سوَّاها وراح
خيره في غيره
عن يا زعم جاه اتصــــــال بخبــر مو زيـــــــن
أمه في المستشفى مريضة اتنازع البيــن
نزَّل النقـــــــال بمدامـــع على الخــــــــديــــن
قال: امي .. بمشي .. أعتذر .. بتصل بعدين
قالت : عسى امك سالمـة من كل أذى وشَــر
مو مشكلــــــــة اتفضل وحاســـــب لـَ تـــــتهور
وانتظر بعــــــــديــــــن اتصالــــــك من الدخـــتر
واتمنى ما تـــــنسى حبــــيــــبـــــتـــــك وتتأخر
راح ودمع مكيــَّــــــة بالخــــديـــــن ســچــــاب
إحساسها يقـــــــــول اتصــــاله اهرار وچذاب
والمثل ايقول: إلحق الچــــــــذاب للــــبــــــاب
إي والله مو چـــــذاب بس .. ما دفع لحساب
راح وبقـــــت تـــــنــــدب كرامتها وشرفهـــــــا
ورحم الله مِن دمعة نــــدم توبـــــــــه ذرفهــا
تتمـــــنى لاعرفتــــــــه يـــــــــوم ولا عرفهــــا
كانت ( زلال ) وبــــــــــيـــــده لوَّثــــها وغرفها
راح وألم مكيّــة وســــــط الروح ضــــارب
كاظم هرب بس اللي فيــــها ماهو هارب
رد الضمير اصحى بعـــد ما كـــــان شارب
وبيّن وعيهـــــــــا من بعد ما كــــان غارب
وهو من طلع شال البطاقــــــة من النقــَّـــال
قطــَّاها في الشارع بلوعـــه مثل تـــــفـــــال
إلاَّ رقم .. بيطلع أحسن منــــــــه في الحال
بس المهم يقطعهــــــــا وتشيـــــــله من البال
وصَّل البيــــت ويحمــــد الله وصَّــل البيـــــــت
قال: انا بالله اشلون في هالحفـــــرة طبيـبت!
والله ستـــــــر مو على وجهـــي من انچبيـــت
وشقد عرق من قابـــــــلتـــــــني اليوم صبيت!
رد قعد كاظم مستمل ما عنــــــــده شغـــــله
معفوس وجهه چنــــــه فاقــــــــــد أمه واهله
قال أدخل الشـــــــات اشوي اتهنى واتسـله
برد احــــــــاول يمكن القى ابنــــــــــيّه سهلة
عرج على ( فوفو القمر ) في الخاص وسلم
هاي .. الصراحة .. ودي نص ساعـــة نــتكلم
ردت عليه بـ هـــــاي .. رد .. صورة تــتبـــسم
بس عاد هالمرة كلَّمهــــا ولا اتــــــــبلعـــــــــم
وابتــــدت للكظمى البطل قصة جديــــــــدة
واللي جرى وصار الزمن يفتــــــر ويعيــــــده
وچم كاظم بهالشـــــات شهواته عنيــــــــدة!
وبالدنيا چم مكيــــــــــــة عفتها شهيــــــــدة!
آخر حلقة في الطريق
وما بعدها حلقة
بسكم ضحك
( حان وقت التفكير والعبرة حسب توقيت أحداث فارس وريم )
رد مع اقتباس
المفضلات