مشكوره على المتابعه
السلام عليكم ورحمة الله وبركاته .
الحمد لله رب العالمين الصلاة والسلام على أشرف الخلق والمرسلين نبينا محمد أبن عبدالله وعلى آل بيته الطيبين الطاهرين ........
الحلقة 12 و 13 .. فلها الكظمي بالفوچرات .........
سيَّف رقمها وضرب رنة يعني ( مسكول )
سيَّفت رقمـــه وردت الرنَّــــــة على طول
قالت: أني للساعه وحـــــــدة ترى مقفول
بس عقب وحدة إنته فاضي والا مشغول؟
قال: انا فـــــــاضي بس إذا إنتــي فضيتين
خبرينـــــــــي بالمسكول يعنـــي لو قدرتين
قالت: خــــــلاص إعتمـــد دام احنه متفقين
والساعه وحده جت وشوف اشصار ألحين!
ضربت له رنــــــه واتصل وبسرعه شـــــالت
يا هــــلا قـــــال ويا هــــلا ويا غــــلا قـــــالت
وتالــــي السوالــــف للفجــــر طالت وطالت
وروح الغــــــزل مـــــا بينـــــهم صالت وجالت
قالت: اسمــح لي صوتي بايــــح فيي نومه
قال: انتي صوتش بايـــــــــح بهاذي النعومه؟
إشلون لو مو بايـــــح اشنوعـــه ريُّووووومه؟
لا غـــــــاب هالصوت الله يرعـــــــــاه ويدومه
قالت: تعـــــــــال انزيـــــن ما بتغــــــني ليي؟
لو بس حچي وما كو فعــــل واتقص عليي؟
قال: انـــــــا عمري مـــــــا طلع دخنة حچيي
طلبي لغنيـــــة؟ قــالت: يلا غن لي أي شي
غــــــرَّد الكــــــظـــــمي: دان دان ودان وا دان
هيله يرمـــــــان الهـــــــوى .... هيـــــــله يرمان
عنــــدي حبيــــــه چنها بستگ .. كازو .. بيدان
(( ماتدري هـــــاذي اغنية لو گراشي جوعان! ))
رد قـــــــال: سمعــــي الثانيـــــــة ... يالبرتقاله
ريم السبــــــاله .. ويش!!! لا sorry الغزالة
تفـــــــاح خدهــــــــا والخشـــــــم چنـــــه خلاله
فارس عَشقهــــــــا وبالعشق حالتـــــــــه حاله
خلَّص وقـــــــال: اشرايــــش أصلــــح لو أفشِّل؟
قالت: عجيــــــــب وربي صوتــــــك مـــوت يهبل
تصلح ونــــــــص ياريـــــــــت ليـــــك اقدر أوصِّل
لو أني منــــــــــك چـــــــــــان كاسيتيـــــــن أنزِّل
شوف النفــــــــاق اشلون بــــس! .. ألله أكبر
هِي تدري صوتـــــــه مُجــــرش ويشبه الوَروَر
بس ما بغـــــت تِحرجــــــــه لا يهـــــرب وتِخسر
مِحتـــــــاجــــــــه يشحن ليها فوچر ورى فوچر
واستمر هـــــذا الإتصـــــــــــال أيَّــــــــام وطوَّل
كل ليلة يشحن ليهـــا چم فوچــــــر ... إتخيَّل !!
وأدنــــــــــات ليله اقتـــــــــرح فكرة .. لكن أوَّل
فاصل اعـــلاني وانتظر بــــاقــــــــي المسلسل
رد مع اقتباس
المفضلات