·.¸كيف ترفع ضغط المشرفين في المنتدى

[solav]

تبي ترفع ضغط مشرف ولا مشرفه اتبع الطرق الاتيه
بس بشرط انا مالي دخل فيكم طردوكم شاتوكم ذنبكم على جنبكم

واحد - أدخــل اي قسم واكتب أي موضــوع مال امه دخــل في هالقسم >> الموضوع في وادي والمنتدى في وادي,, مثال >> اكتب موضوع رياضي في القسم الإســلامي,,


ويفضــل لو تكتـب عليه (( ارجــوا التثبيـت )) يكون لها طعم احسن ,,
اثنين- خـذ لك موضـوع توه جـديد من أي قسم >>> انسخـه واكتبـه بإسمك مره ثانيه في نفس القسم ،، ويفضــل تكتب عليـه ((( فكــره جديــده )))
<< هنا المشــرف يـدوخ.... مايدري وين المكـرر عشــان يحــذفه >>


ثلاثة- لا تشارك في أي قسم ولا ترد على أحد .. وبعدين أطلب من الإدارة تحطك عضو فعال وكل يوم أرسل تطلب ،، ) إذا ماعطوك وجه ؟؟
<< صدقني اذا ماقالوا لك اقلب وجهك ... اضمن لك بيرقونك إلى (عضـو غثــه ) >>


اربعة- اكتب موضوع في قسم الشكـاوي والإقتراحــات (( الفزعــه ياشباب )) >> طبعـا بيجيك المشرف طاير ،،
واكتب في الموضوع (( واحــد صفــر )) وجمبها صـوره واحــد يضحــك ,,
ّ<<في هـذي اضمــن لك البــوز يجي على خشـتك وانت توك تكتب الموضوع >>


خمسة- شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))
<< خلي العالم تــفهم أنه مسروق>>


ستة- ادخل على أي موضوع مثبت ... وأكتب عليه( للرفع ) ,,
<< في هـذي احسن لك تطلع بشويش بكرامتك قبل ما يمزعونك >>


سبعة- حاول ترد على المواضيع القديــــــمه >> طلع الغبار >> والجديده خلها تنزل .
<< كذا تقلب القسم حقه فوق تحت >>


ثمنية- شوف لك مشرف أو مشرفه وتلزق فيه.........كل يوم إرسله رسائل خاصه تقـول له ،، وش رايك في ذاك الموضــوع... احـس انه ماصــل احذفه تكفى ,, ولا ذاك الموضـوع رهيـب ثبته تكفى ,,
<< هنا المشـرف يكره اليوم اللي خلـوه فيه مشــرف >>


تسعة- دقق في إملاءات المشرفين... ورد عليهم فقط لتصحيح الإملاء ولا تجيب طاري الموضوع,,,


عشرة وهي -عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,
>> هــذي تغنيــك عن كل الوســائل اللي راحــت <<
والله يموتون قهر .
__________________

[شبكة الناصرة]

مكرر

لرفع ضغط مشرفينا الغالييين ..............