7 حلقات... " الحلــــــــــــــــــقـــــــــــــة 1 "

[Princess]

السلااام عليكم يا حوائااات ويا اواادم..

كيف الحال جميع... ؟؟

_ الله سبحانه.. خلق سبع سماوات وسبع اراضي .. شي معروف اتوقع.. صح؟؟

_فقرات رقبتك عددها 7.. صح؟؟ << عدوهم اذا منتون مصدقيني

_الوان الطيف 7 صح..؟؟<<< شان حضرتش بتخترعي لون جديد

_ ايام الأسبوع 7 .. صح.. عفر ما زادو... <<< قومي نامي

_ عجايب الدنياا 7 صح... واني العجيبه الثامنه .. ادري ادري <<< يبغى لش دست..:

وانت يا ادم

عفر لك 7 اسرار
ولازم حواا تعرفهم...

ما تعرفهم... هااا. .اشهدو يا بنات حوا..

اميروه جابتهم ليهم.. في 7 حلقات. .

الحلقــــــــــه الأولى

يذبح حوا صمت ادم ..ماتدري ليش هو ساكت ..لأنها وبكل بساطه ما تسكت الا اذا فيها ان.. وخلقها ضاايق ..بس اذا فرحانه فديتها تقول كنها بالعه مسجل..
المشكله ان مو كل بنات حوا يعرفو ان الصمت طبيعه في الرجال....

والسبب بالمختصر..
ما عنده شي يقوله.....ودايما حوا تحاول تجرجره في الكلام ..فويش تسوي تسكت حق يسألها..قااائلا : ويـــــــش فيــــــشششششش؟؟؟ << صدق كيدهن عظيم...

عااااد هي ساعتها قرقر وبربر من الصمي والعمي تطلع كل اللي في شبدها.. ويا ريااال " رجال"

ما تسوى عليك يوم تسألها << امززح رفقا فينا يا ادم حط بالك علينا..

بس نصيحه من اميروه في هذي الحلقه:

لا تلاحقي ادم بالأسئله لا تطفشي عيشته.. اذا ساكت.. وسكوته طفشش.. حاولي تكلميه في موضوع يحبه.. بطريقه حلوه .. امزحي وياه وامرحي .. وهو بيتجاوب .. وبيسولف .. وصدقيني اذا فيه شي مضايقنه بهالحركه الحلوه منش بيفتح قلبه وبيقول لش..

اتمنى استفدتو..

الى اللقاء في الحلقه القادمه...

دمتم بحفظ الرحمن

[ملاك الورد ..~]

والله ساعات سكوتهم نعمة
لان من يتكلم
جيبي ماي
سوي شاي
اكوي الثوب
نظفي البيت
وهاتيا أوامر ما تخلص
بس عن جد الرجال الساكت يبط الجبد

مشكورة خيتو على النصيحة وبانتظار البقية

[نور الهدى]

هههههههههههههههههههههههه


ههههههههههههههههههههههه


نوارة


اذا تكلمو ما عجبنا واذا سكتو بعد ما عجبنا

ولا حووووووووووووواء عجيبة

تشوفها اذا زوجها كل قاعد في البيت تقول له اطلع غير جو

واذا كل برة البيت تحن عليه حس فيني اقعد معانا شوي

يعني لا كذا عاجب ولا كذا


يسلمو اميرة بنتظار الحلقات الجاية

[أميرة باحساسي]

امووووووووت ... ولا اشوووف واحد من اخووتي سااكت
تجيني حــرة و اشعلل نـــــــــــار... ومايبرد قلبي الا اذا
عصبته وخمد انفاااسي بذيك الزقــــرة .....
بعدها ارتــــــــــــــاح وانطـــم .....

يسلموو حبوبة .. وبانتظــار الحلقة الجااية ..

[تأبط بودره]

أميرة المرح..
أن ماطرحته هو يعتبر أكبر مشكلة بين الزوجين..وأكثر مايهدد أي علاقه ..
السكوت .. وأنا لا أقصد بذلك السكوت بحد ذاته .. ولكن سببه ... ماهو؟
(طبعا أن أتكلم بصفة الخبره وأني مقطع السمكه وديلها .. 20 سنه طاعون.. أقصد زواج)
ولكن فعلا لماذا السكوت..ما أضراره..أو ليش مايكون كلام ..وويش سوف يكون هذا الكلام..
السكوت يقتل لغة التحاور بين الزوجين .. هذا أن وجدت .. يقتل الشفافيه .. والتي هي مفتاح لحل أي مشكله ..
سبب السكوت هو: عدم التكافؤ الفكري بين الطرفين .. (قد يكون عدم التكافؤ هذا من صنع المخيله)..
تخيلي الموقف التالي..(لا أقصد الأساءه إلى أي طرف ولا أتحيز لآخر)
لو رجعت البيت .. والمره قاعده وتوها مخلصه مسلسل (حريقه بيط بيط وحبيبي العبيط)..الغداء أو العشاء ممتاز .. بس مئه شغله في بال الزوج عن العمل وليش رئيسه هاوشه لأنه خلا الباب مفتوح و أربعه إلكترونات هربو..فما هو الحوار الذي تعتقديه أن يطرح بين الزوجين ..
المشكله هنا أننا لا نتشارك التوجه كزوجين ..
وتخيلي ان الزوج تعرف على زوجته من سنه 1 جامعه ولين أتخرجو مع بعض وثنينهم يشتغلو بنفس الشركه..(أنا لا أدعو إلى الأختلاط)..هناك سيكون ألف موضوع وموضوع يُطرح .. موشرط عن العمل طبعا .. ولكن لتساوي المستوى الفكري بين الطرفين ..
قد أكون طرحت الموضوع بشكل هزلي .. ولكن فعلا .. وهذا ما يعتقده علماء النفس على الأقل .. أن عدم التكافؤ يولد السكوت .. وأن السكوت يقتل الشفافيه .. والشفافيه أذا أنعدمت ..أنتهت معها أي علاقة كانت..
عقبال بقية الحلقات .. (أدري ملقوف).
تسلمووون ميغا..

[فرح]

بجد سكووت الرجل في اوقااات يجيب العله
وفي بعض الاوقااات سكوووته نعمه هههه
لكن بجد اكيد بتفاهم والالفه والمحبه كلا الزوجين
يعرف شنهوو الا يبيه الطرف الاخر حتى بدون كلام
بحركه او اشاره ..بالحب تسعد الحياه
واتمنى السعاده للجميع
يسلمووو امـــــيرتنا
ع الطرح الحلووو مثلك حبيبتي
وبنتظااار الخلقااات القااادمه
موفقه للخير دااائما ..

[Princess]

نواارة خيتوووو .. كملي فديتش وقائمة الطلبات مستمره .... الى ما لا نهاية بالإتجاهين
سالب وموجب...
الله يكون بعونش
بس اكو قلتيها بالنهايه السااكت يبط الشبد...
منوره حبابه وتسلمي وياهلا...
------------------------------------------------------

نوور الهدى ... ام محمد سابقا ... منوره غناتي,, من ناحية ان حوا عجيبه فهي عجيبه... يعني شوفي
طلعت ادم من الجنه على حساب تفاحه.. خلت النعيم كله وعجبتها بس التفاحه والا هي.. ابليس يوسوس بمخها..
ولا يعجبها العجب.. السمووحه يا حوائااات فأني بالأول والأخير.. منكم.. فديتكم << ترقع .. احم..
يعطيش الف عافيه حبابه .. منوره وياهلا...

------------------------------------------------------

اميرة بإحساسي..
هلا والله خيتو منوره حبابه..
وسلامتش من الموت والحره ..
والله يجيرش من الزقره..
لا عدمت هالطله يارب.. تسلمي..

------------------------------------------------------

تأبط بودره..
خيوو.. كلام جميل .. عفر قلت 20 سنه طاعون .. هااااا يعني تخصص..

عدم التكافؤ الفكري بين الطرفين

جا في بالي قرقر.. والله يكون بالعون.. يعنو من الملحوظ
ان الرجال لو كانت مستوى ثقافته عاليه مقارنه مع حرمته المصون
تلاقي التذمر والإستياء منه ناحيتها.. ويسكت ويللا ويش اسولف وياها دي .. افففف ما تعرف شي,,
بس تعالو للمرأه اغلب الأحيان.. تلاقي جامعيه وماخذه واحد شهاده ثانويه ولا بعضهم متوسط وسادس .. وعال العال عمرها ما قالت
ويش ماخذه لي اني غير الا قوطي..
صحيح الدراسه مهي شرط لقياس مستوى الفكري للشخص.. << اميروه اقرب مثال.. تفحط بهالكليه.. يا زعم عندها مخ هيهي يا مجير
الموهييم.. اللي اشوفه البنت اغلب الأحيان ترضى بمستوى الثقافه المتدني من الشاب بينما العكس نسبته تكاد عدم..
عذرا خيوو.. بس مد تعقيبك على قد ردك.وبالأخير,,,

أن عدم التكافؤ يولد السكوت .. وأن السكوت يقتل الشفافيه .. والشفافيه أذا أنعدمت ..أنتهت معها أي علاقة كانت..

كلام سليم وعفر عجبني... وفعلا .. مشكله...
.
رد رائع تشكر عليه ومافي لقافه ولا شي.. وياهلا.
لا تحرمنا طلاتك.. تسلم..

------------------------------------------------------

فروووحه
هلا وغلا .. بالنسبه لي... سكوت الرجل نقمه قبل ان يكون نعمه..
يعني اني من طبعي لاحظت على روحي.. استانس اذا قام رجال يسولف معاي..
ابوي .. اخوي .. عمي .. خالي... وسالفه تجر سالفه.. استمع.واستمتع... حتى لو كانت السالفه قديمه او شي اعرفه..
اخليه للأخر يكمل.. مع اني انوصفت بالعبط والإستخفاف باللي يهدر لي اذا كانت الهدره معروفه
الا اني بكل رحابة صدر تقبلت الوصف هههههههه لأني حبيت الهدره.. وما قصدي ابدا اني
استهزأ... شي جميل لما يهدر ادم لحوا.. وشي اجمل اذا لقى تجاوب منها.. والأجمل والأجمل..انه اذا سكت.. تعرف حوا كيف تخليه يتكلم...

حلت دنياك غاليتي تواجد اسعدني لا عدمته يارب

------------------------------------------------------


انتظروا الحلقه القادمه..
عاد بعد شوي..
بعد يوم لو يومين
السنه الجايه..
ربنا يسهل

مشكوورين عالتواجد الجميل


دمتم بحفظ الرحمن

[تأبط بودره]

ان الرجال لو كانت مستوى ثقافته عاليه مقارنه مع حرمته المصون

تلاقي التذمر والإستياء منه ناحيتها.. ويسكت ويللا ويش اسولف وياها دي .. افففف ما تعرف شي,,

بس تعالو للمرأه اغلب الأحيان.. تلاقي جامعيه وماخذه واحد شهاده ثانويه ولا بعضهم متوسط وسادس .. وعال العال عمرها ما قالت
ويش ماخذه لي اني غير الا قوطي..

أميرة المرح..

شكرا أنك أثرت هذه النقطه المهمه...كلامك صحيح ...ولكن
الجانب الفكري لا يقاس أبدا بالمستوى العلمي...أبدا..
من وجهة نظري..أن الشخص الأمي الذي لايعرف القراءه والكتابه ، أرقى فكرا وأكثر ثقافة أذا كان يطق (باب الحمام) الله يكرمكم قبل ما يدخل ،من دكتور يفتح باب الحمام بطريقه همجيه..(والله أدري..أمثله مقرفه..بس هذا اللي جا في بالي) .
فلذلك: لا تربطي الشهاده بالفكر والثقافه ..
الشىء الثاني..لو طبقنا المثال المقتبس االي ذكرتيه..

وعال العال عمرها ما قالت

ويش ماخذه لي اني غير الا قوطي

فعلا ..يحصل هذا الشىء لسببين: أن البنات وللأسف تنقصصهم التجربه العمليه في الحياه بشكل ملحوظ.

والثاني: السياده والقوامه الذكوريه.
فشىء يغطي على شي...مثال: أنت دكتوره وأنا نيله..وأنتين في المطبخ طلع لش فار...خلي شهادتش تنفعش (أدري مثال ويع بعد ..)
آسف للأطاله وأنشا الله أكون وصلت وجهة النظر..
تسلمون ميقا

[alzahrani33]

انا بلطش من تأبط تأبط تأبط

أن عدم التكافؤ يولد السكوت .. وأن السكوت يقتل الشفافيه .. والشفافيه أذا أنعدمت ..أنتهت معها أي علاقة كانت..
عقبال بقية الحلقات .. (أدري ملقوف).

انا لسى طالب ما اعرف قرقر حقكم هذااااا

بس اسمع فيه


اميرة المرح يسلموووو على الموضووع

دمتي بود

[Princess]

ولكمووو عمو تأبط
خوش رجعه براي جدا رائع..
اني وضحت من البدايه وقلت...

صحيح الدراسه مهي شرط لقياس مستوى الفكري للشخص..

فشىء يغطي على شي...مثال: أنت دكتوره وأنا نيله..وأنتين في المطبخ طلع لش فار...خلي شهادتش تنفعش (أدري مثال ويع بعد ..)

هههههههههههههههههههههه
ياربي .. طارت النومه.. ههههههههههه

تسلم عالرجعه الرايقه..والكلام السليم... ..

خيوو الزهراني... كلنا طلاب .. احم...
يللا بكره تتتخرج ,, وتعرف لهالقرقر,,, تسلم عالتواجد وعلى تأييدك لراي التأبطوو..

دمتم بحفظ الرحمن

[zmrdh]

سكوت الرجل عن الكلام مع زوجته هذا لانها مهي عاجبته وشايف له وحده ثانبه والزوجه تعرف زوجها من نظراته من حركاته مع العشره واذا حاولت المراءه اتخليه ينطق ايسمعها كلام زي السم ايلمح ليها عن الي عنده زوجتين والي عنده ثلاث فخله ساكت احسن

[Princess]

ممممممم خيتووو zmrdh

اصابع كفوفش مهي سوا.. وتحليلش هذا اسمحي لي .. ابدا مهو منطقي..
ساكت يعني عنده حرررمه ثانيه..
واذا حاولت فيه بيسمم بدنش بكلام يلمح فيه عن اللي عنده اكثر من زوجه..
لا بالله ما يصير كذا...
الرجال طبيعته ساكت اصلا.. اجل كل الرجال عندهم اكثر من مره...
هههههههه موضوعي هذا درس في طريقة التعامل مو دعوة للفتنه وسوء الظن...
تسلمي عالطله خيتو

بس في الحياه ضروري تصفي النيه حق نعيش بسلام..
دمتي بحفظ الرحمن

[همسات وله]

اني عن نفسي اموت ولا اشوف ادم تبعي ساكت
لان سكوت ماي ادم يعني وراه شيئ كبير
ولاعاد لما اساله ويش فيك ويقول سلامتش
اتجيني حواسات في قلبي
ولازم اعرف ويش صاير
بس المشكله ان ادم ما يحب لما ايكون مضايق ولا تعبان اتجين اتقرقرين على راسه
خليه يرتااااح اشوي
جيبي له قلاص عصير و بيالة شااااي
ضحكي في وجه ضحكه ناعمه
ومسحي عليه
وبعدين اغرفي الكلام غراف
وجاااان فيش خير سكتيه
اما عن نفس استانس لما اقعد اسولف ويا ماي ادم
ومو شرط ان يكون هناك تكافؤ فكري علشان يكون هناك حوار بين حواء وادم
كفايه يكون هناك نوع من الترابط الودي وروح المحبه تكون سائده فيما بينهم ليستطيعوا ان يخلقوا حوار من لاشيئ
مشكور ه ياعمري اموره
والله من بخت اللي بياخذك
عليه بالف عافيه
وانشالله يسعدك في حياتك
تحيااااتي لك
خيتك
همساااات وله

[Princess]

يؤ .. عفر لساني واصابعي انربطت
تسلمي غناتي من ذوقش والله يعافيش ويخليش ليوور ادم ويخلي اولادكم ليكم يارب...
و ويش بعد عفر ماني عارفه ويش اقول

تسلمي عالطله الحلوه لا عدمتها يارب

ايه صحيح.. جعل ادمش ما يسكت قولي امين << اميـــــــــــــن من قلب همسات
دمتي بحفظ الرحمن

[ملكة سبأ]

ياعمري على هالكتكوته أميروه ومواضيعها اللي تهبل وعلى قول هموسة يابخت اللي بياخدك
أني من جهتي ما أقدر أشوف زوجي متغير وساكت وأخليه لالالالالالالالالا أجيه بالحركات والأكشنات
وأخليه يظحك على طول إحم إحم حتى هو يقول عني ذكيه تعرفي كيف تغيري مزاجي وتخليني أروق يامدامتي .
شكراً لك أميره وننتظر كل مافي جعبتك عذراً تأخرت في الرد على حلقتك الأولي العتب على الدي إس إل