أحم أحم أحم والله دعوتكم لي مفاجئه لا عالبال ولا عالخاطر
تشكراتي لك أخيتي وردة البستان على الدعوة
الطبخة الي بسويها لكم مامي تسويها على دجاج بس لمني تزوجت قمت وتلقفت بدل الدجاج حطيت سمك >>>>>>> خخخخخخخخ
اسم الطبخة (( فخــــار سمك ))
المقادير :
سمكه متوسطه الحجم
بطاطس حبه كبيرة الحجم
بصله كبيرة الحجم
طماطم متوسط الحجم
ملعقة متوسطة بهارات
ملعقه متوسطه ملح خشن
زيت زيتون
عصير ليمونه
خل >>>>>> حسب الرغبه
الطريقة :
أول شي تملحين السمكة بالملح ( غير الملعقة الموجوده ) لمدة ربع ساعة
بعدين تبهرين السمكة ( يفضل أنك تستخدمين بهار السمك وتخلطينه بالثوم البودرة إذا موجود عندك )
تقطعين البطاطس والبصل والطماط شرائح
لأن السمك راح ينضج قبل البطاطس يفضل أنك تاخذين البطاطس وتقلينه ( تخلينه نصف مقلي )
بعد كذا إذا قليتي البطاطس تخلطينه مع الطماطم والبصل
وبعدها تحطين فيهم البهار والملح ( الموجودة تبع المقادير ) تخلطينهم مع بعض
وتاخذين قدر وتحطين فيه قليل من خلطة البطاطس وتحطين السمكه فوقها وتحطين باقي الخلطة ( كأنك بتسوينها طبقات يعني ) ** عشان إذا لطق في القدر ماتلزق السمكة **
وتاخذين عصير الليمونه والخل ( لا تكثرين إذا بتحطين خل بس 2 ملعقة متوسطة ) وتصبين فوقه زيت زيتون مقدار 3 أو 4 ملاعق كبيرة وتصبينه فوق الطبخه الي في القدر
بعد كذا تقصدرين القدر وتحطينه فوق النار لمدة ثلث ساعة بس لأن السمك يستوي بسرعه والبطاطس نصف مقلي وحاولي أن المرق ماينشف إذا نشف صبي ماي اشوي
وبعدين تاخذين طبق التقديم وتخلين السمكة في الوسط و الحشو حواليها وتدخليها في الفرن لمدة 10 دقايق عشان تتحمر
ملاحظـــــــات :
** إذا بتحطين تبع الحشو كزبره يطلع أطيب
** إذا تبدلين بدل السمك دجاج مايحتاج تقلين البطاطس وتخلينها على النار لمدة ثلاثة أرباع الساعة ومايحتاج تصبين ليمون فوقه
بالهنــاء و الشفــــــــــاء
((( إذا جربتونها عطوني رايكم )))
الي بعدي مين مين مين
يلا نختــــــــار:
$#$#$# دنيــــا الأحــــلام #$#$#$
رد مع اقتباس
المفضلات