إسم الله الرحمن الرحيم عليي وعلى عمري
دشيت اليوم المنتدى الا أشوف شي يولع ويطفي
ويشهوووووه دا ....ما أدري ويش هوووه
عفر معاريس وأنا ما أدري
مكتوب فيها المطاقة ...دعوة
قلت زين بناكل مفاطيح
الا أشوف دعوة يمبوك في المطبخ
ودبستك نوارة في المطبخ
عاد شمشرت عن ساعدي
ودشيت المطبخ وقلت يالله بعدويش
اليوم إطبخ لك شي
وأنا أطبخ وحجي زين يساعدني
بس مسوى الشقة معفوسة عفيسة
قرب النقل للبيت اليديد
إدعوا لينا
وما أدري ويش فيه الكمبتوتر ...مو راضي
يسحب الصور من جوالي <<من زمان وما صلحته
با أحط ليكم الطريقة وبعدين المقادير ههههههه
شوفوا كفير ناس يعرفوا ياكلوا الهريسة
بس ما يعرفوا يسووها
اليوم بنسويها بالدياي ....أسهل
اللوازم
- نص ديايه
- ترست فلافة الى أربعة كاسات حب هريس
- بهارات
- زيت ودهن
-ملح
- ملاس وقدر وفرن طبعاً ......وأهم شي مطبخ هههههه
كيفه تسووها
أحسن شي انكم تنقعوا حب الهريس من الليل عشان لا يأذيكم في الطبخ
وأحسن شي حب الهريس الإماراتي ،
يعني اللي مرسوم عليه قدر
وبس ايي الصبح ...صبحكم الله بالخير يا طويلين العمر
وإذا بغيتوا تسووا الهريسة تييبوا الدياية وتحطوها في قدر
وياها ماي وتخلوها تطبخ شوي وبعدين تحطوا عليها البهارات وشوية زيت خفيف يعني كمشه صغيره
وتخلوها تطبخ ليمن تتفتف
وبعدين تنزلوها من على الضو وتفتفتوا اللحم وتشيلوا العظامة
واللي يمبى بعد يسوي بها شوربه يصير أحسن
بعدين تعودوا اللحم على الضو وتحطوا الملح وتحطوا بهارات زيادة شوي
وبعد كده تحطوا حب الهريس المنقوع من الليل وخلوا الضو هاديه
لامنت شوفوا الحب انتفخ أزيد من الأول وتالي عاد الله يعينكم
كل شوي تدوروا الملاس ، تدوروا لامن تتكسر أياديكم وتحطوا ماي بعد عشان لا يلزق الهريس في القدر
من تحت وخليكم تدوروا وتحركوا الهريسه
وبعدين تخففوا الضو بعد شوي ، ولا تنسوا ...خليكم تحركوا الهريس
وشوي شوي تشوفوا الهريسة استوت وذاب الحب في الدياي
وبعدين تييبوا مشاكيب وتحطوا فيها الهريسة وتمسحوها بالدهنه
وعليكم بألف عافيه
مشكورة خيتي فرح على الدعوة للمطبخ
وأنا با أخلي منهوووه يطبخ وينفخ عندكم من بعدي
ما فيه يا غناتي الا ..............الا .............ما عليه ننسى وايد هالايام
أيه أيه
خلونا نشوف عفاف الهدى وطبخها .....
نمى خوش طبخه من عندها عاد
فمان الله
رد مع اقتباس
المفضلات