بسم الله الرحمن الرحيم

والصلاة والسلام على نبي الرحمة محمد وآله الطيبين الطاهرين

بصراحه هالموضوع حبيت أقوله من خلال المنتدى لأعتقادي بأنه يهم ناااااس وااااايد ويمكن يكونوا مبتليين به بدون ما يدروا ، وهو أعمال السحر .......وخاصة للي بيتزوجوا

لأني شفت الشي قدام عيوني لواحد من الشباب وغير اللي شفته من قبل
بس حبيت أنقل اليكم هالشي اللي شفته قبل فتره بس

والقصد من الموضوع هو للتحذير فقط وليس للتخويف أو تهويل الموضوع أو شيء آخر
والله من وراء القصد

وقصة صديقي بلسانه وكما يرويها هو كالتالي :-

تعرف ان الزواج يكلف في عدة أمور ومن ضمنها فستان الزواج اللي يكلّف مبلغ لا بأس به ، فتم الاتفاق بيننا أنا وزوجتي بأن تستأجر فستان من إحدى قريباتها بمبلغ معين وبالفعل اتفقنا مع القريبه على أن نأخذ الفستان ونجري عليه بعض التعديلات وبعد ذلك نعيده اليها لتلقي عليه نظره وبالفعل أخذنا الفستان وأجرينا التعديلات ووديناه المغسله ورجعناه الى صاحبته وطلبت إنها تخليه وبعد يوم واحد ناخذه وفي اليوم التالي أخذنا الفستان ووديناه بيت المدام ومن هنا بدأت تظهر بعض المشاكل بيني وبين المدام ...........

وإستغربت جداً من هالشيء وسألت المدام ليش تسوي هالشي وما بقى على الزواج الا فترة بسيطه ، فهيه بعد استغربت من نفسها وبدأت تعتذر وان الضغط النفسي عليها يمكن هوه اللي مأثر عليها وعلى أهلها ، المهم بعد فتره وأنا جالس ويا أحد المشايخ سولفت اله عن هالشي فقال لي سؤال غريب :- انته أخذت شي من شخص قريب اليكم ولا دخلت شقتك أحد قريب ولا غريب ؟
فقالت اله أكيد شيخنا العرس لازم يتشارك فيه القريب والبعيد .
فقال الشيخ :- زين أنا با أروح وياك الحين الى شقتك وان شاء الله ما يصير الا كل خير .
وبالفعل رحنا الشقه وجلس الشيخ فيها وبعد فتره سالني :- تعرف عن أحد كان خاطب زوجتك قبلك ؟ وما وافقوا عليه؟
قلت اله :- حسب علمي ان زوجتي تقدموا ليها أربعة أشخاص وما حصل النصيب وياهم .
الشيخ:- منهم أحد قريب؟ فقلت :- ايه ولد عمها وولد خالتها. بس ما أعتقد انهم تأثروا بهالشي
فقال الشيخ:- زين أخذت منهم شي ولا شي ؟
فتذكرت الفستان وبعض الاغراض الأخرى وقلتهم للشيخ فقال لي :- جيب أول شي الفستان ، وبنشوف .

وفي اليوم التالي سألت زوجتي عن الفستان وطلبت منها انها تعطيني أياه . وبعد ممانعه غريبه منها ومن أمها أخذت الفستان ورحت به الى الشيخ وجلس الشيخ يتفحص فيه وأبدى بعض الملاحظات عليه بعد لكنه طلب مني مقص وبالفعل جبت اله مقص وفتح من الفستان قطعه غير ظاهره إطلاقاً وهذا بعد بحث حوالي ساعه .....

.........ويا الله ويش شفنا >>>>>>>> شعر + طلسم مكتوب + خرز + أضافر وحاجات ما أدري ويش هيه .........

الشيخ :- الله ستر عليك يا ولدي من هالعمل
- ويش هالعمل شيخنا
الشيخ :- هذا لخراب لبيوت
- ومن اللي بيسوي هالشي اللي ما يسويه الا الشيطان
الشيخ :- ضعيفين النفوس هم اللي يسووه ، واللي ما عندهم ذرة من الإيمان بالله ولا اعتقاد بأهل البيت عليهم السلام

- ولا ويش ؟؟؟؟؟؟؟
الشيخ :-هذا يا ولدي علشان يفرقوا بينك وبين زوجتك
- بس اللي ماخذين من عندهم الفستان قرايبنا من الجهتين مني ومن زوجتي
الشيخ :- الستر زين يا ولدي ، ويمكن اللي مسويين هالعمل ما ليهم شغل بنسايبكم بس يبغوا يخربوا عليكم ويسووا اليكم مشاكل ليها أوّل ما ليها آخر
....وأمانه يا ولدي هالشي مو لازم ينقال اليهم لا تكبر المشكله ، وهم يمكن حتى اللي سووه ما خبّروا به أحد ولا اللي ليهم علاقه بأمر زوجتك يدروا عنّه وخلي النفوس تجري ، وويش مدريك يا ولدي لو رحت وسويت مشكله يقولوا انه انت اللي مسوي هالشي علشان تتهمنا وتكبر المشكله بس يا ولدي لا تدخل أحد لا غرفة النوم خاصه ولا تخلي زوجتك تلبس حاجه خاصه من عند أحد ثاني علشان تأمن من الشر

- ان شاء الله شيخنا والله ما توقعت اني أي أحد يسوي هالشي

المهم ان الشيخ أتلف العمل الشيطاني والحمد لله تزوج صاحبي ولا صار شي

أنا ما نقلت هالقصه علشان التهويل ولا التخويف زي ما قلت بس :-

ويش اللي بيستفيده اللي يسوي هالشي للناس؟؟
يعني الاستعانه بالشياطين والجن و............ يستوي مع الايمان ؟؟

وهالشي موجود في عموم البلد مو بس في القطيف لوحدها ، وفيه قصص لو تنقال كلن ترست النت بقده .

الله المعين وان شاء الله ما أحد يتورط بأي شي ان شاء الله

خالص التحيات