بسمة تعالى بسم الله الرحمان الرحيم
اهلا بكم جميعا وصباحكم خير انشاء الله ويوم سعيد عليكم وعلينا جميعا
والى هنا نرجع ونكمل المسلس انشاء الله الله يوفقنى فى حلقة اليوم وتحوز على اعجابكم
وصلنا الى محور الكلام هو حوراء وجهت سؤال الى فاطمه وقالت لها بتروحين بيت ابوش حوراء
فاطمه : لا ماني رايحه وبقعد على جبده في البيت وهدا بيتي ماني طالعه منه الحين بعد كل هدا الصبر تجي وحده متفرغه وطلعنى من البيت وهي تاخد الرجال بالبيت لالالا ما اطلع والي بسوي خله يسوي مستحيل اخلي وحده تاخد سلمان مني
حوراء : عجل سمعتينه يهدد اني بعد ما ني رايحه بيت ابوي بروحهم ما عندهم مكان واحنا ما بنطلع وانخليك تسرح وتمرح وياها وانت بس جيبها وباراويك فيها
سلمان : ويش بتسوين يعني اسمعو ثنتينكم ادا جت المره الجديده الثالثه واشتكت من وحده منكم على طول با طلقها لاكن احترموها واحترمو انفسكم على شان تحبكم وصيروا اوادم احسن ليكم
فاطمه : صارت الحين احسن منا والله زمن غدار ما به امان هدة الرجال والله لو تسوى ليكم المرة اكثر من كدا وتصبر عليكم وعلى اهناتكم وفقركم وغناكم ومرضكم وتربية ولادكم ما فيكم خير لرجال كلهم كدا انى مرة واعرف لرجال زين كل صديقاتى يصيحون من فعايل ارجالهم الا قليل منكم الا يعرف حقوق المرة المسكينة الضعيفة تريدونها على طول الحياة صاحية وسليمة من اتقول انى مريضة او تشكو من الم على طول قال الرجال بتزوج عليش انتين ما فيش فايدة عنى كل هدة السنسن فيها فائدة اليوم قالت لك مريضة قلت باروح اتزوج عليش طولتين فى المرض ويش حالة هلمعيشة معاك يا سلمان عدبتنا وعدبت حالك انتة والله ما تعترف بمرض ولا اداء من الله لكن ويش انقول الى الزمن الا رمانة معاك حياة صعبة وتعيسة عشناها وياك وفقر وحنا صبرنا والله لوانتة فيك كل هلبلاوى كان صبرنا عليك ونريد الستر علين وانت مجرد شىء بسيط مو من دبنا تهددنا بطلاق طيب لو انتة فيك الاداء هل بتجراء وحدة فين وتقول لك طلقنى لا والله ولكن هدا انتون يلرجال وهدا حال كل رجال يريد المرة تحت سيطرتة ومامرتة على طول الحياة يصبر على مرضة ومرض عيالة ولا يصبر على مرض زوجتة الكثير الكثير من هدة المواقف الغير انسانية موجودة فى المجتمع وترجع تسالة وتقول لة زين ماقلت لينا بعد ثلاثه ايام العرس بتجيبها البيت وين بتنام وياها وانت تعرف البيت ما فيه الا ثلاث غرف حجره الي امك واحنا كل وحده حجره لاكن هدي المره الجديده وين بتسكنها تدري خلها ويا امك في حجره
حوراء : اني عندي فكره خد ليها شقه احسن لك ولينا احنا صراحه ما نبغي نشوفها تبط جبدنا وانت ليش مصر تجيبة لينا ما نبغي نشوف رقعه وجة روح خد ليها شقه من قله الشقق في البحرين اكو الا متروسين اجانب انت احسن من الاجانب
سلمان : انتين واجد طويله لسان بعد لو جايبه ولاد ويش بتسوين في يعني انا الوحيد الي ماخد ثلاث نسوان والله حرام الا انا مسونه والله هدا حلال على ناس وحرام على ناس الله سبحانه حلل هدا الشي وانتون ثنتينكم بتحرمونه ما دريت انكم مراجع كبار سكتو بس سكتو ونطمو ولا يخص وحده فيكم وانا حر والي ما تبغا تعيش معاي بعد ما اتزوج الثالثه اكو الباب مفتوح ولا افتكر في وحده منكم والي مو عاجبنها تقول بس وانا حاضر وجاهز مليت منكم انا بعد باقول ليكم شي ادا اخدت المره الثالثه وجابت لي ولد انتون خلاص ماليكم قعده في هادا البيت سمعتون
فاطمه : يعني هدا جزا الصبر عليك وعلى مصايبك وفقرك ويش مفكر نفسك والله شايف نفسك واجد بعد كل هدا الصبر تهددنا بالطلاق لاكن الله ما بيعطيك اولاد ادا هدي نيتك
سلمان : بس الحين الله قاعد يسمع كلامش الحين انا بزوج بالحلال مو بالحرام اكو بنات تلعب وتزني مع الشباب والله يعطيهم ولاد لاكن ويش الفايده اولاد حرام كل لعبه في لعبه عسا ما وحده ويقول ليها صبي انا احبش طارت وياه وسلمت امرها اليه وتعال شوف النتيجه ولد او بنت تجيب منه وشوف يحطونه في كيس خمام الله يعزكم ولا يفلتونه على شاطى بحر هدا بنات اليوم يوم الا ما يبغون والااد ليش تلعبون مع الصبيان والضحيه هالولاد المساكين هدا الحرام الا قاعدين يسونه بنات اليوم ما تفكر في امورها الا بعد ما تحمل ويش تقول الى اهلها احسن شي تفكر في انها تتخلص من الي في بطنها بالطرق التي دكرتها روحو شوفو المحاكم ومراكز الشرطه مشحونه من هده السوالف ولاكن شوفوا هم ما يريدون ولاد والله يعطيهم وانا ابغي بالحلال مانا شايف شي عجل بعد عسى وحده ما تشوف اليها واحد يقول ليها انا احبش قالت خلاص وتقومين تهدين نفسش وياه يابنت الحلال هو صبي ناقل عيبه لاكن انتين يالبنيه وين مصيرش بكون لاكن ويش نقول نعيش ونشوف بلاوي هالزمن
حوراء : الحين فكنا من هاي السوالف احنا الحمد لله مربيين ولا نعرف هاي السوالف الا دكرتها هدا كل مال جيل اليوم احنا مانا ومالهم ولاكن انت للحين مصر على الثالثه يا سلمان
سلمان : نعم مصر جيبو لي ولد وشوفو منهو يفكر يعرس عليكم
حوراء : جان زين هداني ندرت الي شيخ عبد العزيز والنبيه صالح انجان الله عطاني مرادي باودي ليه المكتوب
فاطمه : يو جان على الندر اني كل سنه اندر في محرم في صفر اني صوب وامي صوب كل ندورات علي من اختك للحين
سلمان : انشاء الله استجيب دعائكم الحين خلوني انام تعبان
فاطمه : زين متى العرس ما قلت لينا
سلمان : يعني ما اروح انام
حوراء : لا علمنا ترى ما بنخليك تنام
سلمان : بعد اسبوع زين استانستون الحين اروح انام
حوراء : بعد اسبوع وانت ما جهزت لك شي
سلمان : اجهز روحي بشنو توني معرس يا حضي ثنتين عندي بدل الوحده
فاطمه : تدري عنك انت عندك نسوان ثنتين وافقت عليك
سلمان : نعم تدري هدا كل من بركات ام عيسى صديقه امي
حوراء : ام عيسى عرفتها هدي قليله الحيه ما تستحي صدقني هدي تبا بس بيزات فلوس
سلمان : مو مشكله نعطيها بيزات محد يسوي شي بلاش اليوم كل مصالح
فاطمه : اني بعد اعرفها داك الشهر خاطبه الى واحد وحده ما تعرف عنها شي وبلشته ابها وقالت عنها هدي كلش زينه يوم تزوجها طلعت هيامه وام صبيان انشاء الله انت بعد يا سلمان تبليك بوحده اني اقول لك ترك هدي ام عيسى لا تورطك
سلمان : هدا كل حسد منكم هي بس خلها تخلصنا زتات وصير خير يالله انجبو
حوراء : ما عليه باقول الي امي عنها قليله الحيه امي تعرفها زين خرابه بيوت هدي ام جيسه خطابة اخر زمن ويش قالو خطابة هدة خطافة
فاطمه : خلها تجي البيت الا اطردها ما عليه اني لو هي شوفو بعد قلاله حياها ما دورت الا سلمان تعرسه علينا لاكن البيزات تعمي كلشي حتى على مصلحه غيرهم بس فيها بيزات فيها فلوس سلمان : يعني انتون الحين ما ترحمون والله تخلون رحمه الله تنزل والله انكم انانيه بعد لو فيكم ولاد ويش بتسون في لاكن هدا ربي ما عطاكم شي وهاي فعايلكم فينى
فاطمه : لو من عرست اني الاولي عندك وجبت ولد لو بنت والله منتا كفو تفكر تعرس لاكن هدا حضي وياك يا سلمان هو الي خلاني جدي تلعب علي وتعرس بدل الحده ثنتين
سلمان والحين يعني ما انام والله تعبان لا لي راحه في العمل ولا في البيت با قدم على بيت في الاسكان او على شقه اعتقد ما با جيبها البيت تتوحدونها يعني هدولين الشيوخ مالنا ادا اخدو نسوان ثنتين ولا ثلاث يسون فيه جدي نسوانه لو بس انا تهددوني وتلعبون بحسبتي والله حرام عليكم
حوراء : انت ويش دراك ويش يصير في بيوت الناس انت رواح بيت شيوخ البيوت اسرار محد يعرف عنها لاكن نصيحتي لك لاتجيبها البيت الى هنا وينتهي مسلسل حلقه اليوم في الاسبوع القادم راح نشوف سلمان هل هو بيتزوج الثالثة فعلا هل هو بجيبها البيت بعد الزواج لو بيطلع في شقه معاها هدا ما سنعرفه في الحلقه القادمه تقبلو تحياتي للجميع