السلام عليكم ورحمة الله وبركاته
وهذا ما كتبه الشخ نذير المسيري في فاطمة الزهراء عليها السلام
___________________________________
صاحت لروح لقبر ابوية وانتخي به
واخبره ابحالي وبالجرى وهذه المصيبه
بلطمة اعيوني وكسرة اضلوعي غصيبة
وببجي على قبره لحتى روحي اتروح
راح وتركني بذمتك ياداحي الباب
عندك وديعة والعدو يعصرني بالباب
وانت تشوفه ياعلي وتسمع لي اعتاب
ومني سقطوا محسن ومنة فاضت الروح
بيده لطم عيني وعماها ياحامي الجار
وكسر اضلوعي وبالصدر نبت المسمار
ماثرت ليه أولا شهرت سيف لفقار
شنه السبب هالعوقك يمعلم الروح
وتالي اطلعت يامرتضى خلفك انادي
تجري ادموعي ياعلي وخلفي اولادي
وناديتهم خلو وصي أحمد الهادي
بعدك يبو الحسنين قلي وين اناروح
ضلو يحيدر بالسياط يألموني
ومن كثر ضرب السوط ترى ورمت امتوني
مارعوا حقي ياعلي واستهضموني
بعد النبي الهادي لقضي العمر بالنوح
قلها الوصي المغضوب ياست النساوين
صبري على ضيم الجرى يم حسن وحسين
تدرين انا الكرار فارس بدر وحنين
شبيدي يازهراء وهالجرى مكتوب باللوح
شبيدي يازهراء وبالذي جرى علينا
من كسرة أضلوعج وحقي الغاصبينه
يم الحسن ماقصروا العدوان بينا
بعد النبي ياليت روحي كانت اتروح
تحياتي
أمير العاشقين
رد مع اقتباس
المفضلات