ميني السينابون



المقاديــــــــــــر:
كيس عجينه البيف باستري المربع الصغير بدرجه حراره الغرفه
سكر خشن
زبده لينه
دارسين مطحون
كاكاو بودره



الطريقـــه :

تفردين شريحه وحده من العجينه على سطح مرشوش بالطحين
وبعدين بالفرشاه تمسحين العجينه بشويه زيده
وترشين السطح بالسكر الخشن
وبالمشخال الصغير ترشين الدارشين لين يختفي السكر
وبالمشخال ترشين الكاكاو البودره لين يختفي الدارسين
وتلفينه على شكل اسطوانه من الناحيه القصيره يعني بالعرض مش بالطول
وعقب تقطعينهم بالسكين سبع او ثمان قطع وتصفينهم في صينيه

ملاحظه هامه :

_تحطين نفس الطبقات اللي سويتيها في العجين على الصينيه
يعني تدهنين الصينيه بالزبده وبعدين بالسكر والدارسين والكاكاو وبعدين تصفين السينبون
تدخلينهم الفرن لين ينتفخون ويحمرون شوي
_ لا تكثرين من الزبده في العجينه لانها بتطلع دسمه وايد



مقادير الصوص :
ملعقه اكل كبيره زبده لينه + ربع علبه حليب مركز + ملعقتين اكل كبار جبنه فيلادلفيا + ربع كوب ماي + ملعقتين اكل كبار نيدو بودره
تخلطينهم في خلاط العصير ولين جهز السينبون تصبينه عليه وهو حار وبعدين الهيرشي والجوز المطحون

وبالهناااااااااااااااااااااااااء والشفااااااااااااااااااااااااء
عاقلوبكمـ جميــــــــــــــعا