بسم الله الرحمن الرحيم
اللهم صل على محمد وآل محمد الطيبين الطاهرين

الرطوبة طبت علينا طبه ........إستوينا........الواحد يالله يالله يتنفس

بس ويش رايكم تتكلموا عن الرطوبة من ناحية السلبيات والإيجابيات

وأنا أول واحد با أتكلم عنها


السلبيات .....

- خيااااااااااس في خيااااااااس ....بعض الناس ما يحسوا بشي إسمه عرق ...يعني تلاقيه معررررررق من قلب ويقوم بدل ما يبدل فيابه ...يرش عليه ذاك العطر .....يقلب خيااااااااس مرررررره .
- البنقالية تلاقيهم وقت المغرب ...ونزول الرطوبة العدله يقولب في الدرامات ....وتشتم ذيك الروايح الدبل مكس .....حاشاكم ...خمام ....ريحة بنقالي ....بلاوي متلتله .
- أسعار المكيافات تروح في العلالي .....والصيانة تتدبل مليووووون مرررره .......ومن تروح لأبو بكستن حق يعبي لك فريون ...على طول يقول لك ...صديق هذا أسعار فوق ...فريون زيادة خمسين ريال حق هذا علبه ...أنته يبغى سوي مكيف ولا ما يبغى ....وانت يالفقير المسكين من هالرطوبة توافق وتشوف بعدين انك لو شاري مكيف جديد أحسن لك
وبعد سلبيات وااااايد تلاقيها أترك ليكم المجال لذكرها

الإيجابيات ......
- الله على الرطب والليمون واللوز ....لو ما فيه رطوبه ما أكلنا من هالنعايم الطيبه ....الله يزيدها ويخليها لينا يااااااارب
-الشباب الله يهديهم تقل طلعتهم شوي في هالرطوبة ، ولا يخلوا أهاليهم يتهوسوا عليهم
- البنقالية ما يطلعوا في ظهر النهار ولا تشوف رقعة ويههم ....
-تحس ان الماي باااااارد وهوه بس فاااااااتر ....ما يحاج تبريد واااااايد

حاجات وااااايد بعد ....أتمنى تشاركونا بها .


وأنا بصراحه إعتكاف في البيت من هالرطوبة
ما فيه طلعة الا بالسياره

خالص التحيات
فمان الله