زينـوهــا ودفنـوهــا والكــفن ثــوب الزفـــاف
غـصب عنهــا زوجـوهــا وسلمـوهـا للغــريب..

مجبـرهـ مـاشـاوروهـا قصدهــم شــرع العـفـاف
مـادرو ن البنيـه مغـرمـه ولهــا حبيب!!

جهـزوهـا وهـي تبكـي وترتشف دمـع ارتشـاف
وخبروهـا ان مـوعد الـفرح منهــا قــريب..

مـالقت احــد فهمـها وهمـها نـاظر وشــاف
ان حكت باللي سكنهــا مالقت لهــا مجيب..

وكانها هي وافقتهم جرعوهـا الزعـاف
حالها من فعل اهلهــا صــأر محزن ومريب..

والحفل قرب وقامـت ترتجــف خوف ارتجــاف
كل يوم تقــول بــاكر الفرج باذن الرقيـب..

بــاكر يمكن يفهمون قصتي باخر مطاف
جا باكر ثم عدا وجا بعد باكر عطيب..

وعلقو عقد الاناره واحتشد فرد والاف
ايقنت ان الجرح جرحها ماله طبيب..

وانها لازم تطيع امرهم وترضى الجفاف
جو لها والدمع يغرق جفنها الحلو الرطيب..

قالو يالله البسي ثوبك اللي لزفاف
كفنوها وفي نظرهم زوجوها للاديب..

فرشوها الهم دايم والاسى لها لحاف
ياحسافه دخلوها والحشا يغلي لهيب..

واحكموا قيد البنيه واسجنوها بالتفاف
وادعتهم وهي تقول حسبي الله حسيب..

رحلتي ماهيب طويله ورجعتي بعد القطاف!!
سافرت عن دار اهلها وقلبها خطر وصويب..

سافرت مع منهو خطفها ومن امانيها الضعاف
خايفه مستوحشه والعرق منها صبيب..

وقلبها ينبض بذكرى ماضيه فيها اختلاف
حاولت ترضى بقدرها وللحدث هي تستجيب..

بس عييت تقتنع وعشقها ذاك الضفاف
هو سالها جاوبيني ليه دمعاتك سريب..

ليه لي ماتنظرين وانا زوجك شخص واف
قالت بنبره خجوله انا في وضع رهيب..

غصب عني زوجوني واطعنوني بالرهاف
هو سكت لحظه تامل وش اسوي يامجيب..

عقله وقلبه نطقها صاحب النخوه يعاف
قال منهو غير حبي يسكن بقلبك نجيب..

من تولى عرش قلبك اهتني به ياعفاف
وباكر الرجعه تراها وامسحي الدمع العجيب..

خايف اني امسكك واقترف ذنب اقتراف
اضحكت ضحكه وقالت مابعد هالطيب طيب..

الله يجازيك عني بالاجر ويسر الطواف
ارجعت وقالت رجعت يااهل الشرع الغريب..

بنتكم جتكم ولكن من بعد ذل وحساف
وابعثت مرسول عاجل انا جيتك يالحبيب!!

النذر اللي نذرته صار وافي يامناف
اجلست يوم وتاخر ولا رساله ولا مجيب..

وعقلها يمه تشتت وبدت بالغيبه تخاف
مرها طفل صغير وسالت عن الصحيب..

قال مات ليله زفافك واندفن بعد الزفاف!!
ناحت بحسره وطالت ليالي النحيب

وودعت قبل اللقاء حلمها الزاهي وطاف
اقتلوها مرتين وشابت ماقبل المشيب..

وذاب قلب قد تعلق والبصر جاه الكفاف!!!


اعجبتني فنقلتهــا
تحياتي