هل تفعلينها لوطلبها منك ليله الدخله؟؟؟؟؟

[نجم تداول]

السلام عليكم ورحمة الله وبركاته ..

إنـــتــــو لو كنتــــوو بمكـان البنــت هذي ,, إيش رح تعملوو ؟؟

إليــــــــكـــــمـ القصــــــــــــــــــــة :

شاب راح يخطب وحده وتمت الموافقة على الخطبة ومن ثم الزواج المهم

إيش اللي صار ليلة الدخلة بعد مادخل صاحبنا شقته مع زوجته وإلا جواله

يدق ويقوم خوينا يرد على الجوال ويدور الحوار التالي :

الزوج : الووووو


المتصل : السلام عليك، كيف حالك يا (فلان) و ألف ألف مبروك


الزوج : وعليكم السلام وينكم يا انذال ماحضرتوا الحفل يا تعبانين


المتصل : والله تعطلت علينا السياره في الخط واحنا جايين عندكم ووصلنا وسألنا عنك قالوا انك رحت مع المدام ودحين احنا راجعين ..


((طبعاً البلدة تبعد حوالي 300 كم))


الزوج : المهم تعشيتوا ؟؟


المتصل : لا والله


الزوج : كم عددكم ؟


المتصل : عشرة


الزوج : اقولك (حرام و طلاق عشاكم الليلة عندي) قل تم ..


المتصل : يا ابن الحلال مايصير انت عريس جديد و .. و..


(( المهم مافيه فايده الزوج مصر الا يتعشوا عنده ))


الزوج : يالله انا انتظركم مع السلامه ..


وقفل الخط ,,,,



الزوجه المسكينه ما هي مصدقه اللي سواه زوجها ليلة الدخلة !!

ثم قال يافلانه انا رايح السوق وراجع ,,


(( على بالها يبي يجيب عشاء جاهز ))


بعد ربع ساعه رجع الزوج و معاه اغراض العشاء


قالت الزوجه : ايش هذا ؟؟

قال الله يسلمك قومي سوي العشاء لزملاي في العمل جايين من بعيد

ولا تعشوا ,, >> الله ياخذوو شرريرر ,, خخخخ خخخخ


،،، وفي أثناء الحوار ،،، والا الباب يدق ..


قال : هم هذولا وصلوا يالله همه يا مره وراح عند ربعه يقهويهم ..


المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه ..


والمفاجأة الكبــــــــــــــــرى !!

7

7

7

7

7

7

7

7

7

7

7




يدخل زوجها عليها ويرمي لها (50000 ) خمسين ألف ريال

قال : هذا حقك ,,

قالت : حقت ايش

قال : الرهان اللي بيني و بين زملاي العشرة على كل

واحد (5000) بأنك تطبخين ليلة الدخلة وايش يكون ردة فعلك موافقه

والا .. لا وانتي من كسب الرهان وتمت ليلتهم على خير


وصاروا اسعد زوجين



هل تفعلينها لوطلبها منك ليلة الدخله ؟؟؟!!

منقول ؟؟؟؟
بس هدا تعليقي / نجم تداول

اقول للمراه خليك صريحه بداية الامر طبعآ راح ترفضين بس لحظة ماعرفتي انه في خمسين الف ريال هل سيتغير حالك وتقبلين ان قلتي نعم ؟؟؟؟؟ وان قلتي (لا) ارجو ان تكون هده الصراحه ياالله خلونا انشوف راي البنوتات

[مناجاة الصابرين]

امممممممممممممم
لو صارت لي
عادي مو مشكلة
واجبي اني اخدمه وضيوفه حتى لو كنت باموت
صحيح كانت بتجيني غصة بس....
خلاص الحين هو مسؤول عني يعني على ذمته
بعد ويش اسوي بعدين

[عنيده]

اني ما اقدر ع طول اتصل باهلي بتقولون ما يصير بقول لا والله من اول يوم عاد ثاني يوم ماعليه على عيني وراسي لكن اول يوم اسمحلي ما اقدر وخصوصا اني جايه من الحفله واكيد رايحه الصالون من صباح الله خير يعني تعبااانه حدي وما اقدر


يسلمووو خيوو ع المووضوع

[سرمد الليل]

ايلول / عنيده





بصراحه ابدعتم وما جبتوا طاري الفلوس

بس ماادري يعني خمسين الف ريال في ليله وحده ماراح ترضيكم بعد النكبه في اول ليله زواج

ملاحظه

هوا ان راي البنت ضروري نبغى نعرف طبعآ هدا العمل يعتبر قاسي بس ادا صار فيه خمسين الف ريال يتغير الموضوع ولا لا يعني عادي راح تزعلي بدونها وترضي بها
اريد ان اقول ادا مسائلة الطاعه الزوجيه في ضروف محرجه من كل الطرفين ان كانت من الزوج او الزوجه هل نجعل المبادره فيها من اجل المصلحه فقط

[الفلكين]

انا راي صريح
هو اني سوف اقوم اعداد الطعام وانا مسروره لاانها من مسؤليتي كزوجة وضيوف زوجي ضيوفي
وشكرا

[أحبكِ يا زهراء]

أول الأمر بنقهر مرة وطول مااني اسويه بتحرطم وبضرب اخماس في اسداس
زين اذا مادعيت عليهم
واذا في النهاية جاب الفلوس يمكن ارضى اشوي لكن باحسره سنة ماني طابخه الا بيض وبريد وجبن عشان لا يفكر يتراهن مرة ثانيه واكون اني الضحية

ويسلموو

[نجم تداول]

ايلول ///// والله زين فيها الدنياء خير بوجود نساءمثلك طيبين تجعلون الاستحباب واجب انا اقول والله حرام ان الرجال لا يقدرون ويحترمون المراه التي تقدسهم وتحترمهم بالنسبه الي اقول بارك الله في كل امراه بهدا القدر من التواضع واتمنى ان الله يرزقهم برجل في نفس المستوى وان الله يسعدهم

عنيده //// عنيده والله يستر من عنادك الطيبه زينه مافيها شي خليه هوا بعد يشارك في الطبخ وادا مارضى لاتسوي شي بس بصراحه لو انا محلك ماافوت الخمسين الف شكرآ على المرور

سرمد الليل //// اشكركي واشكر مداخلتك الرائعه شكرآ لك

الفلكين //// قمة التواضع وهدا ليس واجب وانما كرم وطيب واحترام رزقك الله زوجآ طيب كطيبتك وشكرآ لك

احبك يازهراء //// انتي صريحه بس ان شاء الله كلام لسان وليس من القلب حتى لا يكون الزوج من نفس المستوى وشكرآ لك على المرور

[ملكة سبأ]

هي بصراحه امر صعب في اول ليلة لهم مع بعض يمكن وقتها أتفاجأ و مارح اصدق افتكرها مزحه .
يالله انا تزوجت وعديت خلاص مافي إختبار .
بس للحقيقه في اي وقت يقول زوجي جاينه ضيوف اقول له حياهم الله . مافيه تعبانه او مشغوله خدمة الضيف واجب .
شكرا لك اخي الكريم على حسن الإختيار وننتظر جديدك

[سرمد الليل]

الله المعين بنوافق خلاص وبنطبخ له ولضيوفه بس لا ينسى الخمسين الف

على الاقل تعوض خسارة الصاله ومصاريف الزواج