والله خيتي ذكرتيني بموقف مشابه له في المقبره

قبل كم سنه دفنا إمرأة وجاء ابنها الصغير
الى المقبره في يوم ثاني وهو يسأل

لين عرف قبرها وقعد جنب القبر

- يمه البارحه ما قلتي لي تصبح على خير
يمه أمس وأنا في المدرسه عطوني هديه لا ويه ما جيتي شفتيها
يمه لامتى بتقعدي هنيه ، وبتخلّي .........تضربني
أماااااه شوفي يدي ويش خلاني ألبس أمس ، ولا رضيت أختي .......تسبحني
داكوه حطيت الشامبو والصابونه والليفه في الحمام ، تعالي الليله وسبحيني


خلانا كلنا اللي في المقبره ذيك الحزه نوقف عن عمل أي شي وكل واحد قام يصيح
في جهه


تسلمي خيتي لحن الخلود