عضـــو في مطبــــخ الناصرة الثقافيه

[فرح]

ونستدعي من ساعديني فروووح من اي رايش كذا

عادي ولا يهمك ولا اردك نستدعي الاخت شمعة تحترق بسرعة يالله

شموووووع

نستدعيك حق الطبخه وياويلش ترديني

وها ابغى بالصور

اعذار مو مقبوله بالصور زين

يالله سي يووو ام طيور
اعتذر خيي امــــــير ..
بما ان شـــــــمووع لاتتواجد هذه الايام
اتمنى تختار احد الاعضاء ..

فرووح تسلمي والله على هالدعوه وما نسيت الوعد

بس اسوي الفليته بصورها وبحط لصور والله

الله يعطيش العافيه يارب

خالص تحياتي
أمير العاشقين

مشكوور خيي
وتسلم يدينك ويعطيك العااافيه
موفق انشاء الله

[أمير العاشقين]

اممممممممممممم من من من

تدري اختار زهرة البنفسج

يسلموا فروح ويعطيش العافيه

يالله خيتووو زهرة البنفسج نتظر طبختك


وبالصور مانقبل المنقول خيتووو

يعطيش العافيه يارب


خالص تحياتي
أمير العاشقين
جاسم أحمد

[اللؤلؤ المكنون]

تسلموووووووووون على الطبخ
ويلا ننتظر الأخت زهرة البنفسج

[*زهرة البنفسج*]

بسمه تعالي

ويييييييييييييييييي وش صايرر ليش اني عاد من كثرر دخولي اخ اميرررررر

اممممممممممم بالصور بعد يعيني

لما فروحه راسله ليي علخاص كان مادري عن الدنيا

الي اشوف اني طباخه تحمدد ربك امييرر اذا كتبت اللك الطريقه والمقاديرر

بس اشوف خلاص يومين بس واحطها الله من عيوني وش اسوي

موفقين علموضوع الحلووو

[*زهرة البنفسج*]

بس لحضه شي ضروري ليش اذا قطعت فتره وعودت ادخل في بلوه براسي

متعاونين عليي الضاهرر

بس انشاء الله خير

[*زهرة البنفسج*]

السلاام

أولا شكرا لأخ أمير لاختياره لي علدعوه

بس لاتفشلوني تري أني كله اطبخ حلى والي جايبتنه اليوم سهل

الي مايعرف يطبخ اجي بيعرف يطبخ لأن مايبي اليهم شي مره

سهلين..

أول حلى.. كيكة أرامكو..حتي أرامكو صار اليه كيك المهم

المقادير..والطريقة

2ونصف كأس طحين أرامكو طبعا هلطحين أجي جاهز تشترونه

من جنة الحلويات

1كأس ماء.

طبعا تخلطوهم مع بعض وتحطونه في صينية وطبعا تحطونه في

الفرن بمعدل حرارة450درجه

وفي الناحية الثانية الكريمة إلي فوق الكيكة مقاديرها..

نصف حليب محلي

6 مكعبات لبنة كيري

قليل فانيلا

ربع قشطه

1 ونص دريم ويب

فنجان ماء بارد

كل هلمقادير نضعهم في الخلاط

ونضع هذه الكريمة فوق الكيكة طبعا بعد مالكيكة تستوي نضع

هذه الكريمه ونضع الكيكة في الثلاجة لتبرد

قليلا وبالهناء والشفاء

.................

الحلي الثاني.. كرات جوز الهند ..

هذي بعد سهلة مره ومايبي إليها شي شفتوو أدور الشي السهل

المهم المقادير..

3 كأس جوز الهند

1 قشطة

قليل من فانيلا

نصف حليب محلي مكثف

الطريقة..

نخلط جميع المقادير مع بعض ونعملهم علي شكل كرات

وندحرجهم في جوز هند بحيث الكرة تكون من الخارج مدحرجه

بجوز هند وتوضع الكرات في الثلاجة لتتماسك جيدا وبالهناء

والشفاء

اما علصور اذا سويتهم اصورهم اليكم واحطهم وش تبي بعد أخ

أمير ودي اختارك أنت بعد أتسوي إلينا طبخه بس حرام توك شايل

وحاط في الطبخه نورط أحد غيرك والله في بالي ناس واجددد

بس بختار احد يتواجد دائما أممممم اختاررو كبرياء واختارو أم الحلوين من بقااا

أميرة المرح خلنا أنشوف طباخها وتفننها بالمطبخ

[فرح]

مشكوووره زهوووره
ولو انك طولتي اكتييييييييييير
يعطيك العاااافيه
ودوووم ننتظر تواااجدك هووون
موفقه
جاااري انتظااار اميره

[اللؤلؤ المكنون]

تسلميييييييييييييييييييييين يالغلا على الحلى الرااااااااائع
وننتظر الأخت أميــــــــــــــــرة المررررررررررح

[Princess]

هااا
ويشووو .. ويش صاير ..
شفت توقيع فرح وتصروعت.. << الله لا يروووعش ..

اولا
مرحباا

ههههههههه بالذمه.. احد يدخل المطبخ الساعه 4 الفجر
خوب اني انبش بالمطبخ هالحزه ادور لي اكل كني قطوه..
ما ينفع رووب ..
كورن فليكس !!!
زين زين.. عاد اني مشكلتي التقدير للمكونات اذا جيت اطبخ نظري ..
يعني حسب اللي اطلعه احط باقي المكونات و ما التزم بمقادير معينه..
فبحاول اقدر عن غيب .. و باسوي ليكم
كفتة لحم + بطاطس مقلي على كيفاتكم.. وحلى..
عاد التبوله سبقتني بها امي الغاليه ام الحلوين
فمتعلمتنها منها ما بعيد


كفتة اللحم..
بسم الله..
المقادير..
قالبين لحم مفروم
2 ملعقه طعام ملح
ملعقه ونص طعام كمون
نص ملعقة فلفل اسود..
3 فصوص ثوم
بصلتين كبار
ربع حزمة بقدونس
نص درازه بارده ((فليفله))
طماطيه حمرا كبيره

الطريقه..
تفرم البصل والثوم والبقدونس والطماط و الدرازه في الخلاط فرم ناعم
وتضاف للحم وتخلط باليد بعدين البهارات وخلط زين ما زين
بعدين اصااابع وفي قالب على قصدير مزيت عدل لا يلصق .. صفوهم
وحطوهم في الفرن وشوووهم..

واقلو بطاطس وياهم.. وخلصنا الطبق الرئيسي..


والحلى .. ابسط منه مافي..
بسكوت جوز الهند بالمربى..

بسم الله

المقادير :
1\2 كوب سكر مطحون
بيضتين
1\3 كوب طحين ((ازرق المخمر))
2\3 كوب طحين احمر او متعدد استعمالات
مربى اي نوع تحبوه .. اني احب مربى التوت ((سماكرز))
2 كوب جوز هند
زبده حسب العجن..

الطريقه..
نحط في الخلاط السكر و بيضه وحده مع الزبده ((نخفقهم ونزيد الزبده )) لين تستوي متماسكه شوي زي الرغوه يعني ..
وبعدين باليد نخلط معاهم الطحين المخمر والأحمر .. حتى يصبح عجينه ملساء..
ندهن سطح القالب ونفرد فيه العجينه..
نضع فوقها المربى..

بعدين في طاسه نخلط جوز الهند ويا البيضه الثانيه.. بيصير شكله مثل الجبن المبشوور
ننثره على المربى ..
نقطعها قبل لا ندخلها الفرن الى مربعات صغيره
وندخلها الفرن بحراره متوسطه نحمرها اول شي من تحت لين تحمر العجينه
بعدين من فوق بسرعه وبحراره مهي عاليه لين يحمر جوز الهند _(( بسرعه زين لأنه يحترق اذا طولنا عليه )) << احلفي عاد..

خلوها تبرد شوي..
وبسسس
بالهنااء والشفاااء...

عفر نفذت بجلدي الحين..

اللي بعدي ..

نوارة الدنيا

حالا بالا..

يسلموو عالجهود المبذوله
ويعطيكم العافيه لراعية الموضوع ريحانة الحسين
والمشرفه فروح
ولصاحبة الدعوه اللؤلؤ المكنون

دمتم بحفظ الرحمن

[فرح]

مشكوووره اميرتنا الغاااليه
ع الوصفااات الرااائعه وقبووولك الدعوووه
يعطيك العااافيه ولاحرمنا هالطله البهيه
جااااري انتظااار الغلا نوااره الدنيا

[اللؤلؤ المكنون]

تسلمين عزيزتي على الطبخ الرااااااااااااااااااائع
بس مو أنا صاحبة الدعووووووة
عندكـ خطأ مطبعي
انا بس اجي واشووووف مين الي تعرررف تطبخ والي ماتعررررررف
بس ماشاء الله طبخاتكم رووووووووووعه تسلمووووون
موفقيــــــــن وننتظر نواااارة الدنيــــــــــــــا

[ملاك الورد ..~]

هلا وغلا بالغوالي
عاد في البيت طبخ
وفي المنتدى طبخ
وين ما نروح الريحة ورانا ورانا
عاد فكرت شسوي لكم
اليوم قاعدة من صباح الله خير وناوية اسوي صالونة لحم والحين باقي شوي واللحمة تنضج
بس لا تخافون مو ناوية احط لكم طريقة الصالونة
بسوي لكم مكرونة بالبشاميل
طبعا طريقتي الخاصة
لا تسألوني عن مقادير لاني اسوي حسب تقديري الشخصي بس بحاول اخربط عليكم شوي واتفلسف شويات

البشاميل
من 4-5 ملاعق طحين
من 4-5 ملاعق حليب بودرة او ممكن نستبدله بحليب سائل بس مانحط ماي
حوالي 4 كاسات ماي
حبتين جبنة كيري
ملعقتين زيت
بهار ابيض
شوية ملح ( تشونة مو واجد)

لعمل اللحمة المفرومة
خلينا نقووووووول امممممم حوالي ربع كيلو لحم مفروم
بصلة كبيرة مفرومة لحد مالله ياخد روحها
فصين ثوم
كزبرة وبقدونس
بهارات مشكلة
بهار لحم
بهار اسود
كمون
ملح
قليل زيت

في البداية نسوي اللحم
نحط مقلاية او صفرية صغيرة على النار
نضع قليل من الزيت والبصل والثوم
وبعد ما يتحمر البصل والثوم نضيف اللحم المفروم
ونقلبه تقليبا
نضيف عليه البهارات بانواعها
وبعد ما يقرب يستوي نضيف عليه البقدونس والكزبرة
وآخر شيء نضيف الملح
وهيك خلصنا اللحم المفروم

الحين نسلق كيس مكرونة عاد كل وحدة واختيارها
الي تفضل المكرونة حبة صغيرة مافيه مانع والي تفضله حبة كبيرة هم بعد مافيه مانع
نغلي الماء ونضيف عليه قليل من الزيت والملح
وبعد مايغلي نضيف محتويات كيس مكرونة
وهو يستوي
ناخدها فرصة ونسوي البشميل
في الاول نضيف الزيت في صفرية صغيرونة
ونحط عليه الحليب والطحين والماي
وحبتين الكيري واذا حبينا بعد ممكن نضيف عليه ملعقة جبن سائل
والبهار الابيض والملح
ونحركها بملمعقة سلك لغاية ما يبدا قوامها بالتماسك
طبعا النار تكون هادية نوعا ما عشان ما يحترق البشاميل
في هالاثناء يكون المكرونة استوى
نصفيه عن الماء ونرجعه للصفرية
وأضيف عليه شوية من البشاميل الي سويناه
وملعقتين كبار جبن سائل
وحوالي كأس من الجبنة المبشورة
نخلطهم مع بعض
الحين نجي للصينية ونمسحها بقليل من الزيت
ونضع نصف كمية المكرونة في الصينية
بعد كذا نضيف اللحمة المفرومة بشكل متساوي
وبعدين نضيف بقية المكرونة
ولما نعدل السطح نصب عليه باقي البشاميل
وفوق البشاميل نرش السطح بجبنه مبشورة
وندخلها للفرن لحد ما يتحمر سطحها ويصير لون الجبنه ذهبي
نطلعها وناكلها بالهناء والعافية

اتمنى مكرونتي تعجبكم زي ماتعجب صديقاتي
يموتون عليها
ايام الكلية كل فترة يطلبوها مني خخخخخخخ

مني مسوية لكم حلا
واجد عليكم مكرونة

المهم مطلوب للمطبخ
الاخ واحد فاضي
مثل ما دبسني بالمسنجر الحين بدبسه في المطبخ

سووها راح تعجبكم
زييييييييييين

[فرح]

مشكوووره حبيبتي نــــوااارة
ع هيك وصفه تسلم الايااادي يالغلا
ويعطيك العااافيه
جاااري انتظااارك خيي ابو زيـــــن

[واحد فاضي]

إسم الله الرحمن الرحيم عليي وعلى عمري

دشيت اليوم المنتدى الا أشوف شي يولع ويطفي

ويشهوووووه دا ....ما أدري ويش هوووه

عفر معاريس وأنا ما أدري

مكتوب فيها المطاقة ...دعوة

قلت زين بناكل مفاطيح

الا أشوف دعوة يمبوك في المطبخ

ودبستك نوارة في المطبخ

عاد شمشرت عن ساعدي

ودشيت المطبخ وقلت يالله بعدويش

اليوم إطبخ لك شي

وأنا أطبخ وحجي زين يساعدني
بس مسوى الشقة معفوسة عفيسة
قرب النقل للبيت اليديد
إدعوا لينا
وما أدري ويش فيه الكمبتوتر ...مو راضي
يسحب الصور من جوالي <<من زمان وما صلحته

با أحط ليكم الطريقة وبعدين المقادير ههههههه

شوفوا كفير ناس يعرفوا ياكلوا الهريسة
بس ما يعرفوا يسووها

اليوم بنسويها بالدياي ....أسهل

اللوازم
- نص ديايه
- ترست فلافة الى أربعة كاسات حب هريس
- بهارات
- زيت ودهن
-ملح
- ملاس وقدر وفرن طبعاً ......وأهم شي مطبخ هههههه

كيفه تسووها

أحسن شي انكم تنقعوا حب الهريس من الليل عشان لا يأذيكم في الطبخ
وأحسن شي حب الهريس الإماراتي ،
يعني اللي مرسوم عليه قدر

وبس ايي الصبح ...صبحكم الله بالخير يا طويلين العمر

وإذا بغيتوا تسووا الهريسة تييبوا الدياية وتحطوها في قدر

وياها ماي وتخلوها تطبخ شوي وبعدين تحطوا عليها البهارات وشوية زيت خفيف يعني كمشه صغيره
وتخلوها تطبخ ليمن تتفتف
وبعدين تنزلوها من على الضو وتفتفتوا اللحم وتشيلوا العظامة
واللي يمبى بعد يسوي بها شوربه يصير أحسن

بعدين تعودوا اللحم على الضو وتحطوا الملح وتحطوا بهارات زيادة شوي
وبعد كده تحطوا حب الهريس المنقوع من الليل وخلوا الضو هاديه
لامنت شوفوا الحب انتفخ أزيد من الأول وتالي عاد الله يعينكم

كل شوي تدوروا الملاس ، تدوروا لامن تتكسر أياديكم وتحطوا ماي بعد عشان لا يلزق الهريس في القدر
من تحت وخليكم تدوروا وتحركوا الهريسه

وبعدين تخففوا الضو بعد شوي ، ولا تنسوا ...خليكم تحركوا الهريس

وشوي شوي تشوفوا الهريسة استوت وذاب الحب في الدياي

وبعدين تييبوا مشاكيب وتحطوا فيها الهريسة وتمسحوها بالدهنه

وعليكم بألف عافيه


مشكورة خيتي فرح على الدعوة للمطبخ

وأنا با أخلي منهوووه يطبخ وينفخ عندكم من بعدي

ما فيه يا غناتي الا ..............الا .............ما عليه ننسى وايد هالايام

أيه أيه

خلونا نشوف عفاف الهدى وطبخها .....

نمى خوش طبخه من عندها عاد

فمان الله

[ملاك الورد ..~]

الله الله
شهيتنا للهريسة خيي
عاد جيب صحن على الماشي
وخلي زين يجي يلعب ويا الجهال
ويزيدوا عفيسة البيت فوق العفيسة عفيسة
تسلم ايك على الطبخة اللزيزة