عندما يصبح الانسان شيطانا

[نور الهدى]

سناء : خل اتصل على دهاء من زمان ما شفتها

اتصلت سناء الى صديقتها دهاء , وكانت دهاء اعز صديقة لسناء

سناء: الو

دهاء : هلا ومرحبا , شخبارش يا القاطعه

سناء : اني لو انتين , لو ما اتصل اليش ما تتنزلين تتصلين وتسألين ,

اني الحمد لله بخير , شخبارش انتين

دهاء : بخير الحمد لله اسأل عنش

سناء : سألت عنش العافية , ويش مسوية وين مختفيه

دهاء : ماشي الحال , كاني هني ما اطلع مكان كل في البيت

سناء : حتى انا كل قاعدة في البيت وبس , المهم ابغيش تجيني البيت ابغي اشوفش

من زمان ما قعدنا مع بعض

دهاء : أي والله اشتقت اليش يا النحيسة , شرايش امرش العصر

سناء : أي أي موافقة تعالي , وبسوي شوي تحبينه عشان تمتنين اشوي يا القزمة

دهاء : ههههههههههه اني قزمة يا الدبة , زين اوريش خل اجي اليوم وبشوفين

سناء: خلاص اتفقنا , اليوم العصر اوكي بنطرش , يالله مع السلامه

دهاء : الله يسلمش غناتي

اخذت دهاء تجهز نفسها لطلعة العصر وراحت تاخذ اذن امها

دهاء : اماه , اليوم العصر بروح بيت سناء رفيقتي زين

ام دهاء : سناء الي اجي البيت هني ؟

دهاء : أي له ما عندي الا هي كل تجي والباقي يتغلون بالغصب يرضون يجون

ام دهاء : زين روحي بس لا تتاخرين قبل اذان المغرب انتين هني زين

دهاء : ان شاء الله عاد انتون الله هداكم لازم هالوقت ما يصير اتاخر شوي

ام دهاء : لا ما يصير , ابوش ما يرضى

دهاء : زين زين ما علي احسن من ما ميش

وراحت دهاء تطلب من اخوها يوصلها بيت سناء ووافق بعد ما وعدته انها تكوي له ثيابه

اخت دهاء : دهاء الساعه اربع ونص واخوش يقول اليش بسرعه ترى ما بيوصلش

دهاء : زين قولي اليه دقيقة بس بلبس عباتي وبحط رشة عطر وانا جايه

اخت دهاء : لويش رشة عطر بعد

دهاء : بالله تبني اروح جدية , على الاقل لين دشيت بيتهم يشمون ريحتي احليوه

اخت دهاء : يالله بسرعه خلصي ان شاء الله يمشي عنش ويفشلش وي صديقتش

دهاء: لاااااااااااا بمشي وينه

وركيض دهاء الى برة عشان ما تتاخر على اخوها ويسويها ويمشي عنها

وركبت السيارة دهاء ووصلها بيت سناء

اخو دهاء : يالله قومي نزلي وصلنا , عاد متى بتخلصين

دهاء : اذا بغيت امشي بتصل عليك

اخو دهاء : مو تتاخرين قبل اذان المغرب سمعتين

دهاء : زين اوكي يالله مع السلامه

اخو دهاء : الله يسلمش

نزلت دهاء من السيارة ورحت تدق جرس بيت سناء

فتحت لها سناء الباب وسلمت عليها ودخلتها بيتهم

شالت سناء الغطا الي على وجهها

وفجأة مرة وحدة طلع علي [ اخو سناء ] في وجههم

سناء : هذا ويه فشلتنا وياي ابنية

علي : شدراني انا وياش بنية

سناء : ما تشوف , هي صحي قزمة بس تبين

دهاء : الله يغربلش فشلتيني

سناء وعلي يضحكون على دهاء

[نور الهدى]

دخلت دهاء مع سناء وظلو يسوالفون وياكلون

ورن تلفون دهاء

دهاء : الو

اخو دهاء : الو خلصتين لو بعدش , اكو انا على الباب طلعي

دهاء : يووو جان قلت الي قبل ربع ساعه له

اخو دهاء : لويش بعد قومي انا برة مستعجل بروح

دهاء : زين الحين بجي

سناء : هذا منهو

دهاء هذا اخوي اكو برة يحارسني

سناء : ما قعدتين واجد وحشتيني ما شبعت منش للحين

دهاء : يالله الجايات واجد المرة الجاية عليش الجيه

سناء : ان شاء الله بجي بس انتين اهم شي ما تقطعين

دهاء: ان شاء الله ما في قطيعه , يالله مع السلامه وسلمي على امش خسارة ما شفتها

سناء : الله يسلمش تدرين هالنسوان ما يشبعون من العزية كل في الماتم ,

وانتين بعد سلمي على بيتكم زين

دهاء : ان شاء الله يوصل

وطلعت دهاء وصلتها سناء للباب

وعلي كان منخش ويطالع في دهاء وهي طالعه

علي : سناء هذي منهي الي وياش

سناء : هذي رفيقتي لويش تسأل

علي : حرام السؤال يعني

سناء : لا مو حرام بس اللقافه ما لها داعي

علي : سناء حبيبتي رفيقتش مخطوبة

سناء : لا ويش تبي اخلص قول اعرفك اني اسألتك مو لله

علي : لا بس عجبتني هالبنيه , شرايش تعرفيني عليها

سناء : اول بسألها , ويلي اذا صدق صرتون حبايب

علي : بنصير اذا انتين اقنعتينها

سناء : ولا يهمك كم علي عندي اني

واتفق علي مع سناء انها تعرفه على دهاء

وتعرفت دهاء على علي وكثرة مقابلاتهم والفضل الى سناء

الي كانت توفر لهم الفرص للقاء

كانت دهاء على علاقة بحبيب وقت ما كانت تقابل علي

ولكنها استمرت بالعلاقتين في الوقت نفسه

وعندما طلب حبيب يدها لم ترفض وبالعكس فرحت ووافقت من غير تردد

ولكن عندما علمت سناء وعلي بذالك اعترضا على دهاء

وطلبوا منها الرفض ووعدها علي بزواج

في رأيكم هل ستوافق دهاء على حبيب ام على علي ؟؟؟؟؟