بسم الله الرحمن الرحيم
السلام عليكم ورحمة الله وبركاته
>>>>>>>>> برنامج طباخ لازم بعد
طبختنا اليوم هي ( الرز البرياني باللحم )
الكمية تكفي تقريبا لشخصين
متعلمتها من ماما طبعا بس والله اسويها عدل ترا انا طباااااخه مايحتاج بعد
من ألحين أقووول لكم الطبخه انا كاتبتها يعني مو سارقتها يعني مافي صورة لأني مااطبخ لأنووو زوووجي مسافر >>>>>>> هههههههههههههه قصة حياتها بتحكيها في هالمطبخ
يلا نـــــــبدأ :
:: المقادير ::
لحم هبر مقطع إلى أوصال ( قطع صغيرة )
بصلة متوسطة الحجم
بطاطس متوصط الحجم
حبة باذنجان
ملعقة صغيرة ملح
نص ملعقة متوسطة بهار
كوبين رز ( كوب مال الشاي )

:: الطريقة ::
1- يوضع اللحم في ماء ويوضع معه القليل من الملح ويوضع على النار إلى أن ينضج
2- البطاطس تقطعيه أصابع ( لا تستخدمي البطاطس المثلج ) وتقلينه تخليه نصف مقلي
3- يقطع الباذنجان أيضا ويقلى قليلا
4- يفرم البصل ويوضع على النار ويقلب مع القليل من الزيت إلى أن يتحمر
بعد كذا يتم وضع البطاطس والباذنجان فوق البصل ويوضع عليه الملح والبهار ( والفلفل حسب الرغبة )
واذا نضج اللحم يوضع فوقه ويقلب كي تختلط جميع المقادير
بعدد كذا تغسلين الرز ويفضل انك تنقيعينه قبل كذا عشان الحبه تكون طويلة
وتسلقين الرز وبعد كذا تاخذين الرز وتشخلين الماي الي فيه وتحطين الرز فوق خلطة البرياني
وتخلينه لمنه ينشف الرز
وبعد كذا تجهزين طبق التقديم وتحطينه وبالهنا والشفا
دورت بصراحه صور من النت للبرياني بس ماعجبوني وانا مااطبخ ألحين يعني حظكم
أتمنى أن الطبق عجبكم ...
تحيـــــــــــــــــاتي