بسم الله

اللهم صل على محمد وعلى آل محمد

السلام عليكم

توقفنا مع اختي الكبرى وسوف نبداء منها ايضاً

اختي الكبرى: بنت عمك .. بنت فلان
انا: مين هذول
اختي الكبرى: قرايبنا من بعيد .. البنت حلوه بيضاء وناعمة وعيونها واسعة وعسلية .. وباقي لها سنة في جامعة البحرين ويمكن اذا الله اراد تتوظف وتساعدك على مصاريف الحياة .. بس فيها شي يمكن مايعجبك
انا: انا مابيها تساعدني مادياً مثل ماا بيها تساعدني عاطفياً محتاج عطف وحنان يختى بس بعيد عن كل الماديات انا انسان منحوس اريد وحدة تسعدنى وتحن على او بس و لاطولين فى السالفة.. بس ماقلتي لي وشي فيها؟
اختي الكبرى: ملتزمة واجد
انا: وهو المطلوب اليوم يختى الواحد شيدور لة متبرجة اكيد يبحث عن البنت المؤمنة الخلوقة المتعلمة تصلى وتصوم وتعرف حقوق الزوج عليها هدة البنت التى يرغب اكثر الشباب فيها وانا واحد منهم
اخى: لا .. لا .. مافهمتني .. البنية تقراء ولها نشاطات دينية كثيرة وملتزمة اكثر من ان تتصور .. وانت شوف انك ويمكن ماتتأقلم معها.لبنية صاحبة حوزة تفهم يعنى شنو حوزة
انا: بالعكس اذا ملت عن الطريق هي تعدلني وبعدين ويش فيها البنت الحوزوية ها .. كل واحد لبس بنطلون قمتوا تنظرون اله نظرة انه غير ملتزم يعنى انا البس بنطلون يعنى هدى البنت ما تصلح لى ويش هلكلام يختى فكينا الله يخلك ادا البنت موافقة انا ما عليش منى اكيد يوم ورة يوم اكيد بصير حوزوى هههههه

ابي يستمع بدون ان ينطق بكلمة

انا: ويش تنتظري كلميهم يا ختى ولى يصير اصير
اختي: كلم امك تكلم امها لاتنسى انهم يقربون لنا من الطرفين ..
ابي يتدخل
ابي: وانت على طول كلموا
انا: طبعاً بعد موافقتك يا ابى انا لم اخرج عن طاعتك يا ابى لازلت تحت تصرفك وانا احترم وجة نضرك يا ابى والا تقولة على الراس والعين انت تامر او شوف
ابي: شوف يولدي في اشياء مايصير نتكلم فيها بس فلانة لا...
انا: ليش يعني .. وضح
ابي: البيوت اسرار وانا ما اقدر اتكلم الحين فى هدا الموضوع هدا الموضوع امك تعرفة من زمان عنهم


انا: طيب ممكن اعرف السبب يا ابى
ابي يطلب من بقية الاسرة بالانصراف ولما انصرفو تكلم معى وقال
ابي: ياولدي انت فاكر اننا نسيناك
انا: لا الله يخليك الي ولدى واشوف عرسك وعرس اولادك بعد ما فى اب ما يحب اشوف اعيال اعيالة
ابي: انت ماتعرف انا اشقد فرحت لما انك قررت تتزوج
انا: الزواج سنة وانا اريد وحد بلحلال
ابي: مع انك طول هذي السنين وانت ترفض فكرة الزواج ودايم تقول
انا وابي نجتمع في ترديد نفس الجملة سوياً
(ما راح اتزوج الى بعد ان تسدد ديونك ونملك البيت وبعد ان اوفر مبلغ لتحصل زوجتي على العيشة الكريمة)
احلام دهبية
طبعاً الوالد كان مديون بملغ يقارب مائتي الف دينار ومجموع راتبي وراتب لايسد رمق العيش

ابي: تذكر يم قلت الك ان ابي اشوفك متزوج قبل لاا موت ومابقى من العمر بقية يا ولدى
انا: ايوه اتذكر ويومها زعلت علي لما قلت لك ان مافي بنت ترضى بفقير.. واحنا فيها صار لنا اكثر من سنة وحنا ندق بيوت الناس ولا من مجيب .. وانا استغرب من ردك على بنت فلان مع انهم من عائلة فوق مستوى الفقر بقليل وانت تعرف ان هذه العوائل لاترفض عندما يتقدم احد للخطبة. يا يبه وش فيها البنت اختي ما قالت عنها الى كل خير؟
ابي: العيب مش في البنت يا ولدى..
انا: نعم ... اسف يا يبه بس ماوصلت للي تبي تقوله
ابي: العيب في ابوها ولا تسأل اكثر
انا: انت اثرت فضولي اكثر واكثر الله يخليك قولي "ولا تزر وازرة وزر اخرى:
ابي: ....

وش رايكم اكمل بكرة .. نشوفكم على خير

اشوف تعليكم ونتضرونى