السلام عليكم ورحمة الله وبركاته

هذه الموقف صار لي بالمدرسه .. وتفشلت فيه قدام المعلمه

كان علينا حصه انجلينزي وجت المعلمة وسكرت الستاير وبندت المصابيح

الا احنا نقول لها ليش معلمة ؟؟ البنات يمزحون يقولون لها تبينا انام؟؟

الا تقول لنا عندي معاكم سالفه اسكتوا واسمعوا .. نقول لها شنو ؟ تقول صبروا

الا تقول صراحة انا للحين مو مصدقه الموضوع وهو بالجريده قرأته بس ما ادري مو مصدقه ابي اسألكم

واحنا على اعصابنا نقول لها معلمة قولي شصاير؟؟ الا تقول انتوا صبروا وطبعا المعلمة وجهها مبين عليه انها خايفه

انزين الا تقول كاتبين بالجريده ان فى بداية السنه اجت طالبة جديد المدرسه

وهذه الطالبة متفوقه بدراستها فقامت المعلمة وحطتها جنب طالبة ضعيفه على اساس تقويها

وقامت تدرسها وقالت لها اذا تبين بعد تعالي لي البيت بدرسج وقامت تروح يوميا لها

يعني طول اليوم تقضيه معاها .. وجت امتحانات المنتصف الا يشوفون الطالبة المتفوقه ما تجي

سألوا الطالبة الضعيفه قالت ما ادري عنها .. وطبعا احنا كلنا بالصف جامدين ومنفعلين وي المعلمة

انزين بعدين راحوا المعلمات للمشرفه وخبروها ان الطالبه صار لها كم يوم من بدئ الامتحانات ما تحضر

فأخذت اسمها الا تقول انا هذه الاسم مو غريب عليي اعرفه .. فقامت تدور وتبحث بالسجلات عن هالطالبة

واتصلوا لها بيتهم مقطوع .. بعدين المشرفه يوم بحثت اكتشفت ان هالطالبة كانت قبل 5 سنوات كانت موجودة بالمدرسه

وصادها حادث هي واهلها وكلهم ماتوا .. فقالت للمعلمات فقالت لهم الطالبه الضعيفه ما يصير انا يوميا اروح لها بيتهم

فاتفقوا معلمتين مع الطالبه ان العصر يروحون بيت هالبنيه.. وطبعا البنية بعد ما عرفت انها ميته كانت مايته من الخوف

فراحت ودقت الجرس وفتحت لها الباب وقعدت تطالع شافت ان المنظر كل يوم يتكرر نفسه ما فيه شي يتغير

يعني الابو هذه قعدته يوميا يقرأ الجريده والام يوميا قاعده على الكرسي وتخيط والاخوان يوميا يلعبون

يعني المشهد نفسه ينعاد يوميا ..فخافت البنيه اكثر الا تقول لها المتوفقه ما بتدخلي بتظلي على الباب

الا تقول لها بلى بدخل .. ودخلت وهي تطالعها الا تقول لها اشفيج تطالعيني فيني شي؟؟

الا تقول لها لا بس بسألج سؤال الا تقول لها اتفضلي

الا تقول لها مو انتي مايته

الا هي تقول لها ايييي وطبعا المعلمة لحظتها كانت تمثل لنا المشهد وكانها بتجي لنا واحنا منفعلين بالقصه وكل الصف من الخووووف قعد يصارخ وبصراحة انا قعدت اصيح ..

وطلعت السالفه كلها هرار بس خرعتنا المعلمة ظليت طول الوقت قلبي يرقع وحالتي حاله

وتفشلت لان المعلمه والبنات كلهم يطالعوني .. انا نزلت رأسي بس بعد فشله

هههههههههههههههههههههههههههههههههههه

اسفه على الاطاله