أَدْري وَالله يَـا حبيبي مِـن وَرى عيـني تخون

[zoheir]

أَدْري وَالله يَـا حبيبي مِـن وَرى عيـني تخون

--------------------------------------------------------------------------------

أَدْري وَالله يَـا حبيبي مِـن وَرى عيـني تخون
لا تِظِـن إنِّك مِكَـذِّبْ .. لا تِصَدِّقهَـا ظِنونك
ومِن يُقول آنا أحِبـك وقلبي عايش لِك يصون
آنـا مثلك يا حَبيبـي مِن وَرى عِينك أَخونك
هَـان قلبـي في عُيونِك و هَم بَعَد قلبِك يُهون
عِشت أيَّامِـك بِدُونِـي و عِشت أيَّامِي بدونك
دامِك تِسَمِّــي الخِيَانَــه في مَلفاتِك جنون
فِينــي لِك مَليُون جِنِّــي كِلّهُم والله يَبونك
لاتِسَوِّي لِـي حِكايَـة نُون ومَـا لا يَعلمون
يَعنِي فاهِم يَعنِي عَارف وإنتَ ضايع وسط كونك

كيف أحبك ؟ ليه أحبك ؟ وإنتَ أصلاً مِن تكون
شخص خايِن والله باين حِط عيـني في عيونك

لا تِمَثِّـل دُور عَاشِـق .. ولا تِقول إنِّك حنون
إنتَ قاسِـي إنتَ ناسِـي إسأل اللِّـي يعرفونك
أو ترى يمكِـن يكـونوا مِثلِك إنتَ يكذبون
يذكرُونِك.. يفقدُونِـك.. بالكِـذِب هُم يعشقونك
لا تِصَدِّقهُم وتَبكِي وفـي غِيابِـك يضحكون
لا تأمِّنهُـم وأحـذَر قبـل لا تبـدي طعونك
والله باكِر ما يفيدِك لا بـدَى وقت الطعون
يطعنُونِك وإنتَ شايف وإنتَ عَـايش يذبحونك
والمصيبه بَعَد مُوتِك بالكِذِب هُـم يحزنون
يدفنُونِـك .. يكرمُونِـك .. و إلاَّ يمكِن يتركونك
هِي حَياتِك وإنت كِيفِك خُون لو وِدِّك تِخون
بَس إفهَم شَي واحِـد .. والله مِن خِنته يخُون

وتقبلو تحياتي أخوكم زهير

[لحن الخلود]

اخوي زهير
تسلم انامل خطت اجمل العبارت وارقها وباسلوب رائع
اعجبني ما خطته اناملك والى الامام اخي
تقبل مروري
اختك لحن الخلود

[دنيا الأحلام]

اخي زهير
كلمات جميلة ورائعة
يسلمووووووووو

[اسير الهوى]

نقل رائع اخي زهير

يعطيك الف عافية..

ستنقل للمنقول

[نور الولاية]

كلماتك رااااااااااااااائعه 00 كم اتمنى لك كل سعادة في هذه الدنيا
وكل سعادة في الآخره

وفقك الله