجال بعد ان فلانة بنت فلان سمعنا عنها كذا وكذا ويمكن تكون مناسبة
هنا ماقلنا شي... ويش اللي يصير تقوم العائلة اللي طالبة انها تتقدم للبنت
تكلم عائلة البنت على أساس انهم حابين انهم يزوروهم ويبغوا يجلسوا
مع البنت اللي يبغوها للزواج بعض العوائل ماتتقبل دا الشي ودا وهم
عارفين ليش سبب رفضهم وبعضهم يتقبلوا طبعا ماقلنا شي ناس يبغوا
يخطبوا بنت ويجلسوا معاها من حقهم طبعا،لكن وش اللي صاير تجي أكثر
من حرمة بيت البنت كأنهم جيش ويجلسوا مع اهل البنت والبنت ويعني
تصير السوالف والاخد والعطا ،ويطلعوا أهل المعرس ومن طلعتهم من
بيت البنت ماليهم لا صوت ولاخبر ولو صار عندهم ذوق دقوا على أهل
البنت وقالوا الزواج قسمة ونصيب وماصار نصيب أوكيه ماقلنا
شي بس بنت الناس اللي رحتوا كأنكم تتفرجوا عليها حالها حال البضاعة
ماعندها احساس ماتتأثر من هالاسلوب دا ؟؟؟ ولو كانت ملاك وووو وو...
بيصيبها تأثر طبعا لانها دم ولحم،حبيتوا تعرفوا البنت اعرفوها بطريقة غير
مباشرة بدل ماتجرحوا مشاعرها ومشاعر اهلها... والا دا مو اسلوب
ودي الطريقة متكررة بصورة كبيرة هني في القطيف وقراها بس مادري
بصراحة عن باقي المناطق... بس العائلة الفاهمة طبعا ماتسوي كذا
سواء كانت عائلة الشاب المتقدم للخطوبة أوعائلة البنت اللي تتقبل مثل دا
التصرف، وطبعا البنت اللي متقدمين لها هي الراي الاول في انها ماتتقبل
مثل دا الاسلوب... وأهم شي ماثقلت عليكم،بس وش رايكم؟؟؟
رد مع اقتباس
المفضلات