ألف شكر لك اخوي عاشق الحوراء

تسلم يمناك على طرح الموضوع الذي يحكي الواقع المرير

للأسف الشديد هذا هو حال بنات المجتمع ( طبعاً مو الكل بس تقريباً نقدر نقول الغالبية)

انا اقول كل هالفساد اساسه البنت لان الصبي ممكن يتحرش بالبنت

بس لو البنت صانت نفسها ما راح احد يقدر يتحرش فيها ولو تحرش فيها ما تعطيه اي اهتمام ولا يأثر فيها

عشان جذي يقولون الولد لما يفسد يفسد لحاله لكن البنت لما تفسد يفسد المجتمع كله

بقول لكم سالفه صارت معي يوم الثلاثاء .. طبعاً تتعلق بالموضوع المهم

كان فى محاظرة لنا وطبعاً المحاضر رجل ويا زعم البنات متحجبات

بس لما حضروا المحاضرة ما لبسوا الحجاب .. لما سألت وحدة منهم

مو انتي متحجبة؟؟ الا تقول اي .. اقول لها ووين الحجاب الحين؟؟

الا تقول ما ادري ان المحاظر رجال .. بالرغم ان العذر اقبح من ذنب والكل يدري ان المحاظر رجال

بس قلت لها انزين وجيتي شفتي في رجال ما تقدري ترجعي الصف تلبسي حجابج وتردي؟؟

الا تقول ما ابي ارد وعادي وانا الا بيصير عليي الذنب لو انتي وانا الا بروح النار لو انتي ..

هذه المشكله ان ما تقدر تحاول حتى تنصح .. لانك لو نصحت بتصير ملعون عندهم ..

وطبعاً الاهل يشوفون بناتهم ويدرون وما يقولون شي .. ايش قالت بنتي صغيرة ..

الحين بنت عمرها 18 سنه يعني قادرة على تكوين اسرة .. والام تقول بنتي صغيرة ..

ما نقول الا الله يهدينا ويهدي الجميع ان شاء الله

دمتم بحفظ الواحد الاحد

تحياتي
دمعه حزن