من خلد هاي الفكره جاوبنه عن إيمان
هم عندك رد اعلينه لو إنته امأمن بينه
جاوبنه عن إيمان
*
هالفكره ادرسها و تعمق بيها مكشوفه ما تلقه غبار اعليها
ما بيها غش معروفه من راعيها باطن و ظاهر فكرته امصفيها
ما بيها غير الرحمه يعرفها كل إنسان
انته اشقلت جاوبنه مو النه يو صاحبنه
*
نتسلسل بهذا الحديث و نسأل بس الحجي بلا معنه لا يتأول
هالفكره عند من جانت من الأول آنه و انته انقول عند المرسل
بها الفكره جان الهادي و حيدر هم مثله جان
ادرسها من أولها هم يحتاج اتأولها
*
هيَ الرساله الخالده اللي تنصع هي الذي للبشر رادت تجمع
هيَ الذي إعمل تقول و ازرع هيَ التقول العقل خل يتوسع
هيَ اتقول احجي الواقع اتجنب عن البهتان
هاي الفكره و عاينها تلزمها تبعد عنها
*
و ابنفس هالأسلوب ناهج حيدر كل قيد قال اعله الظلم يتكسر
ايخاطب المملوك و ايقله اتحرر ايخاطب الجيل ايقله قوم اتطور
و لهل الأوطان اينادي حافظوا اعله الأوطان
هالفكره وضحناها عندك شك ابمعناها
*****

المرحوم الشيخ عبد الحسين أبو شبع

ويعطيك ربي الف عافية اخوي
يوم سعيد