منصور سواق الباص وماذا يفعل مع البنات ؟؟

**ريـــم الفلاااا** · 09-13-2006, 08:51 PM

منصور سواق الباص وماذا يفعل مع البنات ؟؟

--------------------------------------------------------------------------------

منصور سواق الباص..
شاب باكستاني أسمرشعره ناعم وطويل..
كل يوم يودي البنات ويجيبهم من الجامعه..
يحب الأغاني الهندية..
يحط المسجل على أعلى صوت..
يصفق ويهز قبل ما يمر شكرية..
ما يوطي صوت المسجل إلا إذا مر على شكرية..
بنت ملتزمه شكرية..
البنات ما يحبوا شكرية..
لأنها تكتِم عليهم ولا تخليهم يغنون مع منصور أغانيه الهندية
....................................
البنات يسولفوا في الباص ويضحكوا بصوت عالي شوية..
كل وحده منهم معاها جوال وسماعة إذن إلا المسكينة شُكرية..
فاتن في يدها الجوال وتصيح من آخر الباص وتقول:
إرسليلي رسالة حلوة يا صفية..
صفية ترد وتقول:
أبشري بس تراها وسخه شوية..
عبير وبدرية جنب بعض ..
بدرية توشوش عبير وتقول:
لو منصور يقشر يطلع ميه الميه..
قمر..
بنت ماصخه وأمها هندية..
تجيب الأشرطة لمنصور وتقعد ترقص في غياب شكرية
وحده من البنات إسمها حورية..
كانت مع نفس الباص إللي رقمه ألف وميه..
كانت من البنات إللي يكشفون على السواق لأنو من دوله أجنبية..
ومافي مانع يقفلون الستاير..ويشوفهم منصور لأنو ما يفكر في أذيّه!
المهم..
منصور كان مُعجب وطايح عند حورية..
صار يوصلها أخر وحده وهي ما تمانع عن حُسن نيه..
أخينا منصور صار يضبط المرايا على حورية؟؟
ما لاحظت حورية..
وصارت تعطيه وجه وتتكلم معاه عادي وبكل حُريه..
..............................................
في يوم من الأيام..
راح منصور للمكتبة..
واشترى كرت من كروت الحب كهدية..
حطه في ظرف واهداه لحورية؟؟!!
حورية بهباله أخذت الظرف وسألته:
وش بوسطه يا منصور حاط ليّه؟؟؟؟؟
قال منصور:
بوسطه فاتورة لقلب مال أنا ..خُذيه وبكرة أعطيني رأيك فيّا؟؟؟؟؟؟؟
جاء منصور اليوم الثاني متعطر ومحلق ولابس كوفيّه..
...............................................
جا منصور اليوم الثاني..
دق الجرس على حورية..
وعلى غير عادة ما ردت البنت الجامعية..
مشي منصور وراح يمر البقية..
منهم عبير وصفية..
عبير استغربت وسألت منصور وين حورية؟؟
قال:
ماردت..امكن مسكينة قاعدة طول الليل تفكر فيّة..
قالت صفية:
أما هذي يا منصور والله قويّة..
..............................................
البنات قاعدين يسولفون مع منصور بكل حرية..
وحط لهم شريط قبل ما يمر شكرية..
وصّل البنات للكلية..
ورجع ياخذهم في الظهرية..
في موقف الباصات..
جا واحد يسأل:
فين منصور سواق الباص رقم الف ومية؟؟
نقز منصور وقال:
أنا سواق الباص..
خير انت ايس يبغى فيّة؟
الرجال صفع منصور كف طيرله الكوفية..
ورد منصور ليه انت يسوي كذا فيّة؟؟؟
أعطاه كف ثاني وضربة راس..وقام مع منصور حمية..
نواز وعبدالغفار تعاونوا مع منصور على زوج حورية!!!
ضربوه وأوجعوه ..
قهر الرجال أعمى زوج حورية؟
راح يجري لسيارته..
أخذ مفتاح العجل..
ضرب منصور على راسه ضربة قوية..
طاح منصور..
والدم يسيل تحت كفر الباص 1100..
نقلوه للمستشفى..
وهناك مات منصور بسبب كرت حورية؟؟؟
أماالزوج..
الحين مسجون.. ينتظر الإعدام بسبب إستهتار حورية!!
.................................................. ......
هذي قصة منصور بنهايتها التراجيدية..
بس باقي نعرف وش اللي صار مع حورية؟؟
وليه ما ردت على الجرس وما راحت الكلية؟؟؟؟؟
ياترى قالت لزوجها عن الكرت أو إيش اللي صار في الفجرية؟؟؟
حورية بعد ما أعطاها منصور الكرت..
طلعت البيت وقراته وما أخذت الأمر بجدية!!
تغدت مع زوجها وارتاحوا بعد الظهر شوية..
طبعا الكرت الحين في شنطتها اليدوية..
كان مقصدها ترجعه لمنصور.. مع كلمتين تهزيئية؟
العادة زوجها يحط مفتاح البيت في شنطتها وهو رايح العمل بعد الفجرية....
تنبه لصورة قلب على كرت مكتوب عليه( من منصور مع التحية)
الرجال غِلي راسه..وراح لزوجته معمي ما يدري وش القضية؟؟
صحاها من نومها بعصبية..
سألها عن الكرت وتلعثمت حورية؟؟
ضربها..
وقال الحمدالله لسه ما جاني منك ولد أو بنيّه..
روحي وانتي بالثلاث طالق..ياحوريّة..
إنهارت حورية..
وصارت تصيح بحالة هستيرية..
الله لا يعيدك يا منصور انت والباص ألف وميّة
وسلامتكم

**أمير العاشقين** · 09-13-2006, 09:55 PM

ههههههههههه ..

انا الي يضحكني كل يه ويايه ..

ههههه ..

يسلموا على القصه العالميه ..

هههه جبتها هههه ..

مشكورة خيتوو ..

عساش على القوة يارب ..

**شمعه تحترق** · 09-13-2006, 11:02 PM

مشكله واقعيه حبكت بطريقه شعريه

تتخللها بعض الكلمات الكوميديه

أتمنى أن يقرأها الجميع ويأخذو منها العظه والعبره

ويعرفو ان الاستهتار نهايته دمار

يسلموو ياريم الفلا وترى لك وحشه خيه

عن جد من زمان ماتباني بالمنتدى عسى ماشر..

موفقه يارب

**عبير الزهراء** · 09-14-2006, 01:29 AM

تسلمين اختي ريم على القصة الحلوة
وفقكم الله

**بيسان** · 09-14-2006, 02:00 AM

هههههههههههههه

والله روووووووعه

يسلموو حبيبتي

والله يعطكك العااااااااافيه

بس بجد روووعه

**زمان** · 09-14-2006, 02:45 AM

مشكورة اخت ريم على القصة....او هذا الشي حاصل عندنا يكثرة في البلد ياما نسمع قصص البنات و السواقين..

والله يستر على الجميع

**أمل الظهور** · 09-14-2006, 05:11 AM

ههههههه ههههههيه

قصه حلوة يالريميه

ومنصور خرب بيت حوريه

لأنها ابدا ابدا مو مستحيه

قصه مضحكه ومفيده هي

تصلح تستوي مسرحيه

بس فيها نقصان شويه

علشان تصير واجد حلويه

ايش سوت مرت منصور الهنديه

يوم في معلوم انه زوج هي

في موت في السعوديه

بسبب بنات هذي كلية

مشكوره حبيبتي ريم الفلا على القصة أن شاء الله تكون مثابة تنبيه للبنات المستهترات

ربي لا يحرمنا منك يارب

عذريني على الاطاله

أختـك