مآإْرٍإْيكــم بخرٍوٍوٍوٍج إْلبنآ‘ت مع صديقــآ‘تهــن للآمآ‘كــن العآ‘م ـه..؟‏

[اريام الدلوعة]

بسم اللة الرحمن الرحيم"

السلام عليكم ورحمة اللة وبركاته


كل عائلة تختلف عن الأخرى ولكل منهم عادات مختلفة ولكل عائلة رأي مختلف

ان هناك الكثير من الفتيات يخرجن مع صديقاتهن الى الأماكن العامة...واماكن مختلفة فهناك بعض

الاهالى يسمحن لهم بالخروج...وذلك لشدة ثقتهم في بناتهم والبعض الآخر...لا يسمحون لهم..حرصأ

وخوفآ عليهم من اي شئ

وهنا نبدأ بالتساؤلات

أخي الغالي

هل ترضى لأختك الخروج مع صديقاتها ؟؟ولماذا؟؟

مارأيك في منظر الفتيات في الاماكن العامة(يعني مجموعة بنات)؟؟؟

أختي الغالية

مارأيك في الخروج مع صديقاتك والخروج مع أهلك؟!

هل تحسين بأمان مع صديقاتك ؟؟ولماذا ؟؟

وأتمني من الجميع المشاركة

تحياتي لكم
اريام

[أسرار الليل]

مارأيك في الخروج مع صديقاتك والخروج مع أهلك؟!
إذا كان قصدك وين احسن فـشئ طبيعي إن الأهل احسن
هل تحسين بأمان مع صديقاتك ؟؟ولماذا ؟؟
مو دائما وعلى حسب الصديقه إذا كنت واثقه منها اكيد بحس بالأمان بس بالطبع مو مثل ما اطلع مع اهلي ...
تسلمي حبيبتي على الطرح
يعيطك العاافيه
موفقه

[دنيا الأحلام]

اني بصراحة ماحب اطلع مع صديقاتي حتى بيوتهم بالغصب
اروح ليهم فما بالك اطلع معاهم واروح واجي مستحيل
ومو عن ماحس بالأمان معاهم بالعكس مافي احسن منهم ومن اخلاقهم بس اني تعودت كذا
من صغري
ريومه يعطيكِ الف عافية خيتو
يسلمووووووووووووووووووو

[سجينة الآهات]

تسلمي ريومة على طرحك لمثل هالموضوع
أطلع لصديقاتي أروح لهم بيوتهم ما في أي مشكلة طبعا بعد موافقة أمي
أما أنه نطلع لأماكن عامة فنعتبر بعدنا صغار وأهالينا أصلا ما بيرضوا علينا وحنا في مثل ها السن
وطبعا مافي أحلى من طلعة الأهل وجمعتهم وصديقاتي لو ما بحس معاهم بالأمان كان أصلا ما رضيت فيهم كصديقات /// وجهة نظر

أما لو كبرنا عادي عندي أنه أطلع مع صديقاتي اللي أمي طبعا تعرفهم ونروح مثلا كورنيش أو مجمع
... تقبلي مروري
سجينة الآهات

[حزن العمر]

مارأيك في الخروج مع صديقاتك والخروج مع أهلك؟!
أكيد الخروج مع الأهل أأمن لي كثيرا
هل تحسين بأمان مع صديقاتك ؟؟ولماذا ؟؟
ايه أكيد أحس بقدر من الأمان لأنهم صديقاتي
ومثل تصرفاتي وأخلاقي وماعندهم حركات
وثانيا يعتمد على المكان الا انروح له والوقت
أيضا يعني هناك ضوابط المفترض الأهل
يوضعونها ...
(( رأيي من حق البنت تطلع وتغير جو
مو بس مع أهلها حتى مع صديقاتها بشرط
الالتزام بالمكان المراد الذهاب له والوقت )) ..

تحيتي
حزن العمر

[نور الهدى]

مع انها تطلع مع صديقاتها لكن تحت ضوابط وشروط


لكن تطلع مثل الي صاير عندنا اهني في البحرين انها تروح معاهم السينما او مطاعم ويقعدون في قدام العالم والناس وضحك وما ادري ويش لا

ما اعتقد انها حلوة ولا حتى الناس بتنظر اليهم بطريقة حلوة

هذا الي اشوفه من البنات الحين

بس ما اعمم على الكل لان في بنات محترمين , بس الباب الي يجي منه الريح سده وستريح

[سيناريو]

لاأحبذ خروج الفتاة مع مثيلاتها للأماكن العامة أبداً
خصوصاً في مرحلة المراهقة هذه المرحلة الحرجة
لأن الدنيا ليس لها أمان
افترض جرى لهم ماجرى .... من هو المحاسب سوى الأسرة التي سمحت لها بالخروج

والذي نلمحه من خروجهم مع بعضهم تنافسهم في الضحك وصرف المال أكثر و....
قد تكون له عواقب ...من الأفضل تجنبها

بالنسبة لي لاأخرج مع صديقاتي
أجد الخروج مع أهلي أكثر أماناً

أشكرك على الطرح
وفقك الله

[لحن الخلود]

مشكورة اختي اريام على الموضوع

مارأيك في الخروج مع صديقاتك والخروج مع أهلك؟!
مع صديقاتي ما احب الفكرة اساسا ولا حتى ارحب فيها
مع اهلي عادي ويكون احسن
هل تحسين بأمان مع صديقاتك ؟؟ولماذا ؟؟

احس بأمان ولاحتى صفر بالمية ليش ما احب الفكرة مني انا مو لان اهلي كذا وكذا لا والله اهلي عادي ويرحبوا بالفكرة بس ابو طبيع ما يجوز عن طبعه تجيني البيت اروح الها عادي بس اطلع واروح وياها من سابع المستحيلات
وتسلمين على الطرح الحلو

[أمير العاشقين]

السلام عليكم ورحمة الله وبركاته
انا راح اجاوب وكل واحد له راي

هل ترضى لأختك الخروج مع صديقاتها ؟؟ولماذا؟؟
تخرج مع صديقتها بوحدهم لا بتروح سوق ماعليه وياها احد ماعليه اما لحاله في مكان عام شوي مشكله لماذا انجي لماذا الحين البنت ويا اهله وماهم شاذين من الي في الشوارع كيف لو كانو بنات لحالهم
من بكون وياهم ها الواحد مع اخته ما يقدر من صبيان اخر زمن
كيف بنتين يتمشوا لحالهم

عطيني الجواب لاتقولوا مو متحضر خلينا نتكلم بالواقع

مارأيك في منظر الفتيات في الاماكن العامة(يعني مجموعة بنات)؟؟؟
بصراحه ولاحد يزعل مني والي بيزعل له مني العذر
سخاااااافه وبشده تدرون ليش لانه لفت نظر
يعني اذا مروا شلة شباب وشافوا هالبنات واقفين شنو راح يقولوا

صحيح ما علي من احذ لاكن السمعه راح اضيع

اقل ما راح يقولوا فلانه في مكان تغازل واقفه مع فلانه وعلانه يستنوا يركبهم احد

هذا اقل ما راح يقولوا وكل واحد له وجهة نظر ولاحد يزعل

البنت بتطلع تطلع بس تكون مع صديقتها في البيت افضل
يعني ويش فايدة مو لو تكون في بيت صديقتها لو في بيتها مو افضل

وييش راح تستفيد من الاماكن العامه
راح تجيب لنفسها الشبه والكلام الفاضي الي ماله داعي

والله لاحد يقول متشدد ولا شي
لان بصراحه الواحد مع اهله وما يقدر كيف بدون اهله

انت ويا اختك وامك ومو سالم من المغازلجيه
كيف تخلياختك مع صديقتها بروحهم تتوقع بيسلموا

مو مساله ثقه ولا شي الثقه موجوده بس انت وياكم مو سالمين لحالهم تتوقع بيسلموا

الله المعين والله يستر على كل مؤمن ومؤمنه

واسف على الخشونه

تحياتي
أمير العاشقين

[اريام الدلوعة]

مشكورين اعضاء المنتدى
والصراحة اعجبتني الاجابة والمشاركات الرايعة
صحيح ان خروج البنت مع الاهل احسن وامان
احسن من الخروج مع الصديقات
مثل ما قلت الاخت نور الهدى الباب الي يجي منه الريح سده وستريح
وابعد عن الشر وغني اليه

ويعطيكم العافية والله لا يحرمنا منكم

[حكاية حب]

فكرة الطرح حلوو جداً
مارأيك في الخروج مع صديقاتك والخروج مع أهلك؟!
مع أهلي أحلى وحتى مع صااحباتي حلو
بس بنسبه ليي مع أهلي أحلى بكثير
هل تحسين بأمان مع صديقاتك ؟؟ ولماذا ؟؟
إي أحس بالأماان لأنهم مو بس صااحباتي حنا خواات تقريباً
يعني نروح نسمع مواليد وفايات وأعراس إذا كانت في
منطقتنا نروح مع بعض ايام النااصفه مع بعض
ساعات السوق المتجوله زي يوم الاحد الاربعاء نروح مع بعض
هذه ايزي
بس مجمعات ولا كورنيش إني أساساً مااحب
وأهلي هم مرح يواففون نطلع طلعات كذا زي الكورنيش ولا المجمعات
وجهة نظر ^ـ^

[حزن العمر]

بصراحة بعض الردود جاني فضول اعلق عليها
يعني البنت لو طلعت مع صديقاتها يتمشون اشوي
تحط على نفسها الشبهات ماهو صحيح ابداااا هالكلام وفي كثير
من بناااااااااات البحرين ايه عندهم شي عادي سهر
بالمطاعم والسينمات والمجمعات لكن مو كلهم
اني اعرف بنات وايد من صديقاتي اهلهم مايطلعونهم
والحاة النفسية صفر اني بصراحة امر اطلع وياهم
انغير جو الحياة مو بس الاهل الحياة اصدقاء ايضا
ادا بنروح نشتري لينا اسكريم او وجبة او بنطلع السوبر
ماركت نشتري اغراض بنحط على أنفسنا
شبهة عجل على هالحاله انموت في بيوتنا او
انعرس غصب عشان نطلع قهر والله تفكير الناس الأول
يتحججوا على سياقة البنات ويوم سقنا واخذنا السيارة
قعدوا يطلعوا علينا كلام واتخلصنا من السياقة وطلعنا
بموضوع ثاني من قال اصلا طلعت البنات تحضر محد قال تحضر
بس بنفس الوقت الطلعة لها ضوابط واماكن مسموحة واماكن
غير مسموحة ،، يعني راح يقنعوني بعض الفتيات انهم مايطلعون
ابدااااااااا والله ساعات الكلام في المنتديات شي والفعل شي آخر ،
وبصراحة واجد يحطون على بنات البحرين وااااجد شفيهم بنات البحرين
بعد مجتمعهم غير المجتمع السعودي الله خلقهم بتحرر أكثر من
بنات السعودية وثانيا بدون زعل شباب البحرين على الأقل
أهون من شباب السعودية في لمغازل مو مزهوقين ادا شافوا
بنات .. متعودين ان البنات يسوقون ويطلعون والا يبي لمغازل
يعرف شلون يغازل سواء بنت او شاب .. بكل صراحة
اني ماارضى هالظلم يقع على الفئة المحترمة من بنات البحرين
حتى ادا قلتوا ان فيها فئة معينة لكن يبقى تشويه السمعة ان
في من بنات البحرين فيهم هالشيء والله حاله ماادري بكره
وش بيطلع كلام عليهم بعد وكل بلد فيها الزين وفيها الشين
ملاحظة سابقا كانت سياقة المراة بالبحرين بالنسبة لسعودين
يسىء إلى السمعة ووومن هالكلام والحين بنات السعودية
سمحوا لهم بالسياقة وكثير منهم يتمنوا السياقة .. المسالة
كانت وقت فقط بالنسبة لهم وصاروا مثلنا يسوقوا فماادري
ليش كان الكلام يطلع على بنات البحرين ... ثانيا بما انني
اتكلم عن فئة من الفتيات البحرينيات الا نطلع وانقود السيارة
فحبيت اقول ان احنا ملتزمات بالعباءة الزينبية ونظهر ونشارك
بالمجتمع بكثر مانقدر ومانسمي هذا تحرر ولا حتى انفتاح ولكن نعطي
من حياتنا جزء من الراحة مع الأصدقاء ..

تحيتي
حزن العمر

[اريام الدلوعة]

مشكورين على الزيارة والردود
بس في اختلاف بين امجتمع البحرين والسعودية
يختلف في العادات والتقليد وهذا معروف عندنا نحن القطيفيين
ويعطيكم العافية

[عفاف الهدى]

السلام

الموضوع حلو واجد

وردود الاعضاء حلوة كمان

والإختلاف بات واضح بين مجتمع القطيف والبحرين ومجتمع القطيف وبعض قراها بعد

اني اايد اخوي امير العاشقين في كلامه

ان البنت مع اهلها ومو شايخين كيف مع صديقتها؟؟ واني مع اني بنت لما اطلع السوق بس حنا خواتي

واخاف كيف مع صاحباتي اذا كانت صديقتي رايحة معاي اني واهلي او اني واهلها اوكي جماعة حريم وبنات

اهون وحتى الكورنيش ما أأيد بنات لحالهم ابد حنا في طلعاتنا الشاليهات لازم العائلة كاملة وبنات اخوي كانو

يروحوا معاهم صاحباتهم انيما كان يعجبني هذا الشي خصوصا طلعتنا الصبح الين اخر الليل بس بعدين

حسبتها طلع معاي ان طلعتهم مع الأهل افضل مع ان فيها اشوي اذا كانوا مراهقين وفي مراهقات ما أحب

اتخيل مع نظافة العيلتين واخلاقهم الا ان في هالمرحلة الإندفاع والتسرع غالب .

اني مع ان البنت لازم تتطلع مع صاحباتها ويستانسوا بس مو لحالهم مع احدى العيلتين اضمن

الى البنتين وسمعتهم

واسفة عالإطالة