مشكوره على المتابعه
السلام عليكم ورحمة الله وبركاته
الحمد لله رب العالمين الصلاة والسلام على أشرف الخلق والمرسلين نبينا محمد أبن عبدالله وعلى آل بيته الطيبين الطاهرين .........
چذبــة ابريل قبل لا ينتهي نفذها الكظمي
كل هاللي سوَّاه بغرامه الكظمي تمهيد
والهدف شوفتهـــــا عقب خطوة بالتحديد
فكَّر وفكَّر وصل حق شي شكـــله بيفيد
يجبرهـــــا ترضــــى بلا رجـــــوة ولا تهديد
يدري بها صــــــــارت تكره الدنيــــــا بدونه
تعبـــــــــد الرنــــــــة والمسج من تيلفونه
يعني خـــــــــلاص اتمكَّن وشمَّـــر اقرونه
واسمع الخطة الجايــــــــة ( والله ملعونة )
إتصل ليهــا وصوتـــــــه عن يازعــــــــم بايح
سِئلته: عمري اشفيك؟ قال: اشويه صايح
قالت عسى ماشر حبيــــبي؟ قول؟ صارح؟
قال: انا مو بيـــــــدي خـــلاص .. ايام ورايح
قالت: حبيبــــــي ما فهمتـــــك وضُّـــح اكثر!
قال: الصراحة .. مانــــه عــــــــارف لچ اتعذَّر
بس الحياه تبغي كفـــــــــاح اطول وأكبــــــر
فرصة سفر للخارج .. وعذرينـــــي .. مضطَّر
قالت: يـ فــــــــارس چان مزحــــة قول مزحة
ناوي على قلبـــــي من امزاحــــــــك اتذبحه؟
أرجــــوك اذا تتقشمر .. القشمــــــــرة چلحة
خرَّبت مزاجـــي يـــــــلا عمري بسرعه صلحه
قال: انا مــــــا أتقشمـر وصـــــــدق اللي قلته
عَـــرض بفرنســـــــا وانـــــــــا فكَّـــــرت وقبلته
راتـــــب حلو .. وتغيــــــير جو .. والفرصة فلته
وهذا جوازي وكل شي في الجنـــطة حملته
ماتت اصيـــــــاح التلحــــــة ولدمـــوع اربع اربع
وقالت: يـ فـــــــارس عن قـرارك جــــوز وارجع
ماتدري لو تتركنــــي موتـــي يصيــــــــر أسرع؟
ترضى على اللي اتحبــــــــك بلحظــــة تتقطَّع؟!
ويلي على الحب والله طرطنقـــــــة وشخابيط
ما شافته وبتمــــوت وش هالحـــــــب ؟ بلاليط؟!
ألعـــــــن ابو اهـــــــرار العلاقــــــــــات الخرابـيط
بس يلا خلنــا انشـــــــــوف قصـــــة هالزعاطيط
على ما تصيح ريموووو شوي والكظمي يضحك من ورى التلفون
انسرح الحلقة اللي عقبها تسريحة حلوة
واندزها ليكم قمر 14
رد مع اقتباس
المفضلات