طــفـــلـه علمـوهـا ثلاث عـيـــوب !!!

**عماد علي** · 11-20-2007, 12:29 PM

طــفـــلـه علمـوهـا ثلاث عـيـــوب !!!

طفلة صغيره ..ومن الصغر
..علموها ثلاث عيوب
بوجه الغريب ..لاتضحكين
وسوي .. ولا تسألين
!!..وأهمها .. حذاري تحبين

ومر الزمن .. والطفلة كبرت
.. وهالعيوب كبرت ..
!!.. إحفظتها بقلبها ..إفهمتها بعقلها
!!...إلا الأخير .. وآآه من الأخير

حاولت تفهمه .. ماقدرت
!..حاولت تجنبه .. ماصبرت
واخيراً قررت
تنسى ذاك العيب الكبير
..تنسى ذاك الهم الكبير

-----

ومرت الأيام .. والوقت الطويل
ومرها طيفٍ من بعيد
سكن في قلبها ..ضحك في وجها
حست بقلبها .. يرجف
وبعينها .. تدمع
ودها إنه منها قريب .. ودها
.... مايبعد عنها
مسكينه حبت .. ولا حست
وسوت أكبر ..هالعيوب

-----

راحت لأمها .. تشكي
تحكي .. وتحكي
مثل ماتعودت من يومها ..طفلة
أمها بكت وقالت : بنتي تحب
!!..أبوها سكت وقال : لايدري أحد

أبعدوها عن الناس
خافوا تقول ذاك الإحساس
وصارت تسامر ..النجمه
وتحسب ..للقدر "حكمه "
تفكر في فارس الأحلام
وتبني ذيك الأمال

-----

ماطولت في حلمها
جاها ولد عمها
يبيها ..يبي قربها
وافق أبوها .. وافقت أمها
قالوا : مافيه إلا ولد عمها
يبعد العيب عنا .. وعنها

وهي .. للحين ترسمم
محدٍ أخذ رايها .. ولا احدٍ شاورها
بكت قالت : لا .. محدٍ سمعها

وجا ذاك اليوم إلي يسمونه زفاف
وهو بعيونه .. يوم الممات
وإجتمعوا الأحباب .. والأصحاب
محدٍ درى عن قلبها .. عن همها
محدٍ عرف وش نيتها

-----

قالوا : الفرحه
وكلٍ هتف
قالوا : الزفه
وكلٍ وقف
بس للأسف
هي ماحضرت
هي ارحلت
خذت ذنبها .. وذنب
أهلها .. وإرحلت ..
خذت عيبها الكبير
وإرحلت ..!

**أمير العاشقين** · 11-20-2007, 12:36 PM

وعماد علموه وهو كبير

يتغلى على جسوم من الصبح لين الظهير

مايرد على الهاتف يفكره رقم غريب

ما ادري ناسيه في جيبه والله على السرير

الله يخليه ويخليه له بسوم الصغير

وام باسم وشعر الجميل

تسلم لي حبيبي على هذه الكلمات

عساك على القوة يارب

ماننحرم من وجودك

بانتظار كل جديد

اخوك
أمير العاشقين
جاسم أحمد

**نور الولاية** · 11-20-2007, 02:32 PM

عماد علي اخونا المميز
تحية ود وورد وطيب
قلب نابض بالحب والحياة
قلب مفعم بالعطاء
قلب مفعم بالدفء
ولوووون الربيع
ليعطي لرووووح
سماء وبهاءا ورخاء
تثنربها اجمل واروع
الاهازيج واللاحان
تسكب العطر
وعبير والورد والاقحوان
نور على نور وابداااع على ابدااع

واداااام قلبك

**مرتضى محمد** · 11-20-2007, 02:42 PM

والله تسلموا على الشعر الجميل
الله يعطيكم العافية

**عماد علي** · 11-21-2007, 08:44 AM

أمير العاشقين
الله الله على الشعر الجميل أخي أمير
والله مو تغلي
بس إنت عارف مانا صحبة واجد مع الجوال
والله يخليك سالم غانم لأهلك

نور الولاية
كلامكم الجميل خيتو وتشجيعكم للطرح
هو الابداع والتميز
آدامك الله مشرفة منورة قسم الشعر

مرتضى محمد
الله يسلمك أخي ويعطيك ألف عافية

كل الشكر لكرم التواجد الغالي...