عجوز تتحدى ابليس!!...

[دموع بين الضلوع]

كان فيه عجوز قاعدة لحالها...وشوي الا وابليس طالعلها((لقافه يبي يتحرش))
المهم العجوز خافت وسمت بالرحمن..قالها ابليس:انتي يامخرفه ..تظنين نفسك داهيه؟؟
العجوز:ايه انا داهيه ..والنسا كلهن كيدهن عظيم((تراها والله كذابه موب كلهم)) خاصه العجايز.
ابليس:انا اتحداك..... وبنشوف من اللي كيدة اعظم العجوز والاابليس؟؟
العجوز:خلاص انا بسوي مشكله وانت راح تحلها واذا ماقدرت انا بحلها
ابليسk lates go
المهم راحت العجوز لواحد من الشباب العاطل الباطل وقالت:انا بشغلك عندي فتره معينه بس...اذا تبي فلوس لاتتدخل بشي..وافق الولد
وراحت هي وياة لمحل اقمشه وقالت له انتظرني عند الباب..
دخلت المحل واخذت قماش غالي وراحت تكاسر البياع.,
العجوز:رخص ياابن الحلال والا صكيتك بعين لوت رجولك..
التاجر:إذا انتي مامعك فلوس خذي قماش ارخص..
العجوز:ماأقدر...لازم والا بيصير شي ماصار...
التاجر:ليش؟؟..لهالدرجه!!..وش السالفه؟؟
العجوز:شفت الشاب اللي عند الباب.. هذا ولدي يحب له وحدة متزوجه ولما تتطلق من زوجها ولدي بيتزوجها ..وقالي ان عارضتي الزواج بطردك..وأمرني اشتري قماش غالي عشان يعطيه حبيبته والا بيطردني من البيت... مع ان البيت بالأساس بيتي لكني غلطت وكتبته باسمه..{العجوز تبكي عشان يرحمها}...((يلعن ابو اللعانه بس صدق الدموع سلاح المرأه))
التاجر:خلاص هونيها وتهون..والله كسرتي خاطري...يالله بعطيكياه بلاش والله يعوضني..
العجوز طلعت طايره من الفرح وقالت للولد رح للبيت..وهي راحت لبيت زوجه التاجر حق القماش وطقت الباب وفتحت زوجه التاجر..
العجوز:آآآآة يابنيتي انا تعبت بالطريق ومااقدر اكمل ...تخليني ارتاح عندك شوي؟؟
رحبت الزوجه واكرمتها وجابت لها الشاهي بعد
العجوز:مشكوووووورة ماتقصرين أردها لك انشاالله{وتعمدت تنسى القماش}وطلعت
الزوجه:يووووووة ياحرام نست القماش..اكيد بترجع بعد شوي تاخذة..بروح احطه بالدولاب((لو درت بالمصيبه اللي بتصير كان اخنقت العجوز بالقماش ومادخلتها اصلا))
اما التاجر رجع لبيته وتغدى ذاك الغدى السنع ونااااااااااام.....ويوم قام العصر فتح الدولاب يبي يغير ملابسه...ويناظر ...يفتح زين لا..لا..مو مصدق انه يشوف قماش العجوز...وعرف ان المرة اللي يبيها ولد العجوز هي زوجته وانها تخونه..
المهم قام الرجال وضربها ذاك الضرب وطردها برا البيت..
والعجوز فآخر الشارع تنتظر هاللحظه((جاك يامهنى ماتمنى)) وتجيك طايرة..وش فيك يابنيتي عسى ماشر؟؟
الزوجه:زوجي طردني وماخلاني حتى اتكلم..
العجوز:خلاص تعالي معي البيت وانا بحل المشكله.
وجت الزوجه معها البيت ودخلتها في غرفه والولد فغرفه ثانيه((ينتظر الفلوس الرجال ومايدري وين ربي حاطه فيه))وقالت له لاتطلع..
المهم راحت العجوز للشرطه تبكي وتقول:كنت جالسه بيتي فأمان الله ومادريت الا وهالرجال والمره اللي جايين وداخلين حاولت اطلعهم اطردهم مافيه فايدة احتلو بيتي{وتزيد بكا عشان يرحمونها}..
ذهبت الشرطه وقبضت عليهم ويالله فالسجن..

العجوز:هاااه وش رايك ياابليس دورك الحين حل المشكله... ابن امك حلها؟؟
ابليس: يابنت اللذين نكبتيهم..يرحم امك طلعيهم..
العجوز:انا راح احلها وكأن شيئا لم يكن..
راحت العجوز تزور الزوجه بالسجن وقالت لها:انتي ساعدتيني مرة وانا باساعدك الحين..يالله البسي عباتي وتغطي واطلعي كانك انا وانا بقعد مكانك...
الزوجه:مشكوووووورة لكن انتي؟؟
العجوز:مالك شغل مثل ماطلعتك بطلع نفسي..
وتمت عمليه الهروب بنجاح
الوالي امر الحراس بإحضار المسجونين عشان يحكم عليهم..
حضرت العجوز والشاب..وقال الوالي:ليش قابضين عليهم وش مسوين؟؟
ردت العجوز((انشهد انها ملقوفه)):حنا ماسوينا شي..كنا قاعدين انا ووليدي فبيتنا مادرينا إلا والشرطه طابه علينا وماخذينا للسجن..
غضب الوالي وهزأ الشرطه تهزئ وحتى ماعطاهم فرصه يتكلمون ويقول:غلطانين وتبون تكلمون بعد شين وقوايه عين..
طلعت العجوز مستانسه وعطت الولد فلوسه وراح..
راحت العجوز لتاجر القماش وقالت له:انا تعبت بالطريق وان زوجته اصيله واكرمتها وهي من كثر التعب نست القماش عندها وان زوجته بريئه.....وقالت خذ قماشك ولدي سافر هو وزوجته الجديدة...
راح التاجر لزوجته وتأسف وراضاااااها بعد..((ياحليله))

العجوز:وش رايك ياابليس انا فككت السالفه وكان ولاشي صار...
ابليس:لالالالاماأصدق ان فيك كل هالخبث........واسلم هههاي<<<<<<<<<لاعاد والله مدري اسلم والا
وعاد ابليس يجر اذيال الهزيمه...

دمتم بود

[دموع الوحدة]

احم احم (إن كيدنا عظيم ) خخخخخخخخخخخخخخخخخخخخ
قصة رائعه اختي وزين تسوي في ابليس في البداية كنت اقول كيف بتحلها هذه خلاص ما تنحل بس طلعت شاطرة ههههه

تقبلي مروري
دموع الوحدة

[دموع بين الضلوع]

اي والله انا كيدا عظيم تسلمين خيتو دموع ع المرور
دمتي بود

[أسير الشوق]

دموع بين الضلوع

الف شكر على القصه

يعطيك الف عااافيه

ننتظر جديدك من القصص الروعه

ودمتى بود واحترام

اسير الشوق

[اللؤلؤ المكنون]

يسلمووووووووووو عالقصة
دمتت بود خيتي

[لحن الخلود]

يسلمو على القصة
يعطيك الف عافية