[poem font="Simplified Arabic,5,black,bold,normal" bkcolor="transparent" bkimage="http://www.bo7or.com/photo/data/media/3/9.jpg" border="double,7,indigo" type=0 line=0 align=center use=ex num="0,black"]
قضيت أيام وأنا أجهز هدايا العيد وكنت أحتار = شقدم لك.. وانت اللي لأجلك راخصه عمري
ولما رست أفكاري بسبحه وأدعيه وأذكار = ومعاها لك هديه ياعيوني خصله .. من شعري
وزجاجة عطر ولو إن العطر من نسمتك يغار = شسوي كنت محتاره وش اهدي كنت ما أدري
وغلاف وردي لجوالك وأناكم قلت لك أمرار = ترى الوردي إهولوني وأحبه إكثير من صغري
وبطاقة حب ياكل الحب عليهاقلوب مع أزهار= كتبت أجمل عبارات الموده الساكنه بصدري
ونطرت العيد..متى يجي العيدوجاناالعيدبس اش صار= تخاصمناوتباعدناوأحسك ناوي بهجري
تقول انتي أهملتيني وش اللي (غيرج) محتار = وأنا مشغوله ياعمري بهدايا العيد لوتدري
وظروفك عارفه صعبه وصرت أقلب الأفكار = هداني فكري أتأخر ولا أقدمها من بدري
بغيت أجنبك إحراج ومهما قلت من أعذار = تسامحني ترى ببعدك أحس الموت بي يسري
أناما أقصدأتغلى.. وتدري فرقتك لي نار = غيابك أثر بروحي .. وقريب تشوفني بقبري[/poem]
رد مع اقتباس
المفضلات