نصايح بلاش للمعاريس

**سهم الناصرة** · 03-25-2005, 04:03 PM

نصائح للي يبي يعرس

أكيد لاحظتوا إن مواضيع الاعراس دايما تركز
على العروس .. على ملابسها
على مكياجها.. على صحتها
على اعصابها و.و.و...

والعريس المسكين .. محد جايب خبره

ماغير ادفع وانت ساكت
لذلك جرى التنويه لما يلي:
تضامناً مع إخواننا المعاريس , المقبلين على الزواج
واللي محد واقف جنبكم , اهدي إليكم هذه النصائح
قبل العرس تأكد انك سويت الأشياء التاليه:
قبل العرس بأسبوعين

حسابك في البنك مغطى(مو تتوهق بكره وتقول ماقلتولي) << نقطه حساسه ادرى
حجز تذاكر السفر لشهر العسل.. لاتقول >> :
حجز الاوتيل في بلد شهر العسل.. لاتقول >> :
(خللي اختيارك رومنسي شوي يعني روح لمكان بعيد ا وياها
(جزيره نائيه)فرصه تضيعها وترجع وحدك كنك ماتدري
او مكان في الجبل والهواء حلو

هديه بسيطة تهديها لعروستك في أول يوم عسل ..
تجهيز كل الحاجيات لبيت الزوجيه ..

قبل العرس بأسبوع

لا تحلق ابد أسبوع كامل عشان يوم العرس تلق :
استلام التذاكر السفر..
استلام تأكيد حجز الاوتيل..
علق ثيابك في بيتك مو تروح طرزان..
ثوب العرس والبشت جاهزين.. :
أدواتك الشخصية كاملة وجاهزة..
فرشاه اسنان.. : emo12: << هذا ان ماكانو اسنانك هيك
ماكينه الحلاقه..
عطوراتك..
ملابسك الخاصه..
نظف وجهك بالبخار قبل أسبوع من العرس
( علشان مايطلع وجهك منفخ في العرس) 8* 17*
حجز موعد عند الحلاق علشان حلاقه ومساج و الخ الخ الخ.
(احجز عندالجزيرة) ياللا يالجزيرة هذي دعايه ببلاش

يوم العرس :

خذ كفايتك من النوم
بعد ماتقوم خذلك دوش دافي وتفرك زين تلاقيك من
العيد للعيد تتسبح .. روق بالك وعقلك
وفكر في افكار حلوه ورايقه عشان ينعكس الروقان على وجهك
(يعني لا تروح العرس وانت مكشر او مرتبك او او او.)
تغدى كويس لا تطيح علينا في العرس وتفشلنا
عشاء مافي !!
لاتحلم انك تاكل في الليل علشان تكون خفيف ياخفيف
(في واحد مشفوح وتعشى قبل العرس وجاله تسمم
من الأعصاب ليلتها
وقضى الليله مابين الحمام والحمام وكانت ليله مايعلم فيها
الا ربنا ولين الحين نضحك عليه بسبتها ).
بخر الثوب والبشت وهدومك اللي بتلبسها كلها
روح موعدك للحلاق وخليه يسويلك حلاقه معتبره ومساج . :
عشان يروح أي ضغط عصبي وريلاكس
(برضه نرشح لك صالون الجزيرة )
البس هدومك وتبخر وتدهن بالعود وبخ من العطور الزينه
وهذه لسته على البيعه بانواع العطور الرجاليه الحلوه:
هافن
هريريرا
كارتييه
شانيل
بوشيرون
س ت ديبون
فلس الرجال مسيكين وهو بعد ماعرس
روح الحين لعرسك بدري مو تحسب نفسك معزوم وتروح متاخر
(يعنني اتغلى)
ارسم الابتسامه الحلوه

لحظة الدخول لقاعة النساء :

سمي بالله
ارسم ابتسامه حلوه :Alien:
وجه عيونك لعروستك اللي قاعده في الكوشه
(هذا اذا سوت فيك حركه نذاله وسبقتك للكوشه
وقعدت على الكرسي قبلك)
اما اذا كنتوا ماشيين سوا:
امسك يدها بشويش مو تضغط عليها كنك خايف وماسك ايد امك 10*
ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك
لما توصل عند الكوشه وقبل لاتقعدون على الكراسي
ارفع الطرحه عن وجهها << يمكن تشوف تحت الطرحه متل هالوجه عادى عادى خد الامر بسعة صدر وبعدين العن والدين اللى خطبها لك خخخخخخخ
الحين اقعد على الكرسي
انتبه لا تقعد على كرسيها
(واحد من الربكه بعد ماقعدت عروسته وهو كان يسلم على خواته وعماته وقام من الربكه قعد على العروس :
وكل الصاله قامت تضحك عليه )
بعد التصوير بيجيبون لكم عصير عشان تشربون
انتبه لاتفشلنا وتشرب العصير لازم تشربها من كاسك وتشربك
من كاسها وياريت تنتبه انك لاتطيح العصير على فستانها ..
واذا لاسمح الله وطيحت العصير على الفستان
اضحك ضحكه هبلاء وقولها طيحي عصير على ثوبي علشان نصير خالصين هههههه. :
وانت قاعد في الكوشه مع العروس
انتبه تستخف دمك وتسالها مين هذيك ومين هاذي :116:
في واحد سال عروسته وهم في الكوشه قال لها مين هذيك اللي لابسه
عدسات زرق وتضحك
(من يومها وزوجته فاقده الثقه فيه)
إذا عيونك ضربت شوط وشافت العدسات وش تسوي ؟؟
عندي لك حل البس نظارات سوود في العرس علشان لاتشوف احد

عند تقطيع الكيكة :

امسك يدها وروحوا للكيكه(يمكن ماتدل مكان الكيكه)
امسك السكينه ويدك فوق يدها على السكينه (كذا الاتيكيت)
وقطعوا الكيكه ..خذ بالشوكه قطعه صغيره مره عشان تأكلها
مو تحط نص الكيكه في الشوكه
وتقولها كلي
ترزز مره ثانيه للتصوير
بس خلاص نادوا الناس للعشاء وكل واحد يروح بيته

قلنا خلاص وش منتظرين؟؟

**سر الوجود** · 03-25-2005, 08:20 PM

هههههههههه

يسلمووووووا على النصايح الطيبة

أخيرا في أحد يعلم الشباب الأتكيت

صدقني الكل رح يذكرك لما يعمل بها ويدعوا لك

ننتظرك جديدك

تحياتي

**الشبح** · 03-26-2005, 03:57 AM

هههههههههههههههههههههههههههههه
مشكووور أخي سهم على هذه النصائح الحلوووووة الله يعطيك العافيه

تحياتي
الشبح

**شمال المشاري** · 03-26-2005, 07:42 AM

نويتو التخربونا هههههههههههههههههههههههههههههههههههههههههههههههههه هههههههههههههه

**سهم الناصرة** · 03-26-2005, 01:34 PM

على بالكم بعد
للحين ماشفتو شي جاينكم بالطريق
الصراحة الشباب فشلونا كل يوم نسمع قصة زواج تقول مسرحية
مشكورين اخواني على الطلة الحلوة

**ghazooi** · 03-26-2005, 02:56 PM

سلام عليكم

سهم جزاكم الله خير
مفيدة بس وينك من زمان انت نسيت شئ مهم ديودرن عشان من العرق بيخيس العروس والمعازيم|302||285|

تحياتى
ghazooi

**سهم الناصرة** · 03-26-2005, 04:10 PM

نهههه والله حلوة منك اخوي راحت عن بالي مشكور على الرد هههههههههه
تحياتي

**دلوعه** · 03-26-2005, 04:57 PM

هههههههههههههههههههههه

مشكور اخوي على موضوعك الجميل (وتعلموا ياشباب من هالنصائح بلا فشايل )

الله يعطيك الف صحه وعافيه

بنتظار جديدك دومااا

دمت بحفظ الاله الجبار

**سهم الناصرة** · 03-26-2005, 06:42 PM

اي والله تعلمو ياشباب فشلتونا مشكورة اخت دلوعة على تعقيبك اللطيف
تحياتي اخاكم سهيم

**ghazooi** · 03-26-2005, 09:50 PM

الحمدلله كثيرا والشكرلله كثيرا

**بحر الشوق** · 03-26-2005, 11:50 PM

ههههههههههههه هونت ما بعرس اجل

**سهم الناصرة** · 03-27-2005, 11:06 AM

هههه اخوي بحر اطبعها في اسبوع العرس حاول تحفظها انا راح اسمع لك ههههههههههه لكن الصراحة فشلتونا من جد يعني
مشكور اخوي بحر على ردك الكريم

**ghazooi** · 03-27-2005, 05:50 PM

سهم انت هل كثر متعقد من نفسك هههه
عزيزي لاتزعل اتغشمر معاك|179|

**سهم الناصرة** · 03-27-2005, 07:35 PM

شدعوة اخوي عادي خد راحتك

الموضوع: نصايح بلاش للمعاريس

أدوات الموضوع

عرض