اللحين اللحين ابغى.......... اتزوج

[عفاف الهدى]

حبيت اطرح مشكلة منتشرة وبكثرة هالأيام للنقاش

بنات هالأيام تلاقيهم ملاهيف عالزواج اغلب بنات الثانوية الحين بالذات عند بعضهم انهم دخلوا سن اليأس وفاتهم القطار عشان ما تزوجزا ليما الحين
في نظركم ليش البنات الحين متلهفين عزواج؟؟
عن نفسي اقول:

ان حنا من يوم كنا اصغار وامهاتنا بتقول لنا بتسافري مع زوجش زوجش بيجيب لش زوجش بيعطيش هو الي بطلعش مطاعم ومنتزهات ووو يعني الزوج هو الفرج للبنت (ما يدروا ان شبابنا الحين ما يقدر يفتح شقة مو بيت )
والبنت في هالسن سن المراهقة تعاني من اختلاط مشاعر واتحس ببعد الأسرة ومن حواليها توصل في بعض الأ[حيان الى ان البنت تشعر بأنها منبوذة وغير مرغوب فيهااو اسباب ثانية فارق السن بين الأخوات وظيفة الام او خروجها المستمر تفكك عائلي ربما وغيرها من الأسباب الي اتخلي البنت تحلم وتحلم بهالفارس الي بيتزوجها( واتلاقيها اول وحدة في الأعراس وما مخلية مكياج واكسسوارات واحلى الفساتين الا ولابستنه وغير كدا الرقص الي تمسك اليها زاوية وما تتركها الا وهي متكسرة بس اهمشي الكل يشوفها عشان تحضى بزوج من الي قاعدين من الأمهات الي بدوروا على عروسات لأولادهم)

الأدهى اذا رسمت البنت على شخص معين بذاته يعني فلان بن فلان لأنو بالنهاية يمكن توقع في الخطأ او انو بأدي الى اشياء نفسية هي في غنى عنها

يعني البنت هالأيام محتاجة الى الجو العائلي القلب والحضن الدافي لأن هاي الأمور مستحيل توصل الى احد من الأهل فمن البداية الأهل لا يعطوا الى هالأمور انها تنغرس وتثمر لأن حصادها جدا متعب وسيء

انتظر نقاشكم معاي في انتشار هالظاهرة الي فعلا هي خطيرة
مرة قريت خاطرة في منتدى الأشعار في شبكتنا هني
وحده بتقول فاتها القطار لأن نزار اختار ركابه من الأطفال في يمكن يأست بأن فاتها قطار الزواج واني رديت عليها ومرة ثانية كمان اقول مثل ما رديت عليها اذا فاتنا قطار نزار فأن هناك سيارة لا تلوموني الى صلاح لا وسيارتين بعدمو وحدة

واحب اقول قبل خمس سنوات تقريبا كان سن فوات القطار 30 الحين مددوه الى 40 لا تخافوا بنات
جاينكم رزقكم بإذن الله واحنا لسة في بداية عمرنا ولا تشغلوا بالكم بهاي السالفة

ولتعجيل الزواج سو استغفار على المسباح بنية الرزق للزواج وبإذن الله كلنا عرايس بحق هذا العيد الأغر

[خادمة المهدي]

تشكري اختي عفاف على هذا الطرح الحلو

وان شاء الله ببركات الصلاة على محمد وآل محمد
يتزوج كل العزاب ويخلفوا اولاد وبنات ويستر علينا
وعليكم اجمعين قوا آمين رب العالمين

[لحـ الوفاء ـن]

يسلمو على الطرح

[عاشقه ال محمد]

مشكوره اختي على الطرح الرائع

[عفاف الهدى]

اهلين

اشكر كل الي مروا في صفحتي
خادمة المهدي
لحن الوفاء
عاشقة ال محمد

والله يعرسنا جميع

بس المطلوب المناقشة في الموضوع

[كبرياء]

يسلمووو على الموضوع

<<< عن نفسي آخر شي أفكر فيه الزواج حالياا

أهم شي دراستي

عن بقية الموضوع فلا أملكـ تعليقاا

يعطيكـ العافيهـ على الطرح

تحيـــااتي

][ كبريـــــاااء ][

[الـمـشـاكـسـه]

صح حتى صديزتي صغيرررررره وتزوجت مادري شفيهم

[شذى الزهراء]

معاج ياعفاف بكل كلمة قلتيها ...

اعرف وحدة تصغرني بسنة وحدة بس يعني الحين عمرها 20 تقول عنست والله انصدمت منها طيب اني 21 عنست بعد والا كيف ...؟

بنات الحين بس ابغى اتزوج اشوفهم ياكثر من 20 ونازل طيب اللي فوق 20 يقتلوا حالهم

عندي وحده اعرفها تخلي نفسها مميزة في اعراسهم علشان اني حلوة واستاهل اكون زوجة

لكن جاءها نصيبها وتزوجت وعندها بنوتة الله يوفقها ...

بس بعد الؤم بعض الحريم اللي اولادهم في 25 وفوق ويدوروا اليهم بنات 15 وفوق بسنتين

بعد هذا ظلم للبنات الكبار الوااعيين ..بس الله كريم وهو يفرج الحال ...

عقبال مااسمع عنج عروس ياعفاف بحق هالعيد الشريف وكل عام وانتي بخير ..

عفوا على الاطاله ,,وتسلمي على الطرح الراائع ...

ونسألج الدعاء لاتنسينا عفاف ..

[الملاك]

السلام عليكم 00000

صحيح البنات ما يعرسون الا لين ام الولد شافتهم بعرس او نسيبهااااا شايفهااااااااااا24 سااااااااعه في وجهه 000000000000000

تحيااااااااااااااتي 000000000

[وردة البستان]

صحيح خيتو مادر ويش فيهم بنات الحين مستعجلين على الزواج ومايدروويش هو الزواج وتسلمين على هذا الطرح الحلو

[shosh]

انا عن نفسي اسا اهم اشي عندي
دراستي وبس بعدين لسا عمري 15 سنة
يعني بتتجوز كل صبايا المنتدى وانا لسا قاعدة بالمدرسة عم بدرس خخخ

[عفاف الهدى]

تسلموا ليي يالغاليات

بس ما ني شايفة تفاعل

وين الجماعةوين النقاش

[الفراشه الحائرة]

اهلين خيتو
عفاف
ابغي اناقش بس ويش اقول على العموم اني براي ان البنات الا بالمدرسة الحين ويبغو يتزوجوا لان ما في بالهم شيء اسمة دراسة ومستقبل لا يفكرو الزواج وتكوين الاسرة هو كل المستقبل وشيء اسمة رجل كانة هذا الرجل بيخلق اليهم المعجزات وبيعيشو في نعيم طبعا مو كل الرجال بس نادرا من الا يمتازوا بالمثالية ومعنى الرجولة
صحيح ان البنت في يوم تفكر في الاستقرار ولكن مثل انت شايفة احنا مومثل بلدان برة هم الا يختارو ازواجهم ويدفعوا المهر احنا عاداتنا وتقاليدنا تحتم على الرجل هو الا يختار شريكة حياتة وصاير اغلب الشباب خواتهم او امهاتهم يختارو اليهم ويعتمد بعد على حسب المواصفات الا يختارها
ونادرا ها الايام ما يختار شخص الانسانة الا بيغاها تكون شريكة حياته ويتمسك فيها على فكرة احنا البنات يمكن ما نختلط بكل الناس ونتزاور بكثرة يمكن حتى الاهل ما يشوفونا الا في المناسبات
بس اكيد كل بنت بيجي اليها نصيبها الا مقدر ومكتوب اليها بس الصبر مفتاح الفرج
وعلى قولة المثل كل تاخيرة فيها خيرة والا يحبة ربة بيعطية الشيي الا يستحقة ويستاهلة
لا يقول انا ما اللي نصيب نصيبة محفوظ بين ايدا امينة
جلكم انشاء اللة من السعداء وسدد دروبكم بكل خير
وانشاء اللة اللة يزوج كل عازب وعازبة وبالرفاء والبنين والسعادة لنا ولكم اجمعين
انشاء اللة يعجبك تعليقي خيتو ادري هدرت واجد بس يكون فية فايدة كلامي
تحياااتي

[عفاف الهدى]

اهلا بالفراشة

اني وياش بكل كلمة قلتيها
واشكر تواجدش الحلو

وكلامش الأحلى في صفحتي

[ملاك الورد ..~]

هلووووووو عفاف
مو دايما البنت ترغب في الزواج لهدف الزواج ذاته
بعطي مثل عني
تزوجت بالثانوية بس لاني كان عندي رغبة قوية اني اصير أم
كان ودي في جاهل العب به واحممه وانيمه واكون مسؤلة عنه

مو عيب ان البنت ترغب بالزواج وهي صغيرة
بس السؤال هل هي مؤهلة لهذي المسؤليه
وهذا الشيء يعتمد بالدور الاول على الأم
الي من واجبها تهيئة بنتها لمسؤلية الزواج
صدقيني فيه بنات عمرهم 17 سنة وقادرة انها تشيل عايلة
وبرضو فيه بنات كبار مو قد هالمسؤلية


تعالي نفرض ان فيه بنت بالثانوية وجاها واحد يشتغل وعنده بيت واخلاقه ممتازة ومحافظ على دينه ......بالذمة هذا ليش ترفضه ...اعتقد حرام يضيع من ايدها

فيه بنات في عوائل اهلهم مو مقصرين في حقهم
طلعات وكشتات واسواق بس برضو هذي غريزة في البنت
من وهي صغيرة تحلم يكون عندها بيت واولاد
حتى العابنا واحنا صغار عبارة عن دمى على شكل اطفال
يعني هذي غريزة مالنا يد فيها
مشكورة عفاف على الموضوع