تعودنا
مو شرط ان الموضوع الي قريته وعجبك يعجب غيرك

مثلا لي في المنتدى الاسلامي مواضيع اكون قريتها من كتاب او موقع وعجبني وحبيت الكل هني يشاركني قرأته ويستفيد منه لكن ما اشوف ولا رد واحد حتى عليه لكن المشاهدات كثيرة


اول ما شاركت بالمنتدى كان يجيني احباط لكن الحين عادي , لاني حطيت في بالي انه حاطته للاستفادة يمكن الاعضاء ما استفادو لكن الزوار استفادو

وبعد يمكن الاعضاء ما كان له مزاج يرد وقت ما قرأ الموضوع فهو مو مجبور يرد اصلا , فكل واحد حر


بس احب اوضح نقطه , اننا احنا هني كلنا اسرة واحدة والمفروض نقف مع بعض ونوجه بعض ونبين نقاط الغلط لبعض ونشجع ونواسي ونفرح مع الكل وما نفرق بين عضو عن عضو , وما نسرع ونزعل ونطنش ونطلع لمجرد حدوث مجادله بينا وبين عضو اخر , فالاخوان مهما يتزاعلون يرجعون لبعض او لان حطينا موضوع او موضوعين ان شاء الله خمسة مواضيع وما احد رد عليه نقوم نشيل قشنا ونطلع


ونقطة ثانية هي انه تبغي الاعضاء يتفاعلون وياك , هم انت نفس الشي تفاعل معاهم واثبات نفسك في المنتدى مو بس بوضع المواضيع , احيانا يكون ردك على موضوع افضل من الموضوع نفسه


الحياة ماشية جديه حبة فوق وحبة تحت