هلا وغلا بالغوالي
عاد في البيت طبخ
وفي المنتدى طبخ
وين ما نروح الريحة ورانا ورانا
عاد فكرت شسوي لكم
اليوم قاعدة من صباح الله خير وناوية اسوي صالونة لحم والحين باقي شوي واللحمة تنضج
بس لا تخافون مو ناوية احط لكم طريقة الصالونة
بسوي لكم مكرونة بالبشاميل
طبعا طريقتي الخاصة
لا تسألوني عن مقادير لاني اسوي حسب تقديري الشخصي بس بحاول اخربط عليكم شوي واتفلسف شويات
البشاميل
من 4-5 ملاعق طحين
من 4-5 ملاعق حليب بودرة او ممكن نستبدله بحليب سائل بس مانحط ماي
حوالي 4 كاسات ماي
حبتين جبنة كيري
ملعقتين زيت
بهار ابيض
شوية ملح ( تشونة مو واجد)
لعمل اللحمة المفرومة
خلينا نقووووووول امممممم حوالي ربع كيلو لحم مفروم
بصلة كبيرة مفرومة لحد مالله ياخد روحها
فصين ثوم
كزبرة وبقدونس
بهارات مشكلة
بهار لحم
بهار اسود
كمون
ملح
قليل زيت
في البداية نسوي اللحم
نحط مقلاية او صفرية صغيرة على النار
نضع قليل من الزيت والبصل والثوم
وبعد ما يتحمر البصل والثوم نضيف اللحم المفروم
ونقلبه تقليبا
نضيف عليه البهارات بانواعها
وبعد ما يقرب يستوي نضيف عليه البقدونس والكزبرة
وآخر شيء نضيف الملح
وهيك خلصنا اللحم المفروم
الحين نسلق كيس مكرونة عاد كل وحدة واختيارها
الي تفضل المكرونة حبة صغيرة مافيه مانع والي تفضله حبة كبيرة هم بعد مافيه مانع
نغلي الماء ونضيف عليه قليل من الزيت والملح
وبعد مايغلي نضيف محتويات كيس مكرونة
وهو يستوي
ناخدها فرصة ونسوي البشميل
في الاول نضيف الزيت في صفرية صغيرونة
ونحط عليه الحليب والطحين والماي
وحبتين الكيري واذا حبينا بعد ممكن نضيف عليه ملعقة جبن سائل
والبهار الابيض والملح
ونحركها بملمعقة سلك لغاية ما يبدا قوامها بالتماسك
طبعا النار تكون هادية نوعا ما عشان ما يحترق البشاميل
في هالاثناء يكون المكرونة استوى
نصفيه عن الماء ونرجعه للصفرية
وأضيف عليه شوية من البشاميل الي سويناه
وملعقتين كبار جبن سائل
وحوالي كأس من الجبنة المبشورة
نخلطهم مع بعض
الحين نجي للصينية ونمسحها بقليل من الزيت
ونضع نصف كمية المكرونة في الصينية
بعد كذا نضيف اللحمة المفرومة بشكل متساوي
وبعدين نضيف بقية المكرونة
ولما نعدل السطح نصب عليه باقي البشاميل
وفوق البشاميل نرش السطح بجبنه مبشورة
وندخلها للفرن لحد ما يتحمر سطحها ويصير لون الجبنه ذهبي
نطلعها وناكلها بالهناء والعافية
اتمنى مكرونتي تعجبكم زي ماتعجب صديقاتي
يموتون عليها
ايام الكلية كل فترة يطلبوها مني خخخخخخخ
مني مسوية لكم حلا
واجد عليكم مكرونة
المهم مطلوب للمطبخ
الاخ واحد فاضي
مثل ما دبسني بالمسنجر الحين بدبسه في المطبخ
سووها راح تعجبكم
زييييييييييين
رد مع اقتباس
المفضلات