هذي الخطوات باختصار ونجي الحين للتفاصيل

أولا : ثيم الخريف

الفستان
الأفضل يكون من درجات ألوان الخريف (البرتقالي- الأحمر- الأصفر- البني المحمر- الأصفر المحروق)
ولقيت لك هذي الثياب من أكثر من مصمم وممكن تلقون أكثر أذا دخلتوا هالمواقع:











المكياج
طبعا لازم يكون بألوان نارية تبرز جمالك وحاولي ماتخلين الكوفيرة تقنعك بالبرونزي
لان اهل زوجك اول مرة يشوفونك ولازم يشوفون لونك الأصلي عشان مو اذا رجعوا للبيت يقولون عروسنا احترقت




ديكور مدخل المجلس او مدخل البيت
بما أن الثيم هو الخريف فبيكون المدخل عبارة عن شجرة ماعليها أوراق ولونها بني محروق
ممكن تشترينها من محلات تجهيزات الحدائق أو محلات التحف
وممكن تلقين بشارع السويلم جذوع شجر بس مو كبيرة مرة تقدرين تركبينها على بعض
وممكن تلقين بأسواق بن دايل

ممكن بدل جذع الشجرة أنك تجيبين أوراق شجر البرتقاليه من اي محل ابو ريالين أو محلات تجهيز الحدائق وتسونها مثل الستاير على المدخل



ديكور مكان جلوسك داخل المجلس

بالاول لازم تنتبهين أن يكون المكان اللي بتجلسين عليه كرسي منفصل عن باقي كنبات المجلس
على ظهر الكرسي تحطين جذوع شجر بنية ترتفع لأعلى وتكون اعلى من راسك اذا جلستي عليه
ومن هذي الأوراق تحطين سلاسل كرستال وتمددين كشافين صغار تعطي اضاءة عليك وانتي وسط الكوشة.


ديكور غرفة الأكل
على طاولة البوفيه تحطين الاضواء الصغيرة البرتقاليه اللي مثل السلسة وتنور كل لمبة بالتسلسل بعد اللي قبلها
أما طاولات المعازيم فتفين المناديل بحبل خوص بني مفكوك عشان يصير مثل الأعشاب اليابسه
ويكون اللون حق الطاولات برتقالي


هدايا المعازيم
وممكن أنك تعلقين أغصان شجر قريب من الجدار وعلى كل غصن تحطين الهدية مربوطة بشريطة عليه
وهذي الهدايا تنفع لهذا الثيم







اضافات :
ممكن كتاب التوقيع والقلم الخاص فيه






يتبـــــــــــــــــــــــع