[align=center]مثل ما عودتكم كتابات الناظم نذير المسيري
___________________________
أم البنين اتصيح وتصفق راح براح
تنادي يزينب وين شملج والخدر راح
وين الضياغم ضنوة الكرار حيدر
فارس بدر وحنين وقاتل كفر خيبر
وين النشامة جاسم وعباس وأكبر
وين الشفية حسين عزج وينه راح
يم الخدر وين الخدر قولي وجاوبيني
نادت ييمة دسكتي ولاتشعبيني
ولا تذكري خدري ييمة ادوبيني
راح الخدر عني وعمد صيوانه طاح
صاحت بنشدج عن أولادي ياحزينة
في وين عفتيهم يزينب يامصونة
قالت بقوا صرعى على الغبرى رهينة
وانا خذوني مسلبة ومني الخدر راح
راح الخدر عني وراحت لحباب
وضليت وحدي حايرة ومني القلب ذاب
وجسمي انتحل يم البنين ومفرقي شاب
يوم نظرت حسين وراسه على الرمح لاح
راحوا اولادج بالطفوف بنصرة الدين
وفدوة إلى حسين الشفية والنساوين
كلهم فنوا أعمارهم يا أم البنين
وبلا ولي ضليت اصفق راح ابراح
تحياتي
أمير العاشقين[/align]
رد مع اقتباس
المفضلات