اللحين اللحين ابغى.......... اتزوج

[عفاف الهدى]

اهلين بالنوارة
فعلا كلامش صح وهاي غريزة الأمومة ما حد يقدر يطفيها
بس اني ما اتكلم عن الطبيعي الي ذكرتيه شي جميل
وهو المفروض الي يصير بس اني اقصد الشاذ من البنات
الي همها من الزواج انها تلقى الفارس وتطلع من كدر البيت
او انها تغفل عن ان البيت والزواج مسؤليات وحاطة الزواج
في المقدمة لأنو بيطلعها من اجواء الهم الي هي بتحسها
كمان الروحات والجيات وو...هاي الي قصدتو ا
ويسلم لي هالمرور الحلو

[مناجاة الصابرين]

السلام عليكم
الموضوع روعة
والاخوات اللي تكلموا ما قصروا
احب اقول ليكم شي...
وقت كنت بالثانوية ونسمع انه وحدة من المدرسة انخطبت هالبنت تصير مشهورة
وين ما راحت الاصابع تتاشر عليها ما ادري ليش؟؟؟؟
لا واللي متزوجة مشهورة اكثر من المديرة...
بس ما كانت البنات تصرح عن رغبتها في الزواج
يوم رحت الكلية.......... انصفعت
البنت علنا وفي الممر قدام الرايح والجاي ..
" يا الله تعرسني........" " فلانة انتين وياها.. اللي تعرفني واللي ما تعرفني تدعي لي .."
ليش احنا كم وصل عمرنا ! خمسين؟؟
ما كنت اعلق بس ما كان يعجبني
بصراحة
كنت انظر للبنت اللي تقول كدة انها قليلة حيا
ما ادري ليش؟؟؟؟
مع ان في وسط العايلة الناس اللي انخطبوا يوم كانوا في العشرين واني في 18 يقولوا لي اني عنست!!!!!
بصراحة بعد ما تزوجت ما اعرف ويش اقول للبنات اللي هلون
خااااااااااااصة ان الحين النظرة للزواج صارت غير
البنت ما تبي تستقر في البيت تبي تطلع وتكشخ ووووووو .......
طلبات البنات ما تخلص
وجيب الرجال ما يكفي الحين
هالزمن مو طبيعي .........
يا علي.... كأني هدرت وايد وطلعت عن الموضوع وزهقتكم..
آآآآآآآآآآآآآسفة
تقبلوا مروري

[عفاف الهدى]

اخت ايول بالعكس

لطفت الجو باسلوبش الحلو

وكلامش الأحلى

فعلا البنت الحين بدون حيا تطلب من الكل يدعي اليها تنخطب على ويش ما ادري؟؟؟

ما تدري ان الزواج وراه هموم منتظرتها

[يوم سعيد]

بسمه تعالى
هي جراءة مني أن أخط بمشاعري حيال هذا الموضوع الجرئ وقد تراجعت أكثر من مرة وعدلت عن خوض مثل هذا النقاش الحساس الذي يشغل بال كل إنسان ذكر/أنثى وربما الشغل الشاغل والذي يشغل حيز أكبر هو المرأة والتي تتفوق على الرجل عددياً كماً وكيفاً ، وربما هناك حكمة وغاية وراء هذا التفوق العددي ، والمثير للغرابة إن العنوسة في مجتمعنا في تزايد يكاد يتضاعف سنوياً وهذا يعزوا لعدة أسباب أتمنى أن نتناولها كلا على حدة ...!!! ولكن ليس الآن ، بعد أن أفرغ ما بجعبتي وأبدي برأيي المتواضع ، فلا يختلف إثنان على أهمية الزواج كهدف نفسي وعامل أمني وحالة استقرارية لإن الله سبحانه وتعالى خلق من كل شيء زوجين إثنين الذكر والأنثى حتى ينسجمان ويتحدان ويتكاملان فالذكر للأنثى والأنثى للذكر وقد وضع في كل واحداً منهما الحاجة إلى الآخر فلسنا كما قوم لوط الذي خسف الله بهم الأرض وجعلهم أذلة خاسئون ..!! إننا في عصر التوتر والإضطراب والرغبة الى الأمن والاستقرار فالجبهات تغزو الشباب وتثير غرائزهم وتحرك فيهم الدخول في المحظور وكل بيت يحمل في غرفه بنت أو بنتان وربما يلقي الحظ بظلاله على بعض العوائل فيكون نصيب الأنثى في عدد الأفراد هم الغالبية العظمى فيزداد التوتر والخوف من المستقبل ...!!!
لا أريد أن أطيل عليكم فالزواج هو هاجس كل إنسان وعلينا أن نسيطر على هذا الهاجس ونصوبه في الاتجاه الحكيم ، فلا ننظر إليه على أنه هدف رئيسي يجب اللحاق بقطاره والتنافس من أجل اقتناص فرصة العثور على زوج بأي شكل من الأشكال دونما تمحيص ودونما تدقيق فليس الزواج رغبة يجب أن نقتنصها وإلا فات الفوت ولا يمكن التفريط بها ..!! إن الإقدام على الزواج مبني على أساس من الفكر السليم فالزواج مشروع لبناء مؤسسة إنسانية هي في حد ذاتها لبنة من لبنات المجتمع وليس أية رغبة عابرة أو شهوة جارفة نسعى إلى لجمها فقط بل الزواج هو سكن ..!! وعلينا أن لا نأسف لإننا لم نحظى بزوجة أو نحظى بزوج ..!! يجب الإيمان بالقضاء والقدر وإن كان حظوظ الذكر أوفر حظاً من حظوظ الأنثى فالأعداد المترامية في زوايا البيوت تسبب قلقاً يقض مضجع الفتاة فتبقى قطعة أثاث تزين بيت والدها ..!! فتخور قواها وتنهار عواطفها فتعتقد إنها كلما مضى عليها الزمان تبلى وتذبل وتصبح نسياً منسياً ..لآلآلآ وألف لا فالإنسان كيان قبل كل شئ والإنسان عنصر نفيس وقادر على العطاء والبناء والانجاز وليس من الضرورة الدخول من باب الزواج حتى يحقق الانسان أكبر نجاحاته ، وإن كنت أتمنى أن تكتمل وتكلل نجاحات الانسان بالزواج ولكن قضاء الله وقدره فوق كل شئ فليس موضوع الزواج بأيدينا حتى نحققه على أرض الواقع ، إنه الحظ والنصيب فإن جاء إلينا فأهلاً ومرحباً وإن لم يأتي فلم تنتهي الدنيا ولا يكون ذلك آخر المطاف ، ويفترض أن نتعاطى مع الزواج على أنه فرصة جميلة فإن حظينا بها سعدنا بها وإن لم نحظى بها فلا نأسى عليها وعلينا أن نستكمل مشوارنا في هذه الحياة فهناك عدة نواحي يمكن للفتاة أن تتوسع وتتيح لنفسها التوهج وإثبات الذات وتطور من قدراتها كجهاز قادر على الانتاج في كل الميادين وليس عدم الزواج عائقاً يحد من انطلاقة الفتاة ، فالفتاة تبقى قوة فعّالة ومنتجة حتى ولو لم تتأهل إلى الزواج فلا ييأسن أخواتي الفتيات وينظر إلى الزواج على أنه مصير يجب أن تصل إليه وإن لم تصل إليه فذلك يعني الفشل الذريع والنهاية المأساوية والخاتمة المرّة ..!!! لا فلا نجعل نظرتنا للزواج نظرة قاتمة وداكنة ، وإن كان ذلك شئ يهوّن علينا بعض الأشياء إلا أننا يجب أن نفكر بعقلية أكبر وأوسع وأكثر رحابة من تلك النظرة الضيقة التي تدل على ضيق الأفق الفكري ..!!!
أكتفي بهذا القدر لعلي أتمكن من المشاركة في أقرب فرصة ممكنة ..!!!
تحياتي
يوم سعيد

[w_alwaheed]

يسلموو على الطرح

[عفاف الهدى]

اهلا باليوم السعيد

اشكر لك تواجدك المبارك في صفحتي
وانتظر عودنك بفارغ الصبر

الوحيد
يسلم لي مرورك
بس وين تعليقك على الموضوع؟؟؟

[الليل الممزق]

عفاف الهدى

موضوعك شيق ومهم جداً
انا في نظري ان الوضع الحالي اصبح على ما هو عليه بسبب المجتمع
ونظراته المعقدة

انا لم اتزوج بعد ولكن لدي الكثير من الاصدقاء المتزوجون
وهل تعلمون ماذا يقول من منهم تزوج بفتاة صغيرة جداً
" انصحك يا بو محمد "اللي اهو انا" اذا بتزوج خذ وحدة كبيرة في السن اترك 15 و 16 عنك اللي فوق الـــ 20 اكبر عقل"

طبعا ما اقول ان كل البنات الصغار مو عاقلين بالعكس في بنات عقولهم اكبر من عمرهم بعشرات المرات
بس هذا اللي صاير والله المستعان

واعتقد ان حتى اللي في الـــ 30 ما فاتها القطار
ألاحظ هاليومين عندنا في البلد صاروا اللي في هذا العمر يتزوجون بشكل متزايد

اللهم بحق الزهراء وابيها وبعلها وبنيها
زوج كل اعزب وعزباء

اعتذر على الاطالة

تقبلوا تحياتي
الليل الممزق

[عفاف الهدى]

الليل الممزق

نورت صفحتي بتعليقك الجميل

واضم صوتي لصوتك بنت 30 لسة ما فاتها القطار

والله يعطيك العافية

[حور الجنان]

مشكورة اختي عفاف على الطرح والله يعطيك العافية
واني بالنسبة اليي اني أأيد اختي نوارة الدنيااا بكلامهاااااا
واقووول اليهااا صح لساااانك والله يعطيك العافية

وعلى فكرررة البنت الشااطرة ماتأثر عليها لا خطوووبة ولا غيرررهااا
وبعدين البنت ماينحكم عليها من عمرهااا لان في بنااات في سن 20 وفوووق كأنهم مراااهقااات بس طبعاااا مو الكل "اصااابع اليد مو سووووى" اني اتكلم عن بعض البناااات.

[عفاف الهدى]

حور الجنان

يسلم لي مرورش

وحنا كمان نتكلم عن فئة من البنات

وزي ما قلت اصابع اليد ميسوى

[أمير العاشقين]

ماعليه خيتووو عفاف تسمحي ليي اذخل في الموضوع ولو انه بناتي

تسمحي لي احط رااي فيه لاني بصراحه وودي اكتب راي هنا

لان فيني حرره بجد

اذا مسموح راح احط

أمير العاشقين

[عفاف الهدى]

اكيد مسموح اخوي

والبيت بيتك

لا تستأذن ابد الساحة مفتوحة للصبايا والشباب

انتظر عودتك

[أمير العاشقين]

ماعليه بناقش بحراره شوي اوكي
شذى الزهراء كلامك ممتاز
الفراشه الحائره كلام جميل والله
نوارة الدنيا كلامك بعد اايد منه شوي
بس ممكن اطرح رايي

دقايق بس اخلص شغله حق الوالده وارجع

اوكي

I will come back

[عفاف الهدى]

ننتظرك اخوي

وخذ راحتك في النقاش

والوالده اهم سلم عليها

[أمير العاشقين]

هلا خيتوو عفاف تسلمي والله
وشاكر لش انتظارش واسف على التاخير
الله يسلمك وصل السلام خيتووو
ونجي الى النقاااش وكل واحد له رااايه وانا رااي هذا
******
لنفرض البنت ما تزوجت في السن الي تبيه
يمكن هالشي راحه ليها او من صالحها
لا اخفي عليكم والله بنات هالزمن اذا وصلت عشرين واحد وعشرين
تقعد تدعي حسبي الله على الخطيب الي ماجا للحين والي والي
ومن هالقبيل
هذا مو كلام مو لازم البنت تتزوج وهي صغيرة ومو لازم وهي كبيره
انا عندي ومن راي والراي لا يفسد في الود قضيه
البنت الي تقول متى اتزوج لو تقول الى صديقتها وما ادري ايش
ماعليه السمووحه للبنات ومقامهم عااالي بنت فاصخه الحيا فصاخ
يسمحوا ليي اقصد نوعيه من البنات مو البنات كلهم
في بنات يتمنووا يتزووج لاجل الامومه وهذا شي افتخر فيه والله
اتمنى البنت تقول ابي اتزوج عشان يكون عندي ولد هذا البنت ما تنلام ليش
لانها عندها امنيه وتبي هالامنيه بس مو معناتها كل ساعه وكل دقيقه ابي اتزوج
هاالامنيه تحقلها بس كيف
انا اقول ليكم كيف في ادعيه خاصه في تقرب لله سبحانه
مو بنت تعرض نفسها لكل من صديقاتها وتقول ابي اتزوج
هاذي حتى لو بجيها الرزق ما بجيها
لا واسمع الموضه الجديد
البنت تبي تتزوج ليش
حق تروح مجمع ترووح سووق ترووح تطلع تسافر
على قولتهم تاخد الحريه
هاذي مو حريه الصراحه
هاذي صيااااعه وضياع نفس
يعني تتزوج وتحمل وتجي مولود سوا بنت لو ولد ما تعرف حتى تغير له
ويش هالام هاذي
بالله هاذي الي تقول ابي اتزوج ورزقها ربها بهالجوهره تستاهل تتوقع تكون ام لو زوجه
لو حتى ربة منزل
اقسم بالله هاذي مو زوجه ولا هي ام
شنو ذا المولود عند امها بحكم ما تعرف الي تغير له لو تلبسه
طيب تتعلم مو هي تبي تتزوج
ليش اجل تصرخ ابغى وابغى وبعدين ماهي قد
نجي للبنت الي عمرها 31 او في الثلاثين
ما تزوجت ليش
يمكن امها تقول مسوا ليه عمل والي والي والي ومن هالقبيل
هذا مو كلام البنت الي رزقها مكتوب بجيها بجيها
لو كانت في وين بجيها
يعني الحين انا استغرب ما تزوجت ولمتى ومن هالكلام
يمكن ربك ماخر زواج لسبب معين
في بنات مشاء الله عمرهم في الثلاثين وقسم بالله يتمنوا ما يتزووجوا
ليش
لانهم مو قد هالحمل زوواج
وفعلاً هاذي البنت العاقله
الي تفكر لما تتزوج
تقول بكرا لما يصير عندي ولد بعدل بين الزوج بعدل بين الولد
قبل ما تفكر في الزواج تحسب الف حساب وهاذي البنت الي تستاهل والله
والله العظيم احس هالموضوع مثل البنت الي تبي تضعف
تحقلها في صغرها لاتاكلي لاتاكلي ولما تكبر وتشوف اجسام صديقاتها تقول ابي اضعف
ويش هالمسخره دي يعني ما تدري ويش تسووي
سالفة البنت الي تحط في بالها شخص وتبي تتزوج
اولاً هذا الموضوع ناقشته من قبل
وهاذا مو سبب البنت
هاذا سبب الاهل نفسهم
الاهل هم الي يقولوا فلانه لفلان ولعلان
يعني فتحوووا عقل البنت الى الزواج
وهم ما يعرفووا ويشو يعني زواج
بنات هالايام يفكروا الزواج لعبه لو بس مهر وحفله وعرس
وبس ما يفكرووا يعني ويشو زواج
زي هالايام الخطوبه تفاهم وتعارف بين الزوج والزوجه
هم لا يفكرووها تمشيه وحوامه بالسياره وعشيات في مطاعم وضحك ومسخره
هاذا مو كلام
قسم باالله الناس تغيرت واااجد يعني ما تدري ويش تسوي
لو يعني مدرسه حق دراسه هالمدرسه
مو حق قرقر وسوالف واني احب معلمه فلانه واحب هالطالبه وشوفي دي ويش لابسه ويش ماكله
ويش ذخلكم انتووا انتو جايين تدرسووا لو تقرقروو وتحشووا وابي اتزوج ابي اطلع ابي افتك من الحبسه
طيب ولو تزوجتي وزوجك صار اعظم من اهلش ما يخليش حتى ترووحي بيت اهلك الا في السبووع مره
ويش بتسووي
بتقولي ليه طلقني
طيب ليش تقولي من البدايه بتزوووج ها ابي اعرف ليش
لو لما تتزوج وتفلت ولادها وهي من محل لمحل
طيب وزوجش وولادش ويش تسوي فيهم
ليش تتزوجي اجل
لو لما تتزوج وزوجها على قد حاله ويالله يعيشوووا وهي تبي كذا وكذا
مو قادر ليش تتزوجني طيب انتي ليش تثرخي ابي اتزوج
الزواج والله مسؤاليه وحمل
تتحمله البنت وقبل ما تفكر في الزواج وتقول طافها القطار وما طافها
تفكر هالقطار قبل ما يطوفها تقدر تركب فيه وتتحمل مطباته وحمله
اذا تقدر ديك الحزة تفكر طافها لو لا
مو فالحه بس ابي اتزوج وابي اتزوج وتعرض روحها لفلان وعلااان
هذا مو كلام ابي اتزوج
الكلام لما اتزوج اقدر على الزواج لو لا هذا الكلام
مو على قولتهم ذيل يطرطق وذيل ما يطرطق
الله يستر على بنات الناس ويستر على المؤمنين وادري فجرت راسكم
وذخلت الف موضوع الا موضوع
بس والله شي يقهر ابي اتزوج وابي اتزوج ولما تتزوج وتجي الاولاد تفلتهم على امها
طيب ما تقدري تعدلي بين ولدش وبين زوجش ليش تصرخي
هاذا الي ابي اعرف عشان الطلعات والهيات والمجمعات ومن فلانه لعلانه
ومن كوافير الى مادري ويش
الله كريم ومتى بس هالزمن يعتدل متى
وتسلمي خيتووو عفاف على الموضوع هذا
عساكي على القوة يارب
أخوك
أمير العاشقين